استحلفكم بالله حد يدلني صح

[ابا الطاهر]

السلام عليكم أنا أمامي سيارة رينو 9 موديل 83 وهي بالفعل سيارة عجبتني من حيث المنظر وليس بها أية سمكرة أو دهان والموتور بحالة جيدة والتكييف شغال ، مشكلتها بس العفشة محتاجة كبالن ومساعدين .ومعروضة على 13 ألف جنيه ، وسألت عن تكلفة العفشة قالوا الكبالن الأصلي 1000جم والمساعدين الامامي 500جم والخلفي 250 يعني هتتكلف حوالي 2000جم .
مشكلتي كلام الناس عمالين يخوفوني منها بيقولوا أن مش أي ميكانيكي يشتغل فيها ، ,ان اسعار قطع غيارها غالية نار ، ولو فكرت أبيعها تقيلة في بيعها.
أرجو المساعدة من أهل الخبرة ووياريت بسرعة للأمانة قبل ما اشتري

الكلام ده صحيح للاسف يا ابا الطاهر لان كل الرينو القديم صعب انك تلقيله قطع غيار ولو لقيتها هتلاقيها مولعه نار واحتمال كمان متلقيهاش زيرو تلاقيها استيراد

نصيحة لوجه الله خليك في المضمون وريح دماغك زي ال 132 او الريجاتا او 131 والله الموفق

[ابا الطاهر]

السلام عليكم
أنا استخرت الله واشتريت العربية رينو9 والحمد لله هي مبدئيا جميلة ، بس الحكم عليها ما ينفعش دلوقتي وبعدين حاسس انها بتاكل بنزين ( 1لتر لكل 5 كم ) هل ده طبيعي ولا ممكن تكون مشكلة في الكاربرتير ياريت حد يفيدني.

[ايمن البورسعيدى]

قطع غيارها هتلاقيها استيراد فى بورسعيد ولو محتاجة حاجة انا ممكن اسألك عليها مفيش مشكلة وقطع غيارها مش غالية على ما اعتقد وبالنسبة لاستهلاك البنزين كده كتير جدا جدا على الرينو لانها المفروض تستهلك تقريبا ربع الكمية دى بس المهم انك لازم تظبطها عند حد فاهملها وربنا يباركلك فيها

[ابا الطاهر]

المشاركة الأصلية كتبت بواسطة ايمن البورسعيدى قطع غيارها هتلاقيها استيراد فى بورسعيد ولو محتاجة حاجة انا ممكن اسألك عليها مفيش مشكلة وقطع غيارها مش غالية على ما اعتقد وبالنسبة لاستهلاك البنزين كده كتير جدا جدا على الرينو لانها المفروض تستهلك تقريبا ربع الكمية دى بس المهم انك لازم تظبطها عند حد فاهملها وربنا يباركلك فيها

جزاكم الله خيرا
انا الحمد لله عرفت ورشة متخصصة لاصلاح الرينو فقط ، والحمد لله بدأت تتظبط ، وبالنسبة لقطع الغيار يوجد جديد في الاسواق وان كانت غالية بعض الشيء فمثلاً المساعدين الامامية ب 450جم والخلفية 350جم وبلي العجل الطقم 175جم يعني ال الاربعة ب350جم الكبالن 900جم الكاربرتير 1800جم