اول مظاهرة توك توكيه احتجاجية أمام النائب العام

[AbOnOrA]

محمود سعد الدين - تصوير محمد نبيل

فى واقعة هى الأولى.. نظم أصحاب "التكاتك" بالقاهرة اليوم الأحد، وقفة احتجاجية أمام مقر النائب العام، بعد أن سحبت محافظة القاهرة "تكاتكهم".. مؤكدين أن عملهم على هذه التكاتك هو باب الرزق الوحيد لهم، وقد رفعوا لافتات تحمل عبارات: "أغثيونا من رجال محافظ القاهرة الذين احتجزوا ما نملك بدون وجه حق.. سحبوا التكاتك وانتهكوا القانون والدستور ولا نعلم ماذا نفعل.. أغلقت أبواب الرزق وفتحت أبواب السجن".

كان 35 مواطنا من أصحاب "التكاتك" بمنطقة الزيتون وعين شمس والمطرية والأميرية قد تقدموا ببلاغ إلى النائب العام المستشار عبد المجيد محمود ضد الدكتور عبد العظيم وزير محافظ القاهرة.. وقد أوضح المواطنون فى بلاغهم الذى حمل رقم 16674 لسنة 2010 عرائض النائب العام أن محافظة القاهرة سحبت ما يزيد على 65 "توك توك" لعدم استخراج التراخيص، واشترطت دفع غرامة 650 جنيها لاسترجاع "التكاتك".

وأكد هانى عبد الكريم المحامى ومقدم البلاغ نيابة عن أصحاب التكاتك أنه على الرغم من دفعهم رسوم الغرامة المقررة والحصول على إيصالات بالدفع إلا أن أصحاب التكاتك حتى الآن لم يسترجعوا "التكاتك"، ولا يعرفون مكانها رغم مرور أكثر من 5 أشهر على سحبها، مشيرين إلى أنهم سألوا العديد من رجال الحى عن مكان احتجاز التكاتك ولم يفدهم أحد بأى معلومات.

[احمد بدر1978]

بصراحة دة مشكلة كبيرة الحكومة سمحت باستيراد التوكتوك وبعد كدة مرخصتهوش طب لية بصراحة اصحاب التكاتك ليهم حق ولازم الحكومة تلاقى حل لترخيصة ورقابتة

[mainz]

حسبنا الله ونعم الوكيل اظاهر ان المحافظه كانت مزنوقه فى قرشين فقالت نجيبهم عافيه واسطنطاع على قفا اصحاب التكاتك الغلابه

[hazem_khidr]

يستاهلوا و عقبال الباقي
يعني هما قبل التوكوك كانوا بيشتغلوا ايه
ولا هو المكسب السريع و البلطجه و قله الادب بقت تعمي عيون الناس
التوك توك ممنوع و مافيش حد اشتراه الا ما كان عارف انه ممنوع و ممنوع ترخيصه
طب يشتروه ليه؟؟
مش ذنب الحكومه انها موفراه و مانعه ترخيصه انهم يشتروه و يبلطجوا بيه.
و رغم كده الحكومه سمحت بترخيصه و تحدد خط سيره في اماكن محدده
لكن برضه شغل البلطجه شغال و تلاقيهم في الشوارع العموميه
و لما يتسحب منهم التوك توك يرجعوا يعيطوا و يقولوا احنا ذنبنا ايه
من الاخر لا يصح الا الصحيح

بصراحة دة مشكلة كبيرة الحكومة سمحت باستيراد التوكتوك وبعد كدة مرخصتهوش طب لية بصراحة اصحاب التكاتك ليهم حق ولازم الحكومة تلاقى حل لترخيصة ورقابتة

يا احمد بيه هو فعلا فيه مشكله
وزاره الجمارك سمحت بباستيراد التوك توك علشان خاطر عيون غبور بيه
لكن وزاره الداخليه متمثله في المرور منعت استخراج تراخيص للتوكتوك
و بعدين بدأت وزاره الداخليه بالتعاون مع مجالس المدن و الوحدات المحليه بترخيص التوك توك تبعا لقواعد معينه يقوم بوضعها رئيس مجلس المدينه.
لكن الافراد مالكي التوك توك لا يراعوا القانون و اكيد انت شايف بنفسك بيبقوا ماشيين عاملين ازاي
يبقي فعلا علشان يتأدبوا لازم التوك توك دا يتسحب منهم و يتعلموا ان الله حق

[احمد بدر1978]

المشاركة الأصلية كتبت بواسطة hazem_khidr يستاهلوا و عقبال الباقي يعني هما قبل التوكوك كانوا بيشتغلوا ايه ولا هو المكسب السريع و البلطجه و قله الادب بقت تعمي عيون الناس التوك توك ممنوع و مافيش حد اشتراه الا ما كان عارف انه ممنوع و ممنوع ترخيصه طب يشتروه ليه؟؟ مش ذنب الحكومه انها موفراه و مانعه ترخيصه انهم يشتروه و يبلطجوا بيه. و رغم كده الحكومه سمحت بترخيصه و تحدد خط سيره في اماكن محدده لكن برضه شغل البلطجه شغال و تلاقيهم في الشوارع العموميه و لما يتسحب منهم التوك توك يرجعوا يعيطوا و يقولوا احنا ذنبنا ايه من الاخر لا يصح الا الصحيح يا احمد بيه هو فعلا فيه مشكله وزاره الجمارك سمحت بباستيراد التوك توك علشان خاطر عيون غبور بيه لكن وزاره الداخليه متمثله في المرور منعت استخراج تراخيص للتوكتوك و بعدين بدأت وزاره الداخليه بالتعاون مع مجالس المدن و الوحدات المحليه بترخيص التوك توك تبعا لقواعد معينه يقوم بوضعها رئيس مجلس المدينه. لكن الافراد مالكي التوك توك لا يراعوا القانون و اكيد انت شايف بنفسك بيبقوا ماشيين عاملين ازاي يبقي فعلا علشان يتأدبوا لازم التوك توك دا يتسحب منهم و يتعلموا ان الله حق

انا معاك ان التكاتك عايزة تنظيم بس هى غلطة الحكومة من الاول عشان سمحت باستيرادها بس لازم تصحح الغلطة دى وتتعامل معاملة المواصلات العامة من حيث تنظيم خط مرور و رقابة من المرور ولازم يطلعوا تراخيص سواقة للسواقين مش الاقى عيل فى ابتدائى سايق وماشى عكس اتجاة وبيلعب بالتوكتوك كانة عجلة