|
سفارى وطرق اماكن تستحق الزيارة - سفارى - رحلات - طرق جديده او مختصره - طرق احذر منها |
|
أدوات الموضوع |
#1
|
|||
|
|||
لو سمحتم عايز اروح المقطم من موقف عبود
لو سمحتم انا من الزقازيق ونازل القاهرة يوم السبت وعايز اعرف اركب ايه من عبود علشان اورح المقطم ويارتى المدة كام تقريبا وشكرا ليكم
|
#2
|
||||
|
||||
رد: لو سمحتم عايز اروح المقطم من موقف عبود
افضل حاجة تركب اتوبيس شرق الدلتا من ابو خليل بيطلع كل نص ساعه اتوبيس وخلي بالك مواعيد 7 و7 وونص و8 بتكون زحمة علشان اول الاسبوع
الاتوبيس بينزلك قدام محطة مترو المظلات تركب اتجاة الجيزة وتنزل تغير في السادات من السادات تنزل تغير اتجاه حلوان وتنزل محطة الملك الصالح تخرج من المحطة تسأل فين العربيات اللي طالعة المقطم هيشوالوك عليها او على مكان ما بتقف لو مفيش عربية موجوده تركب وتوصل بالسلامة ان شاء الله ده لو رايح من الطريق الزراعي الزمن من الزقازيق لعبود الصبح على حسب الوقت والزحمة ممكن ساعه وربع وممكن ساعه ونص ولو الطريق فاضي ممكن ساعه الماسفة بالمترو تقريبا تلت ساعه المسافة من الملك الصالح للمقطم تقريبا تلت ساعه يعني تقريبا الاجمالي في حدود ساعتين لو عاوز الاسرع الصحراوي تركب من المحطة موقف العاشر بياخد تقريبا ساعه في الطريق ما عدا من الساعه 7 ل 8 بياخد وقت اطول علشان الزحمة بتاعت اتوبيسات العاشر تنزل موقف العاشر تسأل على عربيات السيدة عائشة وتركبها وتنزل في الاخر او تقول للسواق انا عاوز اطلع المقطم هينزلك عند اول المطلع وتركب اي حاجة طالعه فوق لكني افضل انك تنزل في الاخر علشان أأمن الوقت تقريبا من الزقازيق لموقف العاشر تقريبا ساعه من موقف العاشر للسيدة عائشة تقريبا نص ساعه من الموقف للمقطم تقريبا تلت ساعه يبقى الوقت المتوقع ساعتين الا ربع او الا عشرة وعلى حسب ظروف التوقيت والزحمة عرفني مواعيدك ايه واقولك على الاقرب ليك توصل بالسلامة واي استفسار تاني انا تحت امرك لكن اخري شارع 9 في المطقة اكتر من كده معرفش
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة sad-bird ; 03-12-2010 الساعة 07:52 PM |
#3
|
|||
|
|||
رد: لو سمحتم عايز اروح المقطم من موقف عبود
الف الف شكر ليك يا باشا
|
|
|