بوادر تدعوا للقلق من التلاعب بالثورة فلنتيقظ جميعاً ولنستحضر بعض القلق ولنتحلى بالصبر الواعي الصاحي

[ahmed1981]

مجرد طلب بالترقب والملاحظة الشديدة حتى لا يتم خداعنا وتنويمنا وليس تحريضاً على الجيش الوطني
فهو حتى الآن يسير في الطريق الصحيح ولكن بسرعة بطيئة وأظن أنه متوقف

لماذا بدأت أحس أن الجيش بدأ يعاملنا بطريقة الرئيس المطرود حسني مبارك

أحمد شفيق بدأ يتفرعن ويوقف مذيعين ويبقي على وزراء من أذناب مبارك
وشفيق نفسه ذيل من أذيال مبارك

رجاءاً من السادة المتفائلين جداً إستحضار بعض القلق

الوضع الآن محير

الجيش بدأ يعاملنا بنفس طريقة مبارك قولو اللي عايزين تقولوه بحرية وأنا هعمل اللي عايزه

لماذا هذه الإستماتة في الإبقاء على شفيق يا راجل

الجنزوري برقبة مئة أحمد شفيق
لماذا لا يتم تشكيل حكومة رئسها الجنزوري في هذا الوقت العصيب
والرجل مجرب من قبل وطرد لأنه إبن حلال وليس لص
ورجال مبارك لم يكن يطلب أن يكونوا بهذه الصفة

المفروض أن الثورة ملك الشعب والجيش إنحاز لها وليس إستولى عليها
وهو أمين عليها لينفذ مطالبها
والمطلوب إسقاط نظام مبارك
فلماذا يظل شفيق حبيب مبارك وأعوانه في الحكم ؟

لماذا لا يبعد الشكوك عنه

الجيش ليس أحمق فهو يمتلك جهاز كامل للتجسس والمخابرات والتحريات والتجسس يعمل أغلبه في الداخل
وهناك تقارير يومية تعرض

محاولة طناش مطالب الثورة سيؤدي لفقدان الثقة بالجيش

أهم مطلب الآن هو تغيير شفيق يا راجل وأذيال مبارك في الحكومة

ثانياً سجن رؤوس الفساد أمثال صفوت الشريف وزكريا عزمي وفتحي سرور ومحاكمتهم

ثالثا رفع الحصانة عن عائلة مبارك ومحاسبتهم كما الآخرين ومحاكمتهم

هذه الإجراءات هي التي ستؤكد أن الجيش لا يلعب بنا ولا يقرطسنا

أما محاولة إدعاء الصمم وعدم السماع لمطالب الثورة
وبعد ذلك بقليل شفيق يا راجل يبدأ في منع من يعارضوه من الظهور في التلفزيونات
والبداية بعمرو الليثي

لا أقول ذلك لأن هؤلاء المذيعين من رجال الثورة

ولكن لظهور سياسة تكميم الأفواه مرة أخرى وهي السياسة التي أقامت الثورة

بعد هذا القلق

الحل الوحيد هو إستمرار الضغط على الجيش

فالجيش يتحرك بخطوات بطيئة أو يتوقف عن الحركة تماماً عندما يتوقف الضغط عليه

طريقة الضغط
بدايةً إرسال هذه الشكوك والطلبات لصفحة المجلس الأعلى للقوات المسلحة على الفيس بوك

وأيضاً النزول لميدان التحرير وكذلك في المحافظات الأخرى النزول في ميادينها التحريرية في أيام الجمعة حتى لا نحدث أضرار بالعمل

وأفضل حل هو أن تكون المظاهرات يوم الجمعة من الصباح
ويتم مغادرة ميدان التحرير قبل الساعة 12 مساءاً
أي أن نخلي بأنفسنا الميدان قبل الساعة 12 مساءاً

وبذلك نمنع أي حجة من الجيش للتفريق بالقوة
ونمنع أيضاً حدوث إندساس من أمن الدولة الملاعين وسطنا بعد منتصف الليل

قد يكون بالفعل وهذا أمر شبه مؤكد ذيول النظام الملعون وأذنابه من كلاب أمن الدولة والبلطجية ورجال الحزب الواطي بدأوا في تجميع أنفسهم بطريقة جديدة وهي:

إفساد المظاهرات بالبلطجة والتحرشات
عمل إحتكاك بين المتظاهرين وبين الجيش

فلو حافظنا على النظام وحددنا وقت للإنصراف وهو قبل بداية حظر التجول سنمنعهم من تحويل المظاهرات لحرب بلطجة وتحرش وغير ذلك

ووقتها سنكون صاحيين لهم وسنكشفهم
فوجوههم معروفة تحس فيها بمسحة الإجرام واللعنة

وسنستطيع القبض عليهم وتسليمهم للجيش

وسننتظر استجابة واضحة من الجيش لمطالب الثورة

أما لو زاد الأمر واتضح ان الجيش يخوننا سننزل جمعة غضب جديدة مثل جمعة غضب 28 يناير ولن نرجع لبيوتنا إلا بعد تنفيذ جميع المطالب ونحن في الإعتصام

وبإذن الله أتوقع بأنه سيتخذ الجيش خطوات جادة لمنع الغضب العام وهذا ما أتمناه من الله تعالى

وبوادرها قرار منع أسرة الرئيس المطرود من السفر والتحفظ على أمواله في الداخل والخارج بتاريخ 1 مارس 2011

والله ولي التوفيق

[amrhesham]

انا لا اعتقد ان الجيش يفعل ذلك وياريت ياجماعة نقدر مجهود الجيش دة مشغول فى اربع جهات فى نفس الوقت مسئولية البلد والامن وعلى الحدود مع لبيا وعلى الحدود مع السودان اصبح خطر بعد الانقسام وطبعا فى سيناء

[MIDO-SPICY]

المشاركة الأصلية كتبت بواسطة ahmed1981 مجرد طلب بالترقب والملاحظة الشديدة حتى لا يتم خداعنا وتنويمنا وليس تحريضاً على الجيش الوطني فهو حتى الآن يسير في الطريق الصحيح ولكن بسرعة بطيئة وأظن أنه متوقف كلام حضرتك فى ان الجيش ماشى على الطريق الصحيح مناقض لكلامك برضه تحت اللى كنت بتقول فيه انه بدا يعاملنا بنفس طريقه مبارك وانه باقى على شفيق وشفيق من احباب مبارك لماذا بدأت أحس أن الجيش بدأ يعاملنا بطريقة الرئيس المطرود حسني مبارك ممكن حضرتك تقولى امثله للجمله دى ... وبعدين لو سلمت بكلامك .. حط نفسك مكانهم .. ماسكين البلد .. وبيحاربوا الفساد والبلطجه فى ظل غياب الشرطه .. بيحميى حدودنا ... بيحاول يجيب اللى فى ليبيا واللى فى تونس ... بيحاول يسد اى ثغرة على اسرائيل اللى بتتلكك من يوم 25 يناير .. بيحاول انه يبنى مصر جديده .. كل شويه مظاهرات فى حته شكل وهو بيقول حاضر ... بيسيبك تمشى فى الشارع بعد الحظر وبيعاملك بكل احترام بالرغم انه حظر المفروض .. وبعد كل دا النهارده الجمعه اليتيمه وبعدها الحزينه وبعدها مش عارف ايه .. لازم تعرف انهم بنى ادمين وهما محطوطين تحت ضغط ومابيناموش من يوم 25 يناير .. التمسلهم بعض العزر أحمد شفيق بدأ يتفرعن ويوقف مذيعين ويبقي على وزراء من أذناب مبارك وزراء مبارك مايقدروش يعمولوا حاجه غلط بعد اللى بيتجرجروا كل يوم ادام النائب العام وهما شايفين دا بعنيهم وياريت برضوا تحددلى امثله للوزراء دول وتقولى بمعلومات هما عملوا ايه ؟؟ وشفيق نفسه ذيل من أذيال مبارك عمل ايه شفيق ؟؟؟ رجاءاً من السادة المتفائلين جداً إستحضار بعض القلق ممكن اسالك سؤال .. انه احسن التفائل فى مستقبل افضل ويخرج منه طموح وافكار وقضاء على الفساد ولا القلق اللى بدون ملامح ؟؟ وايه الهدف من القلق دا ؟؟ ولما نقلق نعمل ايه بعد كده ؟؟ 25 يناير تانى ؟؟؟ يبقى حرام علينا وعلى بلدنا وعلى اخواتنا.. الوضع الآن محير الجيش بدأ يعاملنا بنفس طريقة مبارك قولو اللي عايزين تقولوه بحرية وأنا هعمل اللي عايزه احمد بيه انا اسف انى اقولك ان جملتك مفتقره للامثله لماذا هذه الإستماتة في الإبقاء على شفيق يا راجل طيب انت عايز مين مكانه ؟؟؟ الجنزوري برقبة مئة أحمد شفيق وهى البلد كلها مافيهاش غير الجنزورى ؟؟ لماذا لا يتم تشكيل حكومة رئسها الجنزوري في هذا الوقت العصيب ولما الجنزورى يموت نروح نموت وراه احنا بقى ؟؟ والرجل مجرب من قبل وطرد لأنه إبن حلال وليس لص هو مين اللى بدأ الخصخصه فى عهده ؟؟ ورجال مبارك لم يكن يطلب أن يكونوا بهذه الصفة المفروض أن الثورة ملك الشعب والجيش إنحاز لها وليس إستولى عليها وهو أمين عليها لينفذ مطالبها والمطلوب إسقاط نظام مبارك فلماذا يظل شفيق حبيب مبارك وأعوانه في الحكم ؟ لماذا لا يبعد الشكوك عنه الجيش ليس أحمق فهو يمتلك جهاز كامل للتجسس والمخابرات والتحريات والتجسس يعمل أغلبه في الداخل دا امر طبيعى جدا فى الوقت اللى احنا بنمر بيه دلوقتى .. ولكن حتى لما تم اعتقال ناس من التحرير تم الافراج عنهم تانى يوم .. بزمتك كنت تحلم بده قبل كده ؟؟ وهناك تقارير يومية تعرض محاولة طناش مطالب الثورة سيؤدي لفقدان الثقة بالجيش ممكن تقولى ايه هى مطالب الثوره اللى كانت موجوده فى الثوره من الاول ولم تستحدث وماتنفزتش ؟؟ دا طبعا غير قانون الطوارىء اللى من وجهه نظرى ماينفعش اننا نلغيه دلوقتى وخصوصا فى ظل الغياب الامنى الموجود دلوقتى وحظر التجوال الاسمى وعلى فكرة هما لو عايزين يرخموا علينا كانوا خلوه من 6 ولا 7 بالليل أهم مطلب الآن هو تغيير شفيق يا راجل وأذيال مبارك في الحكومة ثانياً سجن رؤوس الفساد أمثال صفوت الشريف وزكريا عزمي وفتحي سرور ومحاكمتهم اؤيدك بشده ولكن لو السكوت عنهم فى الوقت الحاضر لترتيب جر الرجل فلا مانع .. وعلى فكرة الناس دى ولا هى اغبيه ولا معاقه .. الناس دى فاهمه قوى ومابتسيبش وراها دليل واعتقد ان اللى هيدينهم هى ادانه الناس الممسوكه دلوقتى ثالثا رفع الحصانة عن عائلة مبارك ومحاسبتهم كما الآخرين ومحاكمتهم مين اللى قالك ان حسنى لسه عنده حصانه . ولا انت بتتكلم عن الكام ظابط اللى واقفين على باب بيته فى شرم واللى انا مؤيد وقوفهم لحمايته اذا كنا عايزين نحاكمه هذه الإجراءات هي التي ستؤكد أن الجيش لا يلعب بنا ولا يقرطسنا أما محاولة إدعاء الصمم وعدم السماع لمطالب الثورة وبعد ذلك بقليل شفيق يا راجل يبدأ في منع من يعارضوه من الظهور في التلفزيونات والبداية بعمرو الليثي لا أقول ذلك لأن هؤلاء المذيعين من رجال الثورة ولكن لظهور سياسة تكميم الأفواه مرة أخرى وهي السياسة التي أقامت الثورة بعد هذا القلق الحل الوحيد هو إستمرار الضغط على الجيش ممكن تقولى ازاى ؟؟ ولو الجيش عمل اى حاجه مش فى صالحنا دا هيبقى كويس الناس دى وقفت معانا فى الثوره لغايه ما اخدنا كل اللى بنحلم بيه واللى ماكناش بنحلم بيه حتى لما الثوره بدأت فالجيش يتحرك بخطوات بطيئة أو يتوقف عن الحركة تماماً عندما يتوقف الضغط عليه طريقة الضغط بدايةً إرسال هذه الشكوك والطلبات لصفحة المجلس الأعلى للقوات المسلحة على الفيس بوك وأيضاً النزول لميدان التحرير وكذلك في المحافظات الأخرى النزول في ميادينها التحريرية في أيام الجمعة حتى لا نحدث أضرار بالعمل وهو نزولنا مش اضرار بالبلد كلها .. نزولنا دا مش هيخلى بعض اتباع النظام الفاسد ينزل يعمل شغب فى الشارع ويخلى الجيش يتحرك ضدنا ويلم عاطل مع باطل .. نزولنا مابيوقفش حركه المرور .. مابيوقفش ارزاق ناس كتير من اصحاب المحلات والحرفيين .. مابيبوظش اقتصادك؟؟ ضامن ان نزولك الشارع يفضل مجرد اعتصام فى الشارع ؟؟ كل انسان له طاقه ؟؟ احنا الجيش معانا دلوقتى .. ماتخلوناش نكسب عداوته.. ولا هنطالب باسقاطه دا كمان ؟؟؟؟؟؟؟؟؟؟ وأفضل حل هو أن تكون المظاهرات يوم الجمعة من الصباح ويتم مغادرة ميدان التحرير قبل الساعة 12 مساءاً أي أن نخلي بأنفسنا الميدان قبل الساعة 12 مساءاً وبذلك نمنع أي حجة من الجيش للتفريق بالقوة ونمنع أيضاً حدوث إندساس من أمن الدولة الملاعين وسطنا بعد منتصف الليل قد يكون بالفعل وهذا أمر شبه مؤكد ذيول النظام الملعون وأذنابه من كلاب أمن الدولة والبلطجية ورجال الحزب الواطي بدأوا في تجميع أنفسهم بطريقة جديدة وهي: إفساد المظاهرات بالبلطجة والتحرشات عمل إحتكاك بين المتظاهرين وبين الجيش فلو حافظنا على النظام وحددنا وقت للإنصراف وهو قبل بداية حظر التجول سنمنعهم من تحويل المظاهرات لحرب بلطجة وتحرش وغير ذلك ووقتها سنكون صاحيين لهم وسنكشفهم فوجوههم معروفة تحس فيها بمسحة الإجرام واللعنة وسنستطيع القبض عليهم وتسليمهم للجيش وسننتظر استجابة واضحة من الجيش لمطالب الثورة أما لو زاد الأمر واتضح ان الجيش يخوننا سننزل جمعة غضب جديدة مثل جمعة غضب 28 يناير ولن نرجع لبيوتنا إلا بعد تنفيذ جميع المطالب ونحن في الإعتصام وبإذن الله أتوقع بأنه سيتخذ الجيش خطوات جادة لمنع الغضب العام وهذا ما أتمناه من الله تعالى وبوادرها قرار منع أسرة الرئيس المطرود من السفر والتحفظ على أمواله في الداخل والخارج بتاريخ 1 مارس 2011 اخيرااااااااا ... ذكرت حاجه كويسه عملها الجيش والله ولي التوفيق

التعليق ضمن الاقتباس
ولكن اسمحلى فى النهايه انى اقولك وانا اسف فى كلامى انى مختلف معاك جمله وتفصيلا فى موضوعك وارجوا انك زى ماحطيت موضوع ضايقنى انا شخصيا على الاقل انك تحطلنا موضوع يرفع من روحنا المعنويه وكفايه الـ 30 سنه اللى فاتوا واللى عشنا فيهم سواد
ارجوا انك تقبل نقدى مره تانيه وترد على اسالتى اللى فى الاقتباس

[MIDO-SPICY]

[mhamdy75]

والله بما إن الدنيا ملخبطه شوية

فنخلى ثقتنا فى الله وحده

ونتمسك بالله

وهو قادر على فعل ما يصلح لنا