|
نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
أدوات الموضوع |
#1
|
||||
|
||||
وقت التغيير (شعر عامية)
كنت كتبتها قبل تنحى الرئيس السابق حسنى مبارك
بس للأسف مالحقتش لأنه تنحى تانى يوم من كتابتها يا سياده الريس يا كبير ... هو ماجاش وقت التغيير طب شوفت ميدان التحرير أو حد فى عصبة سيادتكم عن حالته أدالك تقرير ده بيشغى شباب ويا بنات ... أطفال رجالة وستات فلاح عامل والا فئات ... بيقولو ياترحل يانبات اللــــــــــــه على إثبات الذات ... والله فخور بيهم جداً وحزين على كل شهيد مـات وسيادتك متجاهل خــــــــــــالــص ... بس ديه عادتك مش بجديد ياما أسينا فى عهدك ياما ... ظلم وقهر فساد تهديد بس الخوف راااااااااااح من جوانا ... أسلحتك مش نافعة معانا دم الشهدا علينا أمانة ... وأقسمنا بعزة مولانا مانسيبك متهنى فى خيرنا ... تستعطفنا وأنت ناهبنا وفى وهم التغيير محاصرنا ... 30 سنة حزبك شغاااال مصاص دم سقانا الهم ... عمره ما حقق أى أمال وأنت قائدهم حامى فسادهم ... وأحنا إليك مابنشغل بال وعشان مستقبل أولادنا ... ضحكتوا علينا وحزبك قال راح ننعشكو ونعيشكو فى وهم كبير ... أسمه الإصلاح إصلاح أيه بس يابيه ... يكونو يقصدوا حالة الفلاح اللى اتمرمت ويا سيادتك ... ولا نام ليلة فى يوم مرتاح والا العامل اللى ماهيته ماتجيب حتة كيلو تفاح |
#2
|
||||
|
||||
رد: وقت التغيير (شعر عامية)
جامدة جدا بس كان فين الشعر دا كله من زمان احنا كنا نقدر ننطق بكلمة واحدة يلة ايام الله لايعودها يارب
__________________
|
#3
|
|||
|
|||
رد: وقت التغيير (شعر عامية)
|
#4
|
رد: وقت التغيير (شعر عامية)
تسلم ايدك ، الحمد لله الكلام الجميل بدأ يطلع وتحيا الثورة المصرية
__________________
م . نبيل عبد الرحمن مصر موتورز الإسكندرية
|
#5
|
||||
|
||||
رد: وقت التغيير (شعر عامية)
متشكر جداً شكراً جداً على التشجييع، وتحيا الثورة دائماً |
|
|