الشيخ طارق لو سمحت أفدنى

[cena1000]

عايز اعرف كل حاجة عن الشداد او البارات اللى بتتحط على المساعدين من المساعد الشمال للمساعد اليمين و عايز اعرف اية مميزاتة لل128 واية عيوبها انا لسا شادد الحوض عشان كان فتح منى الشاسية و شكرا

[فادى]

هى شداد بيتحط فى ال128 من فوق لحماية الشاسيه من الفتح, و هو مأخوذ من الريجاتا,
و يربط بين الركبة الشمال و الركبة اليمين, و هو تعديل معتاد فى ال128,
ممكن الاستغناء عنه, مقابل صيانة العفشة الامامية و خاصة المساعدين, ال128 لا تفتح الشاسيه لو العفشة سليمة.

[طارق ابوذيد]

المشاركة الأصلية كتبت بواسطة cena1000 عايز اعرف كل حاجة عن الشداد او البارات اللى بتتحط على المساعدين من المساعد الشمال للمساعد اليمين و عايز اعرف اية مميزاتة لل128 واية عيوبها انا لسا شادد الحوض عشان كان فتح منى الشاسية و شكرا

من عيوب السياره 128 ضعف الشاسيه والكرتيرات ومع اقل اصتدام تتأثر السياره على حسب مكان الاصتدام ولذلك فكر بعض السمكريه فى وضع زويه حديد داخل الشاسيه للتقويه من الاسفل اما من الاعلى فيوجد الكرتيرات والتى ربطها بشداد بين المساعيدين كما هو فى الريجاتا وذلك لعدم غلق او فتح الكرتيرات من الاعلى اثر اى اصتدام حتى ولو كان ضعيف .
واذا اردت تقويه السياره فعليك بتركيب هذا الشداد من الاعلى وايضا تركيب حديد داخل فرد الشاسيه لتقويتها لانها مجرد علب صاج ضعيفه جدا .
والله يوفقك .

[dr_eslam_66]

طيب لو سمحت ياشيخ طارق ممكن إستفسار للعلم بالشيء بس والله لأني بحب يبقى عندي معلومات عامة.
بالنسبة للشاسيه أنا أسمع إني فيه ناس بتملاه رصاص مسال علشان يديله كثافة ووزن تقيل وكمان لما يتملي معدن هيبقى فرص إلتواؤه أقل إنما موضوع الزاوية الحديد دي صعبة التثبيت واللحام من داخل علبة فردة الشاسيه لأنه هيلحمها بنط متفرقة ومش هيعرف يلحمها في خط وبذالك أشك إنها تأتي بأي نتيجة.
بالنسبة للشداد بقى ياشخنا الي اعرفه إنو فيه منه نوعين واحد عبارة عن ماسورة تعبر فوق الماتور والحوض عموما وفي طرفاها مكان التثبيت فوق الكارتيرتين وفيه منها نوع تاني بيكون مزود بنوع من المفصلات في كلا الطرفين طبعا دي بقى أنا ما أعرفشي تبقى إيه لازمتها إذا كنت أنا أصلا عايز أركب شداااااااااد أعمله مفصلة إزاي مش فاهم بس الي قالي على المعلومة دي قالي لأنك لو ركبت الشداد التاني الثابت بيخلي الحوض آه مايقفلش بس كمان بيخلي أي لحامات في صاج البودي نفسه تفك لأنه بيساعد على نقل قوى كبيرة إليه هو غير مصمم ليتحملها, فهل فعلا النوعين دول متوفرين وأيهما تفضل بخبرتك تنصحنا بيه.

هل يمكن إني نلاقي لعربية زي 128 ميزان للعفشة بيركب أسفل العربية وهو تقريبا نفس شكر الشداد بس على شكل حرف يو إلي هوا ياشيخ بيجي في الصني السوبر صالون.

[طارق ابوذيد]

حضرتك قلت الاجابه على جميع الاسئله التى ذكرتها