volkswagen crossfox

[skoda1996]

السلام عليكم
دي اول مشاركة ليا و اتمني اني الاقي مساعده
انا معايا اسكودا موديل 96 العربية دي تحفه عملت بيها 430000 كيلو و زي الفل
المهم يعني اقتنعت بالالماني
عرفت ان فيه فولكي اسمها كروس فوكس بس لا عارف اوصل لسعرها و لا مواصفاتها
و لو معايا حوالي 50 و هبيع الاسكودا يعني بتاع 80الف
اشتري بيهم اية؟؟؟؟؟؟؟؟؟؟؟؟؟؟؟؟؟؟؟؟؟؟ ؟
اتمني الردود من الشباب الخبرة

[m_o_sakr]

الكروس فوكس عربيه ملهاش حظ او سوق هنا فى مصر و مبيعاتها قليله جداً جداً و ده بيأثر على اسعار قطع الغيلر الى هيا اصلاً غاليه و سعر اعادة البيع بالسلب

[side view]

العربيه دى شبه التيريوس بس اصغر فى الحجم
موتورها 1600 سى سى
تجميع برازيلى او مكسيكى
كان سعرها 90-100 الف ( الكلام ده كان فى 2007 )
العربيه دى مش موجوده دلوقتى فى مصر
العربيه دى فى ناس كتيره ماتعرفهاش

لو انت بتدور على حاجه فى نفس السعر ده
فى الفولكس سوران ( بس انا مش متأكد مازالت موجوده ولا لا ) ودى سعرها لغايه وقت قريب كان 90 الف جنيه

ده بالنسبه للفولكس

اما فى حدود المبلغ ده فعندك فى حاجات كتيره يابانى وكورى
ياريس
لانسر
الانترا
ماتريكس
كيا ريو
نيو اكسنت

[skoda1996]

هو اية حوار الفولكس البرازيلي ده.......المانيا بتبوظ سمعه منتجاتها و لا اية؟؟؟؟
و انا عرفت ان السوران
1600cc
8صباب .......يعني الموتور مش قوي
شكلها كده مافيش الماني
يارس احسن حاجه تقريبا
و لا ايييييية؟

[side view]

المشاركة الأصلية كتبت بواسطة skoda1996 هو اية حوار الفولكس البرازيلي ده.......المانيا بتبوظ سمعه منتجاتها و لا اية؟؟؟؟ و انا عرفت ان السوران 1600cc 8صباب .......يعني الموتور مش قوي شكلها كده مافيش الماني يارس احسن حاجه تقريبا و لا ايييييية؟

انا كان معاى ياريس

عربيه جميله ورشيقه وسريعه وثابته على الطريق بس الا لمانى لا يعلى عليه
فالياريس مش هتعجبك خالص بعد الاوكتافيا

مش الياريس وبس لا كذلك الكورولا والميتسوبيشى والهوندا

انا رأيي شوف السوران
او دور على مستعمل نظيف