أشتري رينو سكالا ولا لأ

[ziohausam]

السلام عليكم يا شباب
الفترة دي بدور على عربية. عوامل الأمان عندي مهمة جدا. ملفتش عربية فيها 2 ايرباج وabs وعلامة كبيرة (رينو) وبالسعر ده غير ال سكالا. بس أهم حاجة في عوامل الأمان هي الثبات ع السرعات العالية. بسأل على 5 حاجات:
1- حد يقدر يفتيني في ثباتها على السرعات العالية
2- قطع غيارها متوفرة ولا لأ؟
3- هي موجود منها 2011, ده يعمل أي مشاكل في توكيلها أو ضمانها؟
4- هي عفشتها متعبة زي الصني ولا أحسن ولا أوحش؟
5- حدي يعرف ليه مبينزلش منها جديد؟ وليه سعرها أقل من الصني السوبر صالون بأكتر من 6 ألاف؟ ده مقلقني محسسني ان ممكن يكون فيه مشكلة في العربية نفسها والباقي ال 2011 في السوق بيخلصوه بسعر قليل. لو حد عنده افادة ف الموضوع ده ياريت

وبشكل عام, مين معاه العربية ويقوللي رأيه فيها بصراحة ولو فيها مشاكل أو حاجة


ولكم جزيل الشكر

[Emgrand]

وليه سعرها أقل من الصني السوبر صالون بأكتر من 6 ألاف؟ ده مقلقني محسسني ان ممكن يكون فيه مشكلة في العربية نفسها

الشعب المصرى للاسف بيحب يضحك عليه
متخليش الوكلاء يضحكوا علينا اكتر من كده بقى
الاسعار كلها مبالغ فيها اصلا

[jojojojojo]

ان شاء الله حد يفديك بس فعلا انا مش عارف ليه هي منتشرتش ليه رغم ان سعرها وامكانياتها ممتاز جدا وتقفيلها كمان كوري وانا سمعت ان الصني اخر السنه ديه هينزل منها شكل جديد زي اللي في الخليج فانصحك تأجل شويه قرار الشراء لاخر السنه وتقارن والله الموفق

[ziohausam]

المشاركة الأصلية كتبت بواسطة mazen mazen الشعب المصرى للاسف بيحب يضحك عليه متخليش الوكلاء يضحكوا علينا اكتر من كده بقى الاسعار كلها مبالغ فيها اصلا

ده صحيح. بس معتقدش يقللوا 6 آلاف جنيه عن عربية منافسه كده لمجرد ان السعر كده تمام وأكتر. ده اللي مقلقني

[ziohausam]

المشاركة الأصلية كتبت بواسطة jojojojojo ان شاء الله حد يفديك بس فعلا انا مش عارف ليه هي منتشرتش ليه رغم ان سعرها وامكانياتها ممتاز جدا وتقفيلها كمان كوري وانا سمعت ان الصني اخر السنه ديه هينزل منها شكل جديد زي اللي في الخليج فانصحك تأجل شويه قرار الشراء لاخر السنه وتقارن والله الموفق

أشكرك.
أنا بس خايف أستنى آخر السنة دي, ألاقي الأسعار طلعت.
العربية دي أساسا كانت ب 94.. ودلوقتي 96. اللوجان الأوتو كانت 78 من كام شهر ودلوقتي ب 80.

يعني أخاف أستنى آخر السنة لا أعرف أجيب دي, ولا أجيب دي