|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
||||
|
||||
جير بوكس لـ هايونداي ماتركس أوتوماتيك 2004
مأسااااااه بكل المقاييس
أولا أنا معايا عربية هايونداي ماتريكس 2004 اوتو ومن غير فتحة سقف هتقولولي هيا فيها فتحة سقف هقولكوا آه هنا في الإمارات فيها فتحة سقف, مش دا المهم. طلعت على رصيف والحمد لله على كل حاجة ومافيش مشاكل كلنا سلام وزي الفل الحمد لله. خدت العربية على الورشة وقولت أشوف فيها إيه. أولا الكروس ممبر الي بالعرض إتضرب ومعاه المقص الشمال وطبعا الجنط الشمال ومعاه كرتيرة الزيت بتاعت الجير بوكس وبأكد الجير بوكس مش الماتور والشيال الي تحت الماتور بالطول دا وغير كدة فيه ضربة خفيفة في فردة الشاسيه الشمال من قدام, كل ده طبيعي وبسيط ماتستغربوش آه طبيعي وبسيط. المهم والادهى من دا كله الجير بوكس إتكسر الهاوسنج بتاعه من برة بس وبالذات الاجزاء الي متربطة في الماتور والجزء الي فيه قاعدة منه متربطة على كورسي مع الشيال من تحت. وغير بقى شوية رفايع تانية زي قواعد الماتور التلاتة وغير القعدة الرابعة بتاعت الجير بوكس والإكسصدام الأمامي والرادا تير. أنا بقى مشكلتي في الجير بوكس دلوقتي الوكالة مابتبعشي الكارتيرة بتاع ت الزيت بتاعته ماتسألونيش إزاي المهم لفيت السبع لفات وجيبتها من معرض مستعمل وبتاعت جير بوكس أكسنت كمان تركب عليه وروحت لحمت الهاوسينج بتاع الجير بوكس في مخرطة وركبت كل حاجة ولميت العربية من الألف للياء. وزي الفل وفي الآخر أدور تدور ومابتمشيش وبتدي غيار في العدادات غير الي عليه الجير فعلا وبردو مابتتحركش. آسف على الإطالة. طبعا وصلت لمرحلة اليأس رفعت العربية ووديتها عند واحد بتاع جير بوكس بس يكشف عليها وتخيلوا يكون فيها إيه قالي حاجة كدة مش فاكر إسمها والي هيا كانت بتفصل غيار وتدي التاني وبتوزع الزيت جوا الجير إتكسرت من جوة وماينفعش تتصلح طيب أروح فين وآجي منين وهيا دي المشكلة. هنا الهايونداي منقرضة ماحدش بيركبها كتير ولو بتتركب مش ماتريكس خالص طبعا لفيت في كل حتة مافيش خالص اي كلام من ده. دلوقتي هتقولولي وإحنى مالنا أنا هقولكوا أنا عايز جير بوكس لهايونداي ماتركس أوتوماتيك موديل 2004 يكون ستة واير مش أربعة ياعني فيشة الكهربا الي طالعة منه دي ست فرد مش أربعة أو أي حاجة تركب على الماتريكس لامؤاخذة ياعني طبعا لامؤاخذة لأني الي بيصرف على عربية زي دي هنا بيقولوا عليه أهبل. ولو المساعدة جت من أخ في الإمارات يارييييت ولو حد يعرف يدلني على مكانه في مصر أنا مستعد ماعنديش مشكلة أشتريه وأشحنه وماتستغربوش أصلها مش عربيتي دي عربية شغل. وطبعا أنا بدور على المستعمل او وارد لأني جديد بتمن العربية.
__________________
|
#2
|
||||
|
||||
رد: جير بوكس لـ هايونداي ماتركس أوتوماتيك 2004
طيب الحمد لله 20 مشاهدة ولا رد تمام مافيش مشكلة بس بردو وسبحان الله انا لقيت النهاردة الجير بوكس وجاري التركيب وكله تمامميرسي على الإيجابية يا شباب.
__________________
التعديل الأخير تم بواسطة dr_eslam_66 ; 04-11-2010 الساعة 12:01 AM |
#3
|
||||
|
||||
رد: جير بوكس لـ هايونداي ماتركس أوتوماتيك 2004
طب الحمد لله ان حضرتك لقيتو و ابقي طمنا علي العربية اية اخبارها
|
#4
|
||||
|
||||
رد: جير بوكس لـ هايونداي ماتركس أوتوماتيك 2004
مش عايز تشتري بقى ههههههه
__________________
|
#5
|
||||
|
||||
رد: جير بوكس لـ هايونداي ماتركس أوتوماتيك 2004
بص يا باشا اطلع علي صنايعية الشارقة او عجمان هتلاقي أكيد و الهيونداي قطع غيارها موجودة متقلقش
|
|
|