وزارة الداخلية و رجالها المحترمين !!!!!!!!!!!!!!!!!!

[amrmohamed1975]

طبعا يمكن لحد امبارح بالليل كنت فى بعض الاحيان بلتمس العزر لبعض رجال الشرطة فيما يعانون فى الشارع المصري و يمكن لحد دلوقتي عشان التعميم فى بعض الاوقات بيبقي غلط لكن ما حدث لي بالامس لا اجد له اي تفسيير او رد غير حسبي الله و نعم الوكيل .
نيجي بقي للحكاية امبارح راجع من الاسكندرية الساعة تقريبا 12 مساء على الطريق الدائري عند كارفور المعادي و ابتدي الطريق يقف بدون اي سبب و محدش عارف ليه و بعدين يمشي واحدة واحدة لحد ما وصلت التجمع الخامس و عرفت ايه سبب ان الطريق ماشي كده او متوقف كده مجموعة من الشباب اعمار 16 و 17 و 18 و الكبير بتاعهم 20 21 سنة تقريبا حوالي 50 متوسيكل اغلبهم بدون لوحات معدنية و كمان ملابس تغطي النصف الاعلي من اجسامهم و حركات ما انزل الله بها من سلطان حصنا و تخميس و ايقاف جزئي و فى بعض الاحيان كامل للطريق الدائري : 010105~332:و تخيلوا معي ماذا يمكن ان يحدث بسبب هذه التصرفات فى طريق اغلب مستخدميه من النقل الثقيل حاجة من 3 اما واحد من البهوات دول ينزل تحت عربية و يغور فى داهية و اما يخبطو فى بعض و برضوا تركب فوقهم عربية و برضة نفس المشكلة او يعملوا خناقة مع حد من مستخدمي الطريق زي ما كان هيحصل معايا بسبب انه عايز يعدي او يروح مستشفي او يلحق ميعاد طائرة المهم فضلت معلق الكلاكس و كابس عليهم لحد ما ربنا اكرمني و عديت منهم بعد كمية لا بأس بها من الشتأئم و السباب لي و لهم نيجي بقي للاهم بعد ما عديت قلت اعمل حاجة ايجابية لوقف هذه المهزلة قوم ايه اتصلت بالنجدة و تقريبا كنت فى التجمع الخامس قوم ايه افضل على الانتظار من التجمع الخامس لحد مساكن شيراتون تخيلوا تقريبا 13 دقيقة : 010105~332: و بعدين الخط قطع رجعت اتصلت بيهم تاني و مدة المكالمة التانية برضوا على الانتظار 6 دقائق يعني اقريبا 20 دقيقة بدون اجابة الا رسالة صوتية بأن جميع العاملين يتعاملوا الان مع بلاغات اخري نيجي بقي للانكت من كده كنت وصلت عند محطة كالتكس اللي فى مساكن شيراتون وجدت سيارة دورية حولها 2 ظباط و يجي 7 8 امناء شرطة و و ضحك و تهريج و الحياة بقي لونها بمبي نزلت و كلمت احد الظباط برتبة نقيب ايه يا عم الحج النجدة ما بترودش ليه عادي خليك وراهم يا حضرة الظابط انا لي 20 دقيقة بتصل بيهم وانا على الانتظار و كانت المكالمة الثانية لسه معيا على الخط حتي بص ده انا لو ببلاغ عن جريمة قتل كان زمان القاتل وصل المكسيك هو فيه ايه رد عليا الباشا بكل ود معلش خليك وراهم و لا كأن سيادته ظابط محترم و فى ايد معالي جناب سيادته جهاز لا سلكي و لا كلف خاطر معاليه انه يسألني طب فيه ايه او اقدر اساعدك بحاجة يا علم يا هوا حرام اللي بيحصل ده : 010105~332:

[mahmoudey]

والله فعلاً حرااااااااااااااااااااااا اااام

الشرطة تقريباً بتعاقب الشعب

والله المفروض ان الزي بتاع الشرطه يتحط عليه بدج بأسم الظابط والرقم بتاعه في الوحده علشان لما موقف زي ده يحصل ابلغ عن اهله

[mar mar]

[mahmoudey]

المشاركة الأصلية كتبت بواسطة corsair والله المفروض ان الزي بتاع الشرطه يتحط عليه بدج بأسم الظابط والرقم بتاعه في الوحده علشان لما موقف زي ده يحصل ابلغ عن اهله

والله فكرة حلوة أووووووووووى (كفاية رقم حتى بس)