يا جماعه ساعدونى انا محتااااار جداا

[eng_ibrahim]

بصو يا جماعه من الاخر انا مبتدأ فى عالم السيارات وان شاء الله نويت اجيب عربيه لكن انا محتار بين كذا نوع كده هما سكودا فانتازيا اعلى فئه و هوندا سيفيك اعلى فئه و سيتروين سى 5 اعلى فئه برضو
كله 2012 واحتارت جداااا ومش عارف ايه الاحسن فيهم
ويا ريت لو فى حاجه احسن منهم تقولولى انا اخرى 230 - 240 بالكتير

[tamer.koko]

يعني حضرتك مبتدأ وعاوز تجيب عربيه غاليه كده عامه دي حريه شخصيه بس انا اقولك بقي والمبلغ بتاعك يركبك bmw 316 i وهنزود حاجات بسيطه احسن بقي من الفانتازيا والهوندا والسيتروين

[ahmed el gendy]

نصيحه ما دام حضرتك مبتدأ لسه هات اي حاجه مستعمله او جديده بس ما تكونش غاليه ده لمده 6 شهور او سنه بالكتير لسببين الاول سيادتك حسب كلامك مبتدأ يعني لازم تحك العربيه وتخبطها بدل المره 10 وده طبيعي جدااا كلنا عملنا كده لما بدأنا نسوووق فهتبوظ العربيه من حكات ومره تنسي الميه بتاعت العربيه ومره تغير الزيت متأخر يكون بوظ الموتور ثانيا سيادتك اكيد ف التصليح مش خبره قووووي والعربيات الجديده برده بيبقي فيها عيووووب فاكيد طبعااا الناس بتوع التوكيل هيكروتوا شغلهم وكل مشكله هيقول لك ده طبيعي لحد ما حاجه صغيره خااالص تبقي حاجه كبيره ولو هتصلح ف ورشه بره التوكيل ساعتها يبقي حكمت علي عربيتك بالاعداام لان فيه صنايعيه كتير ممكن يقولك دا الحته كزا بايظه وهي لا بايظه ولا حااجه هو عاوز ياخد منك القطعه الاصليه اللي ف العربيه اللي عمرك ما هتلاقي زيها تاااني والراي لسيادتك ودي حريه شخصيه زي ما قال الاستاز تاامر

[ناصر حسن ابراهيم صالح]

بيقولك خد بالك وربنا يوفقك

[محمد فيصل]

اذا كنت مبتدا قيادة عليك اتباع نصيحة الاعضاء الكرام بشراء اى سيارة زيرو جديدة فى حدود 70الف
اما اذا كنت على دراية بالقيادة ولست على دراية بالسيارات فتوكل على الله واقتنى الفاتازيا
اللهم وفقنا جميعاً لما تحب وترضى به عنا