طرائف اللجان الشعبية

[s0144862631]

طبعا كلنا عرفنا اللجان الشعبية الفترة اللي فاتت و فوائدها العظيمه بس طبعا كان بيحصل مواقف فكاهيه ياريت كل واحد يحكيلنا عن اطرف المواقف
1- جماعه مقاومه شعبيه في مدينه نصر بيتسلو بالبلاي استيشن طول الليل و الاسم مقاومه شعبيه
2- ظابط شرطه نفسه يقف في مقاومه شعبيه و خايف وقف في بلكونه بيتهم
3- و الله دي حقيقيه
واحد داخل على اللجنه فواحد و قفه و بيقوله رخص’ العربيه و البطاقه
فالراجل طلع البطاقه ولسه بيدور ع الرخصه بيبص لقه الاخ اللي في المقاومه الشعبيه بيبص في ابطاقه و رايح يبص على نمرة العربيه فقاله انت بتعمل ايه قالو بتاكد ان العربيه دي بتاعتك
4-عيلتين بينهم تار قديم فحبت احد العائلات تخلص تارها قامت هجمت على العيله التانيه و بهدلتها و بعدين رجعت جري على منطقتهم و بلغت الشباب اللي في المنطقه ان في هجوم جي عليهم من الحراميه و طبعا العيله المضروبه اضربت تاني من اللجان الشعبيه
5- مسكو اتنين هربانين من السجن و بيسرقو ناس فمن كتر الضرب قاللولهم ابوس رجليكوا سلمونا للجيش

[BASSEM BESO]

ههههههههههههه لا خد دى عندك فى احدى اللجان الشعبيه فى شارع بورسعيد فى السيده زينب ماشى انا ووالدى بعربيتى ووقفونا وقالى هات الرخص والبطاقه قولتله انا ساكن قريب جنبك حتى شوف العنوان المهم شاف البطاقه والرخصه وبص فيهم شويه وبعد كده سابنى عارفين الباشا سابنى ليه ؟؟؟؟؟؟
علشان وريتوا البطاقه و الرخصه الشخصيه الخاصه بيا ( مش رخصه العربيه ) واتاريه كان بيقارن الصوره بالصوره عشان مبيعرفش يقرا هههههههههه وده اللى عرفته من اللجنه اللى بعديه اما قلولى انه لا يعرف يقرا ولا يكتب والظاهر كمان انه مبيعرفش يفهم هههههههه

[Ahmed Anwer]

واحد بيقولي وقفوه في لجنة شعبية

و بعد ما تاكدوا من كل حاجة ،،

سالوه علي الطفاية !!!

[Komy]

ههههههههههههههههههههه,

إحنا عندنا فى طنطا كانوا فى بعض المناطق الشعبية كانوا عاملين تسعيرة للمخالفة مثلا للفاميه 15 جنيه والحزام 10 جنيه

[alymonir]

الموقف دة حصل فعلا في أحد اللجان الشعبية في الاسكندرية , شارع محمد نجيب سيدي بشر
لجنة شعبية كانت واقفة و عدى عليها عربية جيش و قالولهم يا جماعة في عربية جيش اتسرقت , خلى باللكم مش أي حد يعدي بعربية جيش لازم تتأكدوا منه
الجماعة ماكدبوش خبر
بعدها على طول كانت معدية دبابة
اه و الله دبابة
قوم ايه صحابك يوقفوها
اللجنة: انزل
الرائد بعد ما طلع راسه من جوة الدبابة مبتسما : في ايه يا جماعة حصل ايه؟
اللجنة : انزل و بعدين نتفاهم
الراجل مش عايز يثير الناس و بنفس الابتسامة الجميلة ينزل من الدبابة : خير يا جماعة
اللجنة: كارنيهك
الراجل طلع الكارنيه بكل احترام : اتفضلوا
الجماعة احتاروا الراجل ورقه سليم طب يعملوا إيه ,
تفتق ذهن أحدهم و قال : ورينا رخصة الدبابة
تخيلوا
كاني باسمع عن موقف في فيلم كوميدي , كان ناقص يسألوه عن الطفايو ز حزام الأمان
المهم الراجل أقنعهم بكل هدوء و امتص القلق داخلهم
المهم انا وقعت على الارض من الضحك