الي كل محترفي اللادا

[kbarema]

سمعت كلام كتيير وانا بفكر اشترى لادا
وكنت متردد اجيب لادا 1500 ولا 2105 ولا 2107 ومعايا 20 الف
ومن كتر ما قريت بقيت خايف اشترى احسن اندم المهم دلوقتى هاخد رايكم في اللي انا قريته واللى عنده ملحوظه يكتبها يجازيه ربنا بيها خير
1- المساعدين الامامي بتتغير بمساعدين شيفروليه او يابانى
2- المساعدين الخلفي تتغير بمساعدين 132 فيات
3- لازم تعمل عزل في العربية كلها لو هتركب تكييف عشان عزلها زباله
4- علبه الدريكسون تجيبها 5 بليه او تعمل اسكاتره ( ودى مش فاهمها)او تجيب علبه دكسيون ميكروباص مازدا( هو ده كلام)
5- البيض بيملص لوحده بدون سابق انذار
6- قطع الغيار متوفره جدا
7- لو حبيت اغير الموتور باكبر لان رجلي تقيله عوعاوز موتور يستحملنى هل فيه كده ولا لا؟!
8- السخونيه علاجها مروحه 8 ريشه علي الموتور علطول ومروحه صغيره امام الريداتير وتكون بالثرموستات
9- الجنوط بلاش اكبر من 14 او 15 بس خليه عريض والكاوتش عريض
10 - مش عارف ايه موضوع الضفدعه اللي ورا نشيلها عشان الفرامل تبقي احسن
وكمان هو مينفعش تكون اجهزة الفرامل ورا زي قدام ( اقصد مفيش تعديل لها)
ياريت حد يكون شاف الشغل ده بنفسه مش سمع عنه ويحكيلنا ايه التعديلات المتاحه منها وبتتكلف كام وفين اللي يفهم في الكلام ده
ممكن حد يفيدنى وكمان يقولي لو معايا 20 الف وعاوز اجيب عربيه ادور واطلع مطروح ولا اسيوط من غير ما اقلق اعمل ايه

[Muhammad A]

الادا عربيه كويسه وبتستحمل جميع الطرق المصريه وقطع الغيار ببلاش وشغلة ب80 ذي الفل ربنا يوقك

[mr_astra]

المشاركة الأصلية كتبت بواسطة kbarema سمعت كلام كتيير وانا بفكر اشترى لادا وكنت متردد اجيب لادا 1500 ولا 2105 ولا 2107 ومعايا 20 الف 2105 افضل اختيار عشان تجيب موديل عالى بلافلوس دى واعتقد انك ممكن تجيب بالفلوس دى لغاية موديل 95 ومن كتر ما قريت بقيت خايف اشترى احسن اندم المهم دلوقتى هاخد رايكم في اللي انا قريته واللى عنده ملحوظه يكتبها يجازيه ربنا بيها خير 1- المساعدين الامامي بتتغير بمساعدين شيفروليه او يابانى 2- المساعدين الخلفي تتغير بمساعدين 132 فيات العكس هو اللى صحيح ادام بيركب بتوع الـ 132 والخلف بيركب بتوع الدبابة 3- لازم تعمل عزل في العربية كلها لو هتركب تكييف عشان عزلها زباله كلام مظبوط جدا 4- علبه الدريكسون تجيبها 5 بليه او تعمل اسكاتره ( ودى مش فاهمها)او تجيب علبه دكسيون ميكروباص مازدا( هو ده كلام) لا الحل الامثل علبة دركسيون خمسة بلية لو ان العلبة عندك بايظة 5- البيض بيملص لوحده بدون سابق انذار لا لة بوادر زى الطقطقة وتقل الدركسيون 6- قطع الغيار متوفره جدا ورخيصة كمان 7- لو حبيت اغير الموتور باكبر لان رجلي تقيله عوعاوز موتور يستحملنى هل فيه كده ولا لا؟! اكبر حاجة 1600 سي سي وفى 1700 سي سي بس نادر جدااااااااا 8- السخونيه علاجها مروحه 8 ريشه علي الموتور علطول ومروحه صغيره امام الريداتير وتكون بالثرموستات لا علاجها مروحة 8 على طلمبة المياة فقط لا غير 9- الجنوط بلاش اكبر من 14 او 15 بس خليه عريض والكاوتش عريض افضل مقاس 175×70×13 10 - مش عارف ايه موضوع الضفدعه اللي ورا نشيلها عشان الفرامل تبقي احسن فعلا لازم تشيل الضفضعة اللى ورا زى عربيات كتيرة فى نفس الكاتيجورى وكمان هو مينفعش تكون اجهزة الفرامل ورا زي قدام ( اقصد مفيش تعديل لها) لو تقصد ديسكات زى الـ 125 ممكن اسالك وارد عليك ياريت حد يكون شاف الشغل ده بنفسه مش سمع عنه ويحكيلنا ايه التعديلات المتاحه منها وبتتكلف كام وفين اللي يفهم في الكلام ده ممكن حد يفيدنى وكمان يقولي لو معايا 20 الف وعاوز اجيب عربيه ادور واطلع مطروح ولا اسيوط من غير ما اقلق اعمل ايه بامر الله تجيب حاجة كويسة وفلوسك مش وحشة وزى ما قلتلك ممكن تجيب 2105 موديل 95

الرد فى الاقتباس

[amrodardiry]

لو حتعدل في العربية يبقي حرام عليك تكاليف علي الفاضي يعني اللي تدفعه + الـ 20 الف حطهم مقدم عربية مكيفه من الاول وقسط الباقي
اما اللادا فميزتها الرخص في الشراء وقطع الغيار
ومش كل الكلام تسمعه البيض بيتعرف لما تكسر الدركسيون وانت واقف بتسمع طقطقة وكل ما تزيد تعرف ان الوضع اسوأ والبيض بيتشحم كل فترة وبيعيش بس ما تاكلش مطب وانت كاسر العجل ومتركنش والعجل مكسور
الحرارة تعتمد علي حالة العربية ومكونات دائرة التبريد (رادياتير سليم - ترموستات سليم - مروحة سليمة - مفيش تسريب ) وكل ما تكلكع نفسك المياكنيكي حيشتغلك وكع يا معلم سيب الدنيا ماشية وطنش وحتتعود
لو جبت عربية من موديل 2008 وطالع حتلاقيها بباور احسن من الشاهين ومش تلاقي مشاكل
(الباور حل نص مشكلة الادا) ويا سلام لو جبتها مكيفة كمان
المستعمل رخيص يعني ممكن تدفع 30 الف وتاخد 2107 بباور وتكييف وكان الله في عون مالك اول يد اللي بيخسر دم قلبه زي حالاتي علشان الادا مش بياعة
بالتوفيق