محتار ما بين هوندا سيتي و هوندا سيفيك

[lRatedl]

ياجماعه انا محتار جدا اشترى ايه بجد خلاص هتجنن


والاصحاب كل واحد برأى ومش عارف مين فيهم الصح ؟؟؟؟؟؟

بصوا المبلغ المتاح حوالى 150 الف

مش عارف اجيب هوندا سيتى ولا سيفيك
ولا لانسر شارك ولا تيريوس ولا مازدا 3 وفيه قدامى فولكس جيتا


انا عايز اعرف اى واحده فيهم تنفع ليا لان خبرتى ع قدى مش اوى ياعنى

انا بحب الشد جدا وبرضه عايز عربيه ثابته وتنفع لمطبات مصر العجيبه


ياريت حد يساعدنى بجد مايبقاش زى الاصحاب اللى بيلخبطوا الواحد وكل واحد فيهم براى



-خالد

[lol64]

بص يا انا لو معايا المبلغ ده هاشترى السفيك بدون تردد عربيه رائعه وثابته وموتور قوى متطور وكماليات عديده
من الاخر عربيه يابانى بنكهه اوروبيه
عيبها الوجيد واطيه شويه

[lRatedl]

تمام بس هيا واطيه جدا وانت عارف بقى مطبات مصر

طب مافيش حل ليها ولا ايه

[Injection]

أنا هقول رأيى:-

التيريوس مش عربية شد, ومعمولة علشان ال off roading فلذالك ثباتها على الطريق مش هيبقى عالى ولاسرعتها هتبقى عالية.

هوندا سيفيك عربية خطيرة, وثابتة وفخمة جدا فى الكماليات والشكل, بس تقيلة على الموتور ال 1.6 بس تنفع برضه للشد.

ومينفعش تقارن هوندا سيتى بسيفيك, السيفيك تكسب.

ال جيتا عربية ألمانى, قوية وثابتة جدا, وفخمة وتنفع لكل حاجة.

المازدا 3 عربية جامدة جدا, موتور قوى وكماليات رائعة وتصميم داخلى وخارجى متميز, ودى أكثر واحدة بميل ليها.

ومن رأيى أختياراتك بالترتيب هى مازدا 4 وجيتا ثم سيفيك, بس المازدا هتديك أحسن قيمة للفلوس اللى هتدفع فيها.

وموضوع عربية عالية ده بصراحة متفكرش فيه خالص, لأن أنا ممكن أقولك ال 128 عالية ومش هتحك, وهو مش موضوع مهم للدرجة دى ومالوش أى دور فى أختيار العربية المناسبة.

والمازدا والسيفيك والجيتا الثلاثة ثابتين, وبيجروا وكماليات وشكل كويس جدا, بس الجيتا تقيلة فتسارعها بطئ, والسيفيك منتشرة وكبيرة (حجما) قوى على طرقنا, والمازدا توكيلها غبور بصراحة بيستعبط ومش مهتم بيها قوى فقطع غيارها غالية.

وأنزل عند سمير ريان أو المصرية للسيارات أتفرج, وأفتح العربيات و "فلى" فيهم براحتك, وتمهل فى أتخاذ القرار علشان تعرف كل الأختيارات وتختار الأحسن بالنسبالك.

وبالتوفيق.

[lRatedl]

هههههه انت لخبطتنى اكتر هههههههه

المهم هوا دلوقتى المقارنه بين السيفيك والجيتا والمازدا

الصراحه انا مايل للسيفيك أكتر والمشكله انى بتقهر لما العربيه تحف ف مطب وكمان ناس خوفتنى م انها واطيه اوى وهل ممكن اعليها وازاى ؟؟ وهل ده بياثر عليها باى شكل

والمازدا ... انت خوفتنى اوى م قطع الغيار دى وبالنسبه للشارك حضرتك ما قولتش رايك فيها

هل فيها عيوب ولا ايه نظامها ولو حد عنده اى ااقتراح تانى يقوله علشان الواحد خايف يجيب حاجه ويندم عليها