العربيه بتكح قوي وشويه هتعطس!!!!!

[zezoasd]

السلاموا عليكوووووووووا
مشكله مش عارف صغيره ولا كبيره كالاتي:
العربيه بولونيز 91 كانت اول ما جبتها من سنه بتسحب وتشد حلو قوي حاليا مش عارف ايه الي حصلها تيجي تاخد الغيار الرابع وتجيب 100 او 110 والاقيها راحت لورا ولقدام وهتطفي خلاص زي ما يكون واحد عنده سعال
وبعدين بقيت علشان احايلها مجبش 100 غير وانا علي الخامس بس العربيه مش ساحبه خالص يعني ال80 دلوقتي فيها كاني ماشي 60 زمان من سنه مش عارف ايه المشكله
ياريت تساعدوني وتقولولي ابص علي ايه بالظبط وخصوصا الكحه دي

[samirayad]

شوف فلتر البنزين الأول قبل التفكير فى حالة طلمبة البنزين

وياريت تنظف الكربوراتير وتكشف على بيكاته

[محمد التمساحي]

زشوف طقم الكهربا

[mr_astra]

بلغة الميكانيكية العربية مش شبعانة بنزين يعنى فى خنقة او انسداد فى دورة البنزين من اول دخول البنزين للطلمبة من خلال فلتر البنزين ثم الطلمبة ثم الكرباتير وبما انك بتقول ان الخنقة من الـ 100 كم يبقى بك السرعة ممكن يكون عاوز نضافة بص النهردة الجمعة خلية يوم صيانة ونضافة لدورة البنزين وغير فلتر البنزين وصنفر الابلتين واظبط فتحتة ونفض فلتر الهواء بالكمبروسور كدة يعنى شوية ترويق بامر الله العربية هاتفوق

[حسام البورسعيدى]

الكربيراتير يا برنس ...

شيك ع الكربيراتير والبيك وبعدين نضفه باسبراى ..

وشوف مع الميكانيكى لو حالته صعبة يفكه وينضفه يدوى ... وممكن يكتاج يروح مخرطة ..

علشان كده متروحش الا لميكانيكى معروف ويفضل انه يكون متخصص كاربيراتير ...

بس لو العربية مخنوقة معاك على كل السرعات (ماشى بطئ او سريع) ممكن تشك فى الكهربا لكن لو على السرعة العالية بس يبقى اكيد المشكلة من الكربيراتير ...

ممكن برضه البنزين ميكونش نضيف وفيه شوائب او التانك مليان شوائب ودى تشيك عليها لو ظبطت الكربيراتير ومفيش فايده ....