|
|||||||
| مشاهدة نتائج الإستطلاع: هل دخلك الشهرى يكفي متطلباتك واسرتك ؟ | |||
| نعم الحمد لله ويزيد |
   
|
2 | 18.18% |
| لا الحمد لله |
  
|
2 | 18.18% |
| يعنى مستورة الحمد لله |
  
|
4 | 36.36% |
| شهر وشهر على حسب المواسم والاعياد |
  
|
3 | 27.27% |
| المصوتون: 11. أنت لم تصوت في هذا الإستطلاع | |||
 |
|
|
أدوات الموضوع |
|
#1
04-07-2008, 03:23 PM
|
||||
|
||||
|
لو شاطر... تعرف تعيش فى مصر بـ 1000 جنيه بس ! !
لو شاطر... تعرف تعيش فى مصر بـ 1000 جنيه ! ! !
البيان مصروف يومي مصروف أسبوعي مصروف شهري ملاحظات عيش بلدي 1 30 بس لازم تلحق دورك فى طابور الفرن وتلحق شغلك فى نفس الوقت ربنا معاك حليب 4 120 عدد واحد لتر يومياً ويارب ميطلعش بودرة سيراميك ويكفى العيال فول 8 32 كيلو فول اسبوعيا يعنى 125 جرام يوميا رضا والحمد لله جبنة بيضاء 20 80 كيلو في الأسبوع 125 جرام يوميا انت عايش بيض 5 20 عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة خضار 10 40 عبارة عن صنف واحد بس + كيلو طماطم + لمونه وحزمة جرجير اسبوعيا فواكهه 5 20 عبارة عن كيلو برتقال أو قشر موز مرة اسبوعيا علشان العيال تفتكر اسمة شاى 10 لزوم الكيف اللى بيذل والضيوف الرزلين سكر 4 16 عدد واحد كيلو اسبوعيا مش بقولكم الكييف يذل وضيوف معندهمش دم ارز 4 16 عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام زيت 10 40 لتر اسبوعيا علشان تشرب بق على الريق يزيت معدتك 000 يستعمل كبديل للخضروات مكرونه 8 32 عبارة عن عدد 4 كيس 400 جرام اسبوعيا 0000 خلى العيال تنبسط دجاج 20 80 عدد واحد دجاجة اسبوعيا للعائله 000000 اظن معقول لحم 30 120 عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا بقوليات 10 عبارة عن كيلو واحد بس شهريا ونقى اللى بتحبه براحتك ( عدس - لوبيا - فاصوليا ) توابل 10 عبارة عن دقيق + ملح + كمون + فلفل + كسبرة + وممكن تديها خل براحتك صابون 15 عبارة عن صابونه واحدة للحمام + صابون مواعين + مسحوق للملابس ( النظافة عموما ) مواصلات 2 60 بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا حلاق 10 عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا ) مدرسة 10 40 عبارة عن مصروفات المدرسة + مصروف العيال اليومى + كراسات واقلام وجلاد 00ألخ دكتور 30 نمرض بالدور طبعا عدد اربع افراد مرة واحدة للفرد كل 4 اشهر وربنا يستر ادوية 50 أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه تليفون 10 اشتراك الهيئة هنرد بس ومش هنتكلم معدش ينفع كلام مياة 10 للاسف لازم نشرب مياة ملوسة بالمجارى غاز 5 الحمد لله غاز طبيعى الله فى عون اللى عنده انابيب ( 10 جنيه للانبوبه ) وممكن تطلع فاضية نور 20 لمواكبة التطور غساله ملهاش مسحوق - تلاجة فاضية - بوتجاز يستخدم مرة كل اسبوع قمامة 10 اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين بواب 15 مهو من حقه يعيش هو كمان لو عشر شقق يبقى 150 جنية شهريا خليه يهيس صيانة 30 لاصلاح الاجهزة بالدور غساله - سخان - بوتجاز - مروحه - تلاجة - سباكة - لمبات انارة الخ ملابس 100 عبارة عن الصيفى والشتوى داخلى وخارجى واحذية واتصرف بقى الاجمالى 1081 اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة عيد الام ربنا يخليها ويديها الصحه 0 كل سنة وهى طيبة عيد الكحك مضر وملهوش لزمة 0 كل سنة وانتم طيبين عيد اللحمة مضر وملهوش لزمة 0 كل سنة وانتم طيبين حلاوة المولد السكر مضر وملهوش لزمة 0 كل سنة وانتم طيبين ورمضان كريم وخيره كتير أخ خ خ نسيت احسب زكاة الفطر بس مش عارف هدفع ولا هأخد ؟ عموما هقولكم على قائمة الممنوعات والمحظورات 000 متقربوش منها علشان تعرفو تتنيلو وتكملو الشهر ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين ( الجبنه البيضا ) المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووووووع اوعى قلبك يحن لعيل من العيال وتجيبله شيبسى ولا ببسى أو كراتيه ونايتى عسلية بسكوت شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهوهوز حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز وتكه ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضه وهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها يالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطو عموما لو على الكلام مش هيخلص روح الحق طابوووووووووووووووووووووو وووور العيش تبقى نصيبة لو عطلتك ورحت لقيت الفرن شطب 
|
|
#2
05-07-2008, 07:37 AM
|
||||
|
||||
رد: لو شاطر... تعرف تعيش فى مصر بـ 1000 جنيه بس ! !
 دا أحنا عايشين احلى عيشه في الدنيا  بفضل الحكومات الرشيده التي لا تكل ولا تمل من العمل على راحة المواطن المصري (إللي غرقان في الخير  لشوشته) ورفع مستواه المعيشيوبعدين فيها ايه لما ناس واقفه في طابور العيش يشدوا مع بعض في الكلام زي كده ؟  وبعدبن الكلام ده يتطور لجذب وشد بسيط زي كده ؟  وحتى الموضوع لو وصل لقلمين على الوش كده ولا كده ؟  وحتى لو وصلت لضرب بالأيد  ولا حتى بالشوم  يا جدع دا أحنا 75 مليون فيها أيه لما الشعب يموت منه كل يوم واحد وللا أتنين في طوابير العيش ؟  عشان كده اسمحلي أقولك  موضوعك فشنك:D التعديل الأخير تم بواسطة Payoo ; 05-07-2008 الساعة 07:47 AM
|
|
#3
12-03-2009, 04:08 PM
|
||||
|
||||
|
طريقه الحفاظ على المرتب
طريقه الحفاظ على الراتب  أسهل طريقه للحفاظ على الراتب من يوم 1 إلى يوم 30 آخرالشهر - مجربة أرجو منك أن تكمل القراءة حتى النهاية: هناك عمل بسيط إذا قمت به أضمن لك حياة أفضل بإذن الله ... وبركة في دنياك وفوز في آخرتك . وكرت الضمان ستجده في آخر هذا المقال ( عبد الله ) موظف براتب شهري 4000 ريال، يعاني من مشاكل مالية وديون، يقول : كنت أعتقد أني سأعيش على هذا الحالإلى أن أموت وأن حالي لن يتغير.. وأكثر ما أخافه أن أموت وعلي هذه الديون التي كلفترة تزداد والمفروض أنها تنقص ... فهذه متطلبات الحياة والزواج ... على الرغم أني مرتاح مع زوجتي وتقدر ظروفي إلا أن تلك الديون تنغص عيشنا ....، وفي يوم من الأيام ذهبت كالعادة إلى الاستراحة ' شباب مثل حالي وأردى ' فعندما تسمع مصيبة غيرك تهون عليك مصيبتك... وكان في ذلك اليوم أحد الأصدقاء الذين أحترم رأيهم، فشكوت له ماأنا فيه ونصحني بتخصيص مبلغ من راتبي للصدقة، قلت له : 'أنا لاقي آكل عشان أتصدق! '، ولما رجعت البيت قلت لزوجتي هذه السالفة، قالت: جرب يمكن يفتحها الله علينا. قلت إذن سأخصص 300 ريال من الراتب للصدقة ... والله بعد التخصيص لاحظت تغير فيحياتي 'النفسية زانت ، ماتشكي 'صرت متفائل مبسوط رغم الديون وبعد شهرين نظمت حياتي،راتبي جزأته ووجدت فيه بركة ما وجدتها قبل ... حتى أني من قوة التنظيم عرفت متىستنتهي ديوني بفضل الله..، و بعد فترة عمل أحد أقاربي مساهمة عقارية وأصبحت أجلبله مساهمين وآخذ السعي وكلما ذهبت لمساهم دلني على الآخر.. والحمد لله أحسست أن ديوني ستزول قريبا ... وأي مبلغ أحصل عليه من السعي يكون جزء منه للصدقة. والله إن الصدقة ما يعرفها إلا اللي جربها.. تصدق واصبر فسترى الخير والبركة بإذن الله . (أبو سارة ) مهندس ميكانيكي حصل على وظيفة بمرتب شهري 9 آلاف ريال.. ولكن أبو سارةرغم أن راتبه عالي ولديه بيت ملك لاحظ أن الراتب يذهب بسرعة ولا يعلم كيف، يقول : ' سبحان الله والله لا أدري أين يذهب هذا الراتب ... وكل شهر أقول الآن سأبدأ التوفير وأكتشف أنه يذهب ' يطير ' ... إلى أن نصحني أحد الأصدقاء بتخصيص مبلغ بسيط من راتبي للصدقة، وبالفعل خصصت مبلغ 500 ريال من الراتب للصدقة... والله من أول شهر بقي 2000 ريال بالرغم أن الفواتير والمصاريف نفسها لم تتغير ... الصراحة فرحت كثيرا وقلت سأزيد التخصيص من 500 إلى 900 ريال وبعد مضي خمسة أشهر أتاني خبر بأنه سوف يتم زيادة راتبي والحمد لله هذا فضل من ربي عاجز عن شكره.. فبفضل الله ثم الصدقة ألاحظ البركة في مالي وأهلي وجميع أموري .. جربوا، فستجدون ما أقول لكم وأكثر. ملاحظة: 1.عندما تقنع أحد بتخصيص مبلغ من راتبه فسيأتيك مثل أجرهم لا ينقص منه شيء، فقد تموت وهناك من يتصدق بسببك. 2.إذا أرسلت مثل هذه الرسالة فقرر أحدهم أن يداوم على الصدقة فلك مثل أجره لا ينقص من أجره شيء بإذن الله. منقــــــــــــــــــــــ ــــول من الخاص لعموم الفائدة ولأبتغاء الاجر من الله سبحانه وتعالى ptmnlo123per122 .
__________________
أحمد حسين 
|
|
|
|
