افيدوني يا اهل الخبره

[amroo1982]

انا ناوي ان شاء الله اشتري عربية جديده قريب ومحتار بين اتنين على اساس توافر قطع غيار العربية وصيانتها وخصوصا خارج التوكيل
1- نيو اكسنت 2010
عربية ناس كتيير بيشكروا فيها بس خايف من غلو قطع غيارها وكمان مش عايز اتعب في تصليح اي حاجه في التوكيل خصوصا عندنا مكانيكيه كتيير قوي ومدن صناعية في السيارات بس خايف مفيش حد يعرف يشتغل فيها
2- شيفروليه لانوس 2010
عربية كل الناس ركباها قطع غيارها كتيير ورخيصة بس مفيش خصوصية كل الناس ركباها بس طبعا فيها مميزات كتيير خصوصا بعد الشراء
ياريت تفيدوني وتوضحوا كل شيء بصورة علمية وهندسية وعن تجربة شخصية

[mahmooud135]

بص ياسيدى متحوليش تقارن الاكسنت بالانوس علشان فى اختلاف من حيث الماتور ونظام التعليق الانوس عربية جميله جدا جدا واقتصاديه جدا
الاكسنت عربية محترمه جدا جدا جدا واقتصاديه فى البنزين ماتور حديث تسارع ممتاز محدش اشتكى منها وكما كورى لكن الانوس مصرى واسف للاطاله

انا راي الشخصي النيو اكسينت احسن مليون مره من الانوس عربية جميلة جدا نادر لما تلاقيلها عيب تقفيل كوري مكونات كوري متفرقش عن الالنترا في شئ غير في البودي بتاعها

قطعها غيرها مش غالية اوي زي مانتا فاكر

وكمان مش هتفكر في قطع الغيار ديه غير بعد 7 سنين علي الاقل

وكمان متخليش حد يلعبلك في العربية سواء كانت لانوس او اي عربية تانية

والف مبروك مقدما وربنا يديك خيرها ويكفيك شرها

[Eng . Mano]

النيو اكسنت طبعا ، موتورها حديث جدا ( نفس موتور الانترا ) ، عفشة محترمة ، عربية شكلها حديث ، كورية 100 % .
و مش معنى كلامى ان الانوس وحشة انما احنا كده بنظلمها لما نقارنها مع الاكسنت ، دى فئة و التانية فئة اعلى ، الانوس تتقارن مع فيرنا او اسبرانزا او لوجان . ده غير ان الانوس موتورها تكنولوجيا قديمة ( من سنة 98 ) ، شكلها اتحفظ ده غير انها تقفيل مصرى .

[amroo1982]

الف مليون شكر على الرد وربنا يسهل في الاختيار ان شاء الله