مشكلة فى كاست العربية فيرنا 2010 فول اوبشن

[ميدو ستار]

السلام عليكم ورحمة الله وبركاتة
أخوانى الاعزاء
انا اشتريت عربية فيرنا 2010 من اسبوعين من التوكيل اللى ف عماد الدين
العربية بسم الله ما شاء اله زى الفل عاملة لحد دلوقتى 700 كم
امبارح رحت مشوار الساعة 5 مساءا
ورجعت ركنتها فى الجراج
والله محافظ عليها جدا
النهاردة الصبح وانا نازل الشغل شغلت العربية
الراديو مش شغال خالص
معرفشى اية اللى حصل
ومش عاوز العب فيه
ياريت يا اخوانى
اللى يعرف السبب يقولى
وايه الحل
انا قاعد ف الشغل متضايق قوى
وشكرا جزيلا لكم
اخوكم
م. عصام مهنى

[Ahmed Anwer]

الكاسيت نوعه أيه ؟؟

لو رودستار جرب تشيل الوش ،، و هتلاقي تحتيه زرار بتدوس عليه بحاجة رفعيه

دوس عليه ممكن يشتغل معاك

لو ملقتهوش اشتغل برده قلهم في صيانة الألف لو حاجة في كهربا العربية نفسها هيعملوها هما

لو حاجة في الكاسيت هيقولك روح توكيل الكاسيت بضمان الكاسيت اللي استلمته مع العربية

[ميدو ستار]

المشاركة الأصلية كتبت بواسطة Ahmed Anwer الكاسيت نوعه أيه ؟؟ لو رودستار جرب تشيل الوش ،، و هتلاقي تحتيه زرار بتدوس عليه بحاجة رفعيه دوس عليه ممكن يشتغل معاك لو ملقتهوش اشتغل برده قلهم في صيانة الألف لو حاجة في كهربا العربية نفسها هيعملوها هما لو حاجة في الكاسيت هيقولك روح توكيل الكاسيت بضمان الكاسيت اللي استلمته مع العربية

شكرا يا اخى على الرد
الكاست نوعه رود ستار cd بتاع الفيرنا الفول اوبشن
الزرار المكتوب علية reset شكله عامل زى مسمار رفيع داخل لجوه صح ولا مش هوه دى
واستنى لحد ما اروح صيانة الالف ولا اروح على توكيل رود ستار
شكرا مرة اخرى

الراديو بيظهر فيه ايه عندك
وانتا بتشغله ازاي وهل هوه بيشتغل CD ومش بيشتغل راديو ولا ايه وانتا مكانك فين علشان لو انتا في سكتي انا ممكن اشفهولك

[ميدو ستار]

المشاركة الأصلية كتبت بواسطة corsair الراديو بيظهر فيه ايه عندك وانتا بتشغله ازاي وهل هوه بيشتغل CD ومش بيشتغل راديو ولا ايه وانتا مكانك فين علشان لو انتا في سكتي انا ممكن اشفهولك

يا باشا شكرا على ردك وعلى ذوقك
الحمد الكاسيت اشتغل
أنا عملت زى الاخ أحمد انور ما رد عليا
والحمد لله اشتغل تمام التمام
شكرا لكم من القلب
بس ليه سوال
هو mp3 بالـ usb بعد ما توصله مكان الولاعة
وتحط الفلاشة
عاوز اعرف بتشغله ازاى
وشكرا مرة تانية
للاستاذ / أحمد انور
ولحضرتك
جزاكم الله خيرا