عايز أعرف ؟ المارش والاتوماتيك قصتهم ومشاكلهم والحلول والصيانة

[الايطالى الصغير]

العربية فيات 128 موديل 90

1300 سى سى

حالة ممتازة

قطع الغيار معظمها جديدة أصليه

لا يوجد اى مشكلة حاليا بالسيارة

لكن فيه بوادر مشكلة

المشكلة

عند ادارة السيارة وهى باردة

المارش يدور والسيارة تبدأ كانها هتدور ثم تقف

تكرر مرة اخرى تلاقى مرة ما فيش مارش

تسمع صوت الكتاوت بيتكتك

تكة بسيطة من كتاوت المارش

وتتكرر كل ما تحاول تدور

ثم تجمع نفسها وتقوم لجزء من ثانية وترجع تنام

تكرر مرة اخرى

تقوم دايره

البطارية عمرها حوالى سنة

شغالة عشرة على عشرة

قياسها وهى باردة 11.70-الى 12.5


الدينامو والعربية شغالة

قياسه

من 13.80الى 14.5 او 14.8

تتبعت الوصلات سليمة عند المارش والاتوماتيك
غيرت كتاوت المارش بنوع أصلى

البوجيهات جديدة وشغالة تمام ومش مرطبة ومش مهببة
مضبوطة زى الكتاب
التانك مفول والبنزين 92 تمام من بنزينة مضمونه
نظام الاشعال كله مضبوط عشرة على عشرة
فلتر بنزين جديد



برده المشكلة موجودة

ما هو العيب


البطارية مش بتاخر معايا ولا بتعمل اى مشاكل شغالة تمام


الشك فى المارش والاتوماتيك بتاعه والدينامو والبطاريه


خبراء المنتدى ربنا يبارك فيكم

ايه هى المشكلة الى اعراضها ظهرت عندى وايه علاجها

ربنا يرضى عنكم وعليكم

[mr_astra]

المشكلة الاساسية فى برودة الجو
اما بخصوص المارش اعتقد انة عاوز صيانة للجلب
بخصوص ان العربية تدور لثانية وترجع تبطل تانى اعتقد دة شىء طبيعى لبرودة الجو وتاثيرها على لزوجة الزيت مع الاخذ فى الاعتبار الحالة العامة للموتور
حاول بس حضرتك تعمل صيانة للمارش وتنظق الاوتوماتك بتاعة مع ربط كابل الموجب جيداااااااااا وعمل كابل ارضى محترم من جسم السيارة الى اى جزء معدنى للمحرك بتفرق كتير جدا
وعود نفسك تدوس دبرياج فى اول دوراة للعربية عشان نفصل جزء من الحمل وهو الفتيس

[ملك القلوب سوفت]

المشاركة الأصلية كتبت بواسطة mr_astra المشكلة الاساسية فى برودة الجو اما بخصوص المارش اعتقد انة عاوز صيانة للجلب بخصوص ان العربية تدور لثانية وترجع تبطل تانى اعتقد دة شىء طبيعى لبرودة الجو وتاثيرها على لزوجة الزيت مع الاخذ فى الاعتبار الحالة العامة للموتور حاول بس حضرتك تعمل صيانة للمارش وتنظق الاوتوماتك بتاعة مع ربط كابل الموجب جيداااااااااا وعمل كابل ارضى محترم من جسم السيارة الى اى جزء معدنى للمحرك بتفرق كتير جدا وعود نفسك تدوس دبرياج فى اول دوراة للعربية عشان نفصل جزء من الحمل وهو الفتيس

هوه العربيه وهيه واقفه ومنور الفتيس ايه دخله وانت بتدور ما هوه كده الفتيس مش محمل اصلان يعنى الماتور بيدور لوحده

ولا انا فاهم غلط يا ريت توضيح اكتر للمعلومه دى وهل هيه فى العربيات الحديثه مثل 2010

تحياتى

[mr_astra]

حتى لو الفتيس فى وضع المور عامود الدايركت بيلف
انا طلبت من الاخ السائل انة يدوس دبرياج اثناء التدوير بالمارش عشان يخف الحمل شوية عن الموتور لان واضح انة عندة مشكلة فى المارش ...........حاجة كدة تخلى الموتور يلف اسرع
والموضوع ملهوش علاقة بموديل السيارة ينفع فى القديم والجديد

[ملك القلوب سوفت]

شكرا اخى على الافاده