|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
 |
|
|
أدوات الموضوع |
|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
|
|
أدوات الموضوع |
|
#1
21-08-2011, 07:05 AM
|
||||
|
||||
رحلة الى اعماق الكون : 4 - المشترى هذا العملاق الغازى أكبر كواكب المجموعة الشمسية
 ممكن تشوفه بالعين المجردة لانه ثالث المع جرم بالنسبة لينا بعد الشمس و القمر طبعا احنا بالنسبة له صغييرن جدا  زى ما هو واضح فى الصورة فرق الحجم ما بين كوكبنا و المشترى و بعده عنا فى المتوسط 930 مليون كم تقريبا يعنى فى ظل التكونولوجيا الحالية علشان تسافر له محتاج 13 شهر مع انها خدت فى سنة 89 ست سنين علشان يوصلوا فى سنة 95 ( طبعا مركبة غير مأهولة ) بس التطور فى توكنولوجيا الدفع و اختيار المسارات قلص المدة ل 13 شهر علشان نتخيل سطح المشترى بما انه كوكب غازى فسطحة مش زى الارض عندنا لأ ده عبارة عن سحب كثيفة من الغازات و كل ما نزلت لتحت و مع زيادة الضغط تزيد كثافة الغازات لغاية لما توصل لسطح سائل و فييين تحته يوجد قلب صلب و ده تخيل فنان لسطح المشترى ( محدش يفتكر ان دى ميه ) ده هيدروجين و غازات اخرى فى صورة سائلة درجة حرارته 9700  و دى صورة حقيقية لجو المشترى  طبعا ظروف الحياة بالمنظر ده مستحيلة بالأخص ان سرعة الرياح الى ممكن توصل ل 600 كم / س و البرق و الرعد اقوى 10 الاف مرة من عندنا و درجات الحرارة الغريبة الى بتددرج من سالب 145 تحت الصفر فى اعلى السحب وصولا 9700 عند السطح و 35 الف فى الباطن و طبعا البقعة الحمراء الشهيرة الى بتميز الكوكب و أسمها البقعة الحمراء العظيمة  و دى عاصفة جبارة بمقايس كوكبنا حجمها أد كوكبنا من مرتين لتلاتة و يفترض انها من قديم الأزل لان من ساعة ما البشر رصدوها من 400 سنة و هى لسة موجودة و يعتقد انها مكملة الى ان يشاء الله شوميكر يضرب سطح المشترى بعنف على مدار 6 ايام فى يوليو عام 94 سجل البشر هذا الحدث التاريخى ظاهرة كونية فريدة و هى اصتطدام 21 جزىء المكونين للمذنب شوميكر - ليفى 9 ( فى المتوسط 2 كم قطر الجزء الواحد ) بكوكب المشترى  و لتخيل مدى عنف التصادم لو قطعة واحدة قطرها 2 كم ( من21 قطعة ) اصتدطمت بالارض بسرعة 200 الف كم / س مع اعتبار الاجزاء المصاحبة من حجارة بحجم العمرات ل كتل ثلجية ضخمة الى حتقطع سماء الكوكب باختراقها الجبار الخارق السرعة و يقدر قوة التصادم بستة ملايين قنبلة هيدروجينية طبعا المحظوظين الى فى موقع التصادم مخهم مش حيلحق يستوعب ايه الى حصل لان كل حاجة فى محيط التصادم من غلاف جوى لارض لمبانى لعربيات حتتأين لحظيا بسبب طاقة التصادم الى حراريا ممكن تصل لملايين الدرجات المئوية و كموجة صدم فى الغلاف الجوى حتعدى سرعة الصوت و ممكن تلف حولين الكوكب مئات المرات و كمية الغبار الناتج عن الحفرة العملاقة حيرتفع فى طبقات الغلاف الجوى حاجبا الشمس لسنين لا يعلمها الا الله مسببا عصر جليدى قاتل حتى للبكتريا أما لو اصتطدم فى البحر فمش حتفرق لانه حيزيح الميه و يوصل للقاع و يعمل نفس الى فات بالاضافة لموجة عملاقة دائرية اسرع من الصوت بمراحل و ارتفاعها يفوق الجبال حتكسح الاراضى بعمق مئات الكيلومترات داخل شواطىء المعمورة بالمناسبة انا مش عارف اكتب استطدم ازاى صدمة - استدطام - يستدطم و لا ايه بالظبط أرجوكم رجاء خاص جدا متحرمونيش من المشركات الفعالة و الاسئلة القوية الى من غيرها الموضوع ملهوش لازمة و عذرا عن فترة الانقطاع نظرا لظروف الشغل و الله
__________________
سبحانك لا علم لنا الا ما علمتنا 
|
|
#2
21-08-2011, 05:56 PM
|
||||
|
||||
|
رد: رحلة الى اعماق الكون : 4 - المشترى هذا العملاق الغازى أكبر كواكب المجموعة الشمسية
مش انا :
ايه يا استاذ الى انت كاتبه ده كلمنا بالهجايص انا : معلش المشترى ده كوكب كويس جدا حتى لو كان شد حيله شوية و تقل حبيتين تلاتة كان نبض قلبة و تحول لنجم و كانت تبقى فله يعنى تصحى الصبح تلاقى شمسين فى نظام ثنائى بديع مش انا : ايه يا عم الكلام ده الله يخر...*تييييييييييييييييي يييت* انا فهمت الى فوق عشان تقولى اصحى الصبح الاقى شمسين ايه التهريج ده
__________________
سبحانك لا علم لنا الا ما علمتنا
|
|
#3
22-08-2011, 03:26 AM
|
||||
|
||||
|
رد: رحلة الى اعماق الكون : 4 - المشترى هذا العملاق الغازى أكبر كواكب المجموعة الشمسية
يا مامى
اه الجو المخيف ده  : cry2W9:
|
|
#4
22-08-2011, 04:50 AM
|
||||
|
||||
|
رد: رحلة الى اعماق الكون : 4 - المشترى هذا العملاق الغازى أكبر كواكب المجموعة الشمسية
جزاك الله خير يا أ/ أحمد غيبت علينا بالدرس كتير .. ربنا يعينك في شغلك ^_^ و الدرس بسيط و مفهوم كله المرة دي ^_^ بس هو النيازك اللي بتصطدم بالأرض كلها قطرها أقل من 2كم ؟ دمت بود 
__________________
اللهم أرنا الحق حقاً و ارزقنا اتباعه
و ارنا الباطل باطلاً و ارزقنا اجتنابه اللهم لا تتوفنا الا و نت راض عنا اللهم ارزقنا قبل الموت توبة وعند الموت شهادة وبعد الموت جنة و نعيما
|
|
#5
22-08-2011, 11:07 PM
|
||||
|
||||
رد: رحلة الى اعماق الكون : 4 - المشترى هذا العملاق الغازى أكبر كواكب المجموعة الشمسية
ده لسة فى اول المشوار و لو حتشبه المشوار من القاهرة لاسكندرية فاحنا اتحركنا قدر عرض الكترون و يمكن اقل بكتيير
و كنت مستنيك علشان تنشط الموضوع بالأسئلة المفيدة و الله اعلم ما لا يقل عن 18 الف نيزك بينزلوا على الارض فى السنة الواحدة مضيفين ما لا يقل عن 50 الف طن من المادة الى كوكبنا معظمهم فى حجم حبة الباسلاء و معظمهم مبيوصلوش للسطح بيكونوا اتحرقوا و تحولوا لرماد لكن حاجة بحجم 2 كم قطر لو لا قدر الله خبطت الارض تأكد ان مش حنبقى قاعدين على النت و لا دلوقتى و لا كمان شوية
__________________
سبحانك لا علم لنا الا ما علمتنا
|
|
|
|
