يا ريت الرد بسرعه وبلاش تريقه ارجوكم

[كنتوش]

السلام عليكم ورحمة الله وبركاته
انا عملت جوان وش السلندر حوالى 5 مرات فى 4 شهور ومفيش فايده ووديت الوش واتخرط وبيقولولى كان فيه شرخ واتلحم المهم اخر مره عملت الجوان قبل العيد باسبوع وبرضه الميه رجعت تانى بس الغريب انها كانت حاجه بسيطه قبل ما نحرق فى الرباط على الوش اول ما حرقنا على الرباط الميه زادت على الزيت والموضوع شكله هيكلفنى وانا مزنوق حبتين سمعت بقه كلام كده عاوز اتاكده منه وياريت من غير تريقه واحد قاللى انى ممكن احط بيضتين من غطا الزيت وان البيض مع السخزنيه هيستوى جوا الشقوق ويسد اى شرخ او ثغره للميه وتانى واحد قاللى بقه انه شاف راجل بيعملها وهو انه بيحط بن مع الميه والبن بيدخل فى مجارى الميه واى مكان فيه تسريب بيسده والراجل شغال فى الموضوع ده وبينجح فعلا يا ترى الكلام ده ايه مدى صحته ويا ريت من غير اى تريقه لانى فعلا الموضوع ده مدايقنى اوى اوى ومش معايا فلوس اعمله ومش قادر استغنى عن العربيه علشان الاولاد والمدارس
واسف على الاطاله
العربيه بولونيز والموتور 1300 بتاع ال125

[jojojojojo]

ربنا معاك ان شاء الله وتتحل المشكله علي خير عشان واضح ان حضرتك محتاج العربيه جدا وان شاء الخير بس انا معنديش خبره كبيره بصيانه العربيات عشان اتمني حد يفدك باقرب فرصه

[كنتوش]

متشكر جدا جدا على اهتمامك وردك وزوقك وعلى فكره واحد برضه كلمته فى التليفون واكدلى الموضوع ده من سواق تاكسى عمله وشكرا ليك مره تانيه

[M.TONSY]

مع احترامى لحضرتك ولا بيض ولا بن الكلام ده غير صحيح مكنش حد غلب بل بالعكس هيسد المواسير زيادة ويسخن العربية اكتر ويدخلك فى متهات
هو الموضوع فعلا هيكلفك شوية انت هتضطر تجيب وش استيراد من عزبة شلبى هيعمل فى حدود 300-400 جنيه انت وشاطرتك فى الفصال بس خد معاك ميكانيكى شاطر علشان يجيبلك واحد سليم وصدقنى متصرفش عليه اكتر من كدة لانك هتلاقى نفسك صرفت على عمايل الجوان كل شوية ومصنعيات اكتر من تمن الوش نفسه ... وربنا يعينك

[حسام البورسعيدى]

كده غالبا انت محتاج تغير وش السلندر نفسه .. بس الكلام ده لو دوره الميه عندك سليمة ومش هى السبب فى سخونه العربية ..

عموما بما انك خرطت الوش المفروض تكون حاطط جوان دبل (2 جوان) .. هل انت عامل كده ؟؟؟

سيبك من موضوع البيض ده طبعا ده كلام فاضى .. مهو اصل البيض مش هينشن على الشرخ اللى انت عاوز تسده وميسدش غيره ..

ده ممكن يبهدلك الدنيا .. فسيبك من النصايح الفاشلة دى واعمل الصح .. وربنا يعينك انا حاسس بيك بس بلاش تزود الطين بله ....