كل بايكر يكتب بديته مع البايكس

[kameluo]

كل بايكر يكتب بديته مع البايكس (اية الحببه فيها وعمل ايه مع الحكومه العنده فالبيت)

[mahmoudoud]

انا طبعا محدش في البيت ولا العيله ولا الحنه كلها يقدر يقولي لا لاني شغال بنظام البقاء للاقوي وانا طبعا بلعب حديد بقالي سنتين فقلت لابويا هات 15 الف اجيب ريس قالي لا و قلت لامي و موفقتش ف الحل اني اروح اشتغل و اجيب فلوس

[tamertamer]

ولا حاجة انا اتعلمت على الجاوة القديم دة الكلام دة من 12 سنة تقريبا وبعد كدة طبعا عندى فى البيت مينفعش عشان اولا سنى كان صغير وثانيا مفيش رخصة تطلع ومحدش هيسعدنى فى الموضوع دة (مضيعة للفلوس فى تفكير بعض الناس )

سفرت لواحد قريبى فى المانيا فى الصيف جارة كان راجل سويدى كان جايب 400 فير من الزيرو بس كانت نضيفة انا شفتها كان ركنها بقلها مدة طويلة لان الراجل بطل يركب ولان الثلوج هناك بتخليك ركنها على طول ختها منة وشحنتها ولا مجيت هنا اجبرتهم يطلعوها من الجمرك على اساس مخسرش الفلوس ورفضت ابعا بعد كدة اعدت معاية 3 سنين واتباعت لانى مكنتش بركبها اعدت سنة وزيادة

[nktis]

الحمدلله والدي رحمه الله عليه كان عنده ياماها موديل قديم 1972 . اتعلمت عليها بس علي قد مشوار صغير . لحد ما جه معاد الثانويه ونظرا لبعدها 3 كيلو عاندت جامد لغيط ماوافق اني اروح بيها بس اركب انا وابن عمتي عشان نحرس بعض . ومن هنا حبيت موضوع البايك

[omarken]

عجبنى .. سألت .... اشتريته الأول
وبعد كده اتعلمت السواقه وتقريبا كده سوقت لوحدى
لأن اللى كان بيعلمنى مقالليش اى حاجه
غير سيب دبرياج واحده واحده وشد بزين واحده واحده
وانا اصلا بعرف اسوق عربيات من زمان فمكانش فى مشكله فى النقلات والدبرياج
وكان مسأله التوازن كان سهل علشان كنت جامد فى سواقه العجل
اول بايك سوقتها فى حياتى وكانت بتاعتى Honda cbr 250rr
قبل كده كنت مقضيها شحاته
سوقت حاجات كتييييييير بس كللها متكملش معايا 30 ثانيه علشان كنت بخاف
بالنسبه للحكومه اللى فى البيت
فأنا متجوز
فى الأول كان فى شويه خوف عليا
بس مين يامعلم
مره واحدة لاقونى داخل بيه اع البيت ( امر واقع)
واخلص يباشا .. احنا لسه هانعيط ونقنع ونعمل...!؟ طول مانت اللى هاتدفع يبقى عيييييييييييييش