مالك يا كورسير مالك يا ابو نورا

[د.هبه77]

السلام عليكم ورحمة الله وبركاته
فيه اية يا جماعة
اية اللي حصل
اولا قبل اي شئ احنا مسلمين
ويا ريت الي بتتخانقو عشانه هيغيرافكار كتير
ماشي معاك ان انا انقل وجهة نظري ولكن هل تعتقد ان حتما ولا بد اللي ادامي هيقتنع وينفذ؟
خصوصا ان احنا هنا مش في مواجهة حقيقية
يا جماعة والله ما ينفع اللي بيحصل دة خالص

بالنسبة لكورسير
مينفعش نسفه دوره في المنتدي
لان وان كان هو في الاستراحة
طب ما هي مواضيع الاستراحة اللي كان بيعملها دي اللي كانت بتجذب ناس كتير في وقت معين والي الأن
ولا هو عشان قلل مواضيع الاستراحة ولا اية
طب ما انا اول ما اشتركت هتلاقي مواضيع الاستراحة والنكت كانت هي السمة الغالبة في مواضيعي
يبقي مش هننكر ان الاستراحة دي مهما كانت بترفه عن الاعضاء وانت نفسك يا ابو نورا فاكر لما شاركت في الاكسنت الخشب وقلت لكورسير بما معناه هاتفضح في المكتب من كتر الضحك يبقي منعيبش علي الاستراحة في حاجة بالعكس احنا كلنا بنحب الاستراحة وان كنا مش بنعلق في مواضيع كتير ولكن مش هننكر اننا بنشوفها وبنتفرج عليها اية المشكلة بقي
كون بقي كورسير ليه راي او ملوش في الثورة احنا قلنا ملناش او منلومش حد علي رأيه هو حابب فلان مش حابه دي حرية شخصية

ابو نورا بقي
ازيك الاول وعامل اية
قبل اي حاجه احنا مبيناش الا كل خير
وانت عارف ان انا بقدرك وكل حاجه
لكن مهما كان يا ابو نورا انت بتدور علي الديموقراطية في الحكم صح؟
ونازل التحرير عشان الحكم الديموقراطي
يبقي معلش انا اسفة عالتعبير
ازاي مش عايز تنفذ الديموقراطية دي في مملكتك
ايوة مملكتك
لكن مهما كان احنا بشر في اسرة ومتفقين عل كدة
الانسان مخلوق اجتماعي
وجعلناكم شعوبا وقبائل لتعارفو
انا عارفة كويس يا ابو نورا انك بتحب الخير وبتساعد ناس كتير وترد عليهم وبتعمل موضوعات هادفة كتير
بس لية اسلوب الاساءة في الكلام دة او الهجوم
كورسير غلط
فارس تاني غلط
ام اف غلط
انا يا سيدي غلط
مش الحل اني اشتمهم
لا
ان شاء الله توقفهم شهر ما هو كله بالقانون
وفين والكاظمين الغيظ والعافين عن الناس والله يحب المحسنين
بالعكس
اللي بيسكت هو الاقوي

انا عارفة ان انت تعبت جدا في انشاء الموقع دة واخد منك مجهود وتعب كبير وانك مش محتاج لاي اعضاء
احنا مش بنتكلم عن الاعضاءاحنا بنتكلم عن ان احنا اخوات قبل اي حاجه

ابو نورا متضيعش عملك الحلو الكتير اللي بتعمله بحاجات بسيطة زي دي
اعترض زي ما انت عايز
لكن مفيش فرض للرأي
ولا اساءة لحد
واي واحد يغلط
انت اللي بايدك توقفه
يبقي خلاص ده ابلغ رد
انما مفيش مجلس شوري
طب ازاي
حتي لو كان كورسير هو المحكم طب مش الاعضاء وافقو عليه
انت متضايق عشان هو صغير يعني
طب ما هو الناس اللي كان عاجبهم واختاروه امال احنا بنعمل انتخابات لية

ابو نورا متزعلش مني انت عارف ان انا زي اختك ومكنتش هقول الكلام دة الا لعشمي فيك وفي اخلاقك
متخليش ثأرك لأصدقاءك يعميك عن كل حاجه الناس اللي ملهاش اصدقاء او اخوات ماتو مش حاسين بالمأساة

يبقي منلومش عليهم لكن مسيرهم هيجيلهم يوم ويعرفو او ميعرفوش
كل اللي عليك توضح الامور
بدون اساءة او غلط

انت اكبر من انك تغلط يا ابو نورا ولازم تقبل الرأي والراي الاخر
لما حد بيعبر عن راية مش عشان يضايقك لا بالعكس هو حاجه مقتنع بيها

اسفة لو طرحت الموضوع علي العام ولكن لاني لاحظت في الفترة الاخيرة انك اتغيرت مع الاعضاء طب لية
ما كنا زمان بنتخانق وينتهي الموضوع
خناقة بسيطة من غير تجريح
اية اللي حصل

انا عارفة ان الموضوع دة ممكن يتشال بس مش هزعل علي فكرة انا حطيته لاني فعلا حبيت المكان دة ويعز علية اني اشوف اخوات عاملين في بعض كدة

وحتي لو انشغلت في حاجات كتير ولسة حاجات اكتر ومشاركتش لكن محبش اجي الاقي المكان الحاجات فيه متكسرة

احنا وان كنا بنتعامل مع شاشات وجماد لكن ورا كل شاشة في مشاعر
وبني ادم






بقولك اية يا ابو نورا والله ما عملت حاجه اياك تقولي حاجه لاحسن انت عارفني هعيط علطول وهغرق المنتدي دموع واعمل ماس كهربائي
مش هاستحمل ربع حرف مش ربع كلمة

وعلي فكرة بقي اللي كاتب الكلام اللي فوق دة قريني مش انا


استهدو بالله وخير دايما يا رب وندعوكم لسياسة ضبط النفس

(انا سمعت الكلام دة فين قبل كدة؟)

اللهم اصلح ذات بيننا يا رب امين ولا تشمت بنا عدوا ولا حاسدا وانزع العداوة والبغضاء من قلوبنا يا رب امين

عمالة تقولي مشغولة مشغولة مشغولة في اية يعني
ابدا مفيش استلمت شغل الحكومة
واكتشفت ان انا عندي رسالة
حاجات بسيطة كلها يعني تخلص في نص ساعة

معلش يا دكتوره هبه انا هفضل استحمل لحد ما اوصل لهدفي وهو الاحترام للجميع وبشكر حضرتك علي الاهتمام

[سيف الدين سعيد]

المشاركة الأصلية كتبت بواسطة corsair معلش يا دكتوره هبه انا هفضل استحمل لحد ما اوصل لهدفي وهو الاحترام للجميع وبشكر حضرتك علي الاهتمام

يا أحمد مافيش خلاف بيننا وانا عارف انك مش صغير . انت انسان متعلم ومافيش داعى اننا نختلف وهدفنا فى النهايه واحد . أ. وائل حبيبنا كلنا وكلنا بنحبه وبنحترمه . ومافيش حاجه ممكن تهز حبنا لبعض ولا تفرق بيننا مهما اختلفنا فى وجهة نظرنا .

[fares tany]

بسم الله الرحمن الرحيم

( ألم تر كيف ضرب الله مثلا كلمة طيبة كشجرة طيبة أصلها ثابت وفرعها في السماء ( 24 ) تؤتي أكلها كل حين بإذن ربها ويضرب الله الأمثال للناس لعلهم يتذكرون ( 25 ) ومثل كلمة خبيثة كشجرة خبيثة اجتثت من فوق الأرض ما لها من قرار ( 26 ) ) صدق الله العظيم مجهود مشكور يا دكتورة ... اتمنى ان يلاقى صدى

المشاركة الأصلية كتبت بواسطة د.هبه77 السلام عليكم ورحمة الله وبركاته فيه اية يا جماعة اية اللي حصل اولا قبل اي شئ احنا مسلمين ويا ريت الي بتتخانقو عشانه هيغيرافكار كتير ماشي معاك ان انا انقل وجهة نظري ولكن هل تعتقد ان حتما ولا بد اللي ادامي هيقتنع وينفذ؟ خصوصا ان احنا هنا مش في مواجهة حقيقية يا جماعة والله ما ينفع اللي بيحصل دة خالص بالنسبة لكورسير مينفعش نسفه دوره في المنتدي لان وان كان هو في الاستراحة طب ما هي مواضيع الاستراحة اللي كان بيعملها دي اللي كانت بتجذب ناس كتير في وقت معين والي الأن ولا هو عشان قلل مواضيع الاستراحة ولا اية طب ما انا اول ما اشتركت هتلاقي مواضيع الاستراحة والنكت كانت هي السمة الغالبة في مواضيعي يبقي مش هننكر ان الاستراحة دي مهما كانت بترفه عن الاعضاء وانت نفسك يا ابو نورا فاكر لما شاركت في الاكسنت الخشب وقلت لكورسير بما معناه هاتفضح في المكتب من كتر الضحك يبقي منعيبش علي الاستراحة في حاجة بالعكس احنا كلنا بنحب الاستراحة وان كنا مش بنعلق في مواضيع كتير ولكن مش هننكر اننا بنشوفها وبنتفرج عليها اية المشكلة بقي كون بقي كورسير ليه راي او ملوش في الثورة احنا قلنا ملناش او منلومش حد علي رأيه هو حابب فلان مش حابه دي حرية شخصية ابو نورا بقي ازيك الاول وعامل اية قبل اي حاجه احنا مبيناش الا كل خير وانت عارف ان انا بقدرك وكل حاجه لكن مهما كان يا ابو نورا انت بتدور علي الديموقراطية في الحكم صح؟ ونازل التحرير عشان الحكم الديموقراطي يبقي معلش انا اسفة عالتعبير ازاي مش عايز تنفذ الديموقراطية دي في مملكتك ايوة مملكتك لكن مهما كان احنا بشر في اسرة ومتفقين عل كدة الانسان مخلوق اجتماعي وجعلناكم شعوبا وقبائل لتعارفو انا عارفة كويس يا ابو نورا انك بتحب الخير وبتساعد ناس كتير وترد عليهم وبتعمل موضوعات هادفة كتير بس لية اسلوب الاساءة في الكلام دة او الهجوم كورسير غلط فارس تاني غلط ام اف غلط انا يا سيدي غلط مش الحل اني اشتمهم لا ان شاء الله توقفهم شهر ما هو كله بالقانون وفين والكاظمين الغيظ والعافين عن الناس والله يحب المحسنين بالعكس اللي بيسكت هو الاقوي انا عارفة ان انت تعبت جدا في انشاء الموقع دة واخد منك مجهود وتعب كبير وانك مش محتاج لاي اعضاء احنا مش بنتكلم عن الاعضاءاحنا بنتكلم عن ان احنا اخوات قبل اي حاجه ابو نورا متضيعش عملك الحلو الكتير اللي بتعمله بحاجات بسيطة زي دي اعترض زي ما انت عايز لكن مفيش فرض للرأي ولا اساءة لحد واي واحد يغلط انت اللي بايدك توقفه يبقي خلاص ده ابلغ رد انما مفيش مجلس شوري طب ازاي حتي لو كان كورسير هو المحكم طب مش الاعضاء وافقو عليه انت متضايق عشان هو صغير يعني طب ما هو الناس اللي كان عاجبهم واختاروه امال احنا بنعمل انتخابات لية ابو نورا متزعلش مني انت عارف ان انا زي اختك ومكنتش هقول الكلام دة الا لعشمي فيك وفي اخلاقك متخليش ثأرك لأصدقاءك يعميك عن كل حاجه الناس اللي ملهاش اصدقاء او اخوات ماتو مش حاسين بالمأساة يبقي منلومش عليهم لكن مسيرهم هيجيلهم يوم ويعرفو او ميعرفوش كل اللي عليك توضح الامور بدون اساءة او غلط انت اكبر من انك تغلط يا ابو نورا ولازم تقبل الرأي والراي الاخر لما حد بيعبر عن راية مش عشان يضايقك لا بالعكس هو حاجه مقتنع بيها اسفة لو طرحت الموضوع علي العام ولكن لاني لاحظت في الفترة الاخيرة انك اتغيرت مع الاعضاء طب لية ما كنا زمان بنتخانق وينتهي الموضوع خناقة بسيطة من غير تجريح اية اللي حصل انا عارفة ان الموضوع دة ممكن يتشال بس مش هزعل علي فكرة انا حطيته لاني فعلا حبيت المكان دة ويعز علية اني اشوف اخوات عاملين في بعض كدة وحتي لو انشغلت في حاجات كتير ولسة حاجات اكتر ومشاركتش لكن محبش اجي الاقي المكان الحاجات فيه متكسرة احنا وان كنا بنتعامل مع شاشات وجماد لكن ورا كل شاشة في مشاعر وبني ادم بقولك اية يا ابو نورا والله ما عملت حاجه اياك تقولي حاجه لاحسن انت عارفني هعيط علطول وهغرق المنتدي دموع واعمل ماس كهربائي مش هاستحمل ربع حرف مش ربع كلمة وعلي فكرة بقي اللي كاتب الكلام اللي فوق دة قريني مش انا استهدو بالله وخير دايما يا رب وندعوكم لسياسة ضبط النفس (انا سمعت الكلام دة فين قبل كدة؟) اللهم اصلح ذات بيننا يا رب امين ولا تشمت بنا عدوا ولا حاسدا وانزع العداوة والبغضاء من قلوبنا يا رب امين عمالة تقولي مشغولة مشغولة مشغولة في اية يعني ابدا مفيش استلمت شغل الحكومة واكتشفت ان انا عندي رسالة حاجات بسيطة كلها يعني تخلص في نص ساعة

:018A 1D~146::1463B 6~153::14369D ~149::GROWIN~1 2: