بنسى الطرق كل مرة

[Himatros]

ياجماعة انا من الشرقية وطول عمري انزل القاهرة كتير مع والدي (الله يرحمه)بس كنت صغير مش عارف حاجة لحد مجه الوقت اللي انا اسوق واركب العربية فالمهم
انا كل مبنزل القاهرة بفقد اعصابي بسرعة اوووووووووي وبزهق واحس ان انا عاوز اقتل اي حد قدامي والطريق اللي امشي منه انساه رغم اني مشيت فيه كام مرة قبل كده

اعمل ايه دلوني انا زهقت بقيت اخاف انزل القاهرة بسبب السكة المجهولة اللي مببقاش عارفها

[SHERIF MARLBORO]

هات موبايل فيه GPS او ماب و لا معاك لاب توب استعين ب google maps/earth

[Injection]

دلوقتى كلام حضرتك منقسم لناحيتين:-

1- حضرتك بتنسى الطرق والشوارع, وده عادى جدا وبيحصل مع أى واحد, أنا مبتعودش على الطريق غير لما أمشى فيه مرتين تلاتة, وبكره المشى فى طريق معرفهوش, وعادى أن الأنسان ينسى طريق قعد فترة ما مشيش فيه, وكله بالتعود, حاول تاخد الموضوع بالراحة خالص, وبعد التكرار هتحفظ الشوارع, ومينفعش أصلا تتوه فى القاهرة

2- حضرتك شايف أن الغضب حاجة غريبة, ده أنا بنزل الساعة 6 الفجر علشان أتفادى زحمة الصباح وأحافظ على أعصابى, ولما بنزل فى الزحمة ببقى هطق وتضايق جدا من الطريق والناس والميكروباصات والأوتوبيسات و و و, بس الحمد لله بقدر أحط أعصابى فى تلاجة.

حاول ماتقيسش نفسك على حد, يعنى ماتبصش لصديق بيحفظ الطريق من أول مرة, كل واحد ليه قدراته ومواهبه, فيه اللى بيعرف يسوق فى الزحمة, وفيه اللى بيعرف يسوق بسرعة, وفيه وفيه, والذاكرة مستويات برضه.

وحاول دايما تحط أعصبك فى تلاجة, وأفتكر دايما أن الدنيا مش هتقف علشان واحد حمار كسر عليك, أو لأن الشارع واقف, خليك كوووول ومتخليش حاجة تضايقك أبدا, و برضه المثل بيقول "اللى يسأل مايتوهش"

حل الأستاذ شريف كويس جدا بس محتاج فلوس علشان جهاز الجى بى أس أو لاب توب وتركيز خارق للطبيعة علشان تقدر تسوق وأنت متابع الخريطة, حاول تدور على معالم للطريق اللى أنت ماشى فيه, وعلم كل شارع بحاجة مميزة, محل, تمثال, بنزينة, محطة أوتوبيس حتى, ومش هتنساه المرة التانية.

ولو نازل القاهرة ومش عارف طريقك حاول تشوفه بجوجل مابس GOOGLE MAPS من الكمبيوتر الأول قبل ماتروح علشان تعرف الطريق كويس.

وأسف على الأطالة.

[wael_khaled]

المشاركة الأصلية كتبت بواسطة Himatros ياجماعة انا من الشرقية وطول عمري انزل القاهرة كتير مع والدي (الله يرحمه)بس كنت صغير مش عارف حاجة لحد مجه الوقت اللي انا اسوق واركب العربية فالمهم انا كل مبنزل القاهرة بفقد اعصابي بسرعة اوووووووووي وبزهق واحس ان انا عاوز اقتل اي حد قدامي والطريق اللي امشي منه انساه رغم اني مشيت فيه كام مرة قبل كده اعمل ايه دلوني انا زهقت بقيت اخاف انزل القاهرة بسبب السكة المجهولة اللي مببقاش عارفها

انت زى حالاتى بنسى الطريق اللى ما بمشيش فيه كتير حلك GPS تجيبه لنفسك

[Himatros]

انا فعلا كنت فكرت اجيب GPS بس قولت في بالي والدي كان حافظ السعودية كلها وبيروحها والله من اولها لاخرها ومبيتوهش اجي انا بقى مش عارف انزل القاهرة هههههههه هم يضحك