|
#1
11-07-2011, 09:48 PM
|
|||
|
|||
مشكله لما العربيه تسخن
عربيتى BMW E21 مو 1980 فتيس اوتوماتيك
منذ حوالى شهر بدأت مجموعه من المشاكل فى الظهور اعتقد لها علاقه ببعض 1) العربيه بتسخن بمعدل اسرع من المعتاد 2) ودى المشكله الرئيسية بعد ما العربيه تسخن (بعد ما اتحرك بيها حوالى ربع ساعه) الفتيس الاتوماتيك يبدء يعمل مشاكل وانا ماشيه والغيار على (D) الفتيس يفصل وكأن العربيه على (N) ... من غير ما عصاية الفتيس تتحرك عداد rpm عشان الفتيس فصل يعلى فجأة وصوت الموتور يعلى والستجابه لدواسة البنزين صفر كأنى عامله الفتيس على (N) وباضغط بنزين ابدء ارفع رجلى عن البنزين واضغط بالراحة سنه سنه ممكن تلقط بس باكون ماشيه على الغيار الاول بس ولو زودت شويا ... اول ما يجى معاد النقله للغيار التانى ... تتكرر المشكله بعد شويا العربيه ما تتحركش خالص لا للامام على (D) ولا للخلف على (R) لو ركنت لحظات وطفيت العربيه وشغلتها فى 5 ثوانى ... تشتغل كويس والغيار يبقى زى الفل مفيش 5 دقايق وتتكرر المشكله تانى طالما العربيه سخنة لو العربيه بارده المشكله دى مش بتحصل مش عارفه ايه المشكله دى وحلها ايه ؟
__________________
للثورات ثمن فادح ... لكن بعدها تولد دوله جديده وحياة كريمة
|
|
#2
12-07-2011, 12:42 AM
|
|||
|
|||
|
رد: مشكله لما العربيه تسخن
طيب ما إنتي حطيتي إيدك على سبب المشكلة وهو سخونة العربية ... عالجي السخونة تبقى كل حاجة فل ... فالعربية لما تسخن زيت الفتيس يسخن ... وزيت الفتيس لما يسخن جامد عن الطبيعي بيفقد خواصه وبالتبعية يتبرجل الفتيس ... علشان الحركة في الفتيس الأتوماتيك بتتنقل عن طريق الزيت عن طريق حاجة إسمها تورك كونفيرتر ...
|
|
#3
12-07-2011, 01:51 AM
|
||||
|
||||
|
رد: مشكله لما العربيه تسخن
فعلا يفضل مبدئيا التأكد من سلامة دورة تبريد زيت الفتيس
ده طبعا بافتراض ان مستوي الزيت تمام و اخر تغيير زيت و فلتر كانوا تمام و زي كل مرة
__________________
سبحانك لا علم لنا الا ما علمتنا
|
|
#4
12-07-2011, 02:52 PM
|
||||
|
||||
|
رد: مشكله لما العربيه تسخن
مبدئيا حضرتك اتأكدى من مستوى زيت الفتيس ويقاس كالاتى :
- حضرتك دورى العربية لغاية ما تسخن .. - شدى فرامل اليد جامد جدا - هاتى الفتيس على R - انزلى من العربية وقيسى الزيت ... - اتاكدى ان الزيت قريب من علامة HOT او MAX (تختلف من عربية للتانية) بحيث لا تتعداها .. - حاولى تلاحظى لون الزيت هل هو احمر (يشبه لون الدم) او غامق واسود .... وامتى اخر مره حضرتك غيرتى زيت وفلتر الفتيس ؟؟؟
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ 
|
|
#5
13-07-2011, 08:15 AM
|
|||
|
|||
|
رد: مشكله لما العربيه تسخن
شكراً استاذ عويس
من كم شهر الريديتير انخرم فالراجل فكه ولحمه لاحظت انه بعد ما ركبه فى مسافه حولى سنتمتر بين الريداتير والمروحه قبل ما يفكه كانت المروحه ملزوقه فى الريداتير مش عارفه السنتى دا يفرق فى التبريد ؟ وكمان فى الاول كنت حاطه فيها مياه تبريد خضرا بعد ما اتلحم فيها مياه عاديه من الحنافيه ممكن المياه الخضرا تعمل الفرق دا ؟ ----------------------------------------- شكراً استاذ احمد على فى ماسورتين من زيت الفتيس داخلين على الريداتير دا الى اعرفه ازاى اتأكد من سلامة دوره تبريد زيت الفتيس ؟ مستوى الزيت عند العلامه MAX وفى فتحه مش عارفه فين - لما بازود الزيت اكتر من MAX الزيت بينزل على الارض فدايماً الزيت مش بيزيد عن MAX اخر تغير للزيت كان من 7 شهور فى يناير انا معنديش فلتر زيت - انا عندى مصفاه زيت حديد ولما غيرت زيت الفتيس - فك المصفاه ونظفها كويس جدا بالبنزين وزى ما تكون جديده وفى كرتيره الفتيس كان فى 2 مغناطيس بيلموا الرابش برضوا نظفهم كويس جدا ----------------------------------------- شكراً استاذ حسام مستوى الزيت عند العلامه MAX لون الزيت غامق ----------------------------------------- ايه تفسير لما اطفى العربيه واشغلها الفتيس يشتغل كويس لفتره ؟
__________________
للثورات ثمن فادح ... لكن بعدها تولد دوله جديده وحياة كريمة
التعديل الأخير تم بواسطة MarEgypt ; 13-07-2011 الساعة 08:24 AM
|
 |
|
|
