العربيات اللي سعرها مبالغ فيه أوي مستعمل وزيرو

[ROMEOOO]

أنا بقى هأقول المبالغ فيه من المستعمل والجديد نبدأ بالمستعمل :

الانوس بكل موديلاته الشكل اللي بعد 2000 مبالغ في سعرها وهي عربية سيئة وعن تجربة من 7 سنين كانت عربية الشغل بتاعت والدي
هقولكم حاجة بصوا حضرتكم العيب مش في العربيات العيب فينا كمصريين بالنسبة للمستعمل أكيد يعني إزاي واحد يجيب عربية مش جايبة 40 ألف زيرو وبعد عشر سنين أو 8 أو كده يبعها ب 45 و 48 وحاجات غريبة يعني مصر بلد عكس العالم سعر المستعمل احيانا يعدي سعرها وهي كانت زيرو بعد سنين وده بسبب اقبلنا منغير وعي

أما العربية الزيرو في كتير مبالغ فيه ومش عليه اقبال زي الكابتيفا أنا والدي كان هيجبها بس قلتله لأ و كان محتار مابينها ومابين الشيروكي ومابين الدودج رام و اختار الدودج عشان فيها اعلى امكانيات مابين التلاتة ولما شاف الكابتيفا عند منصور رجع قال لي سيئة بالنسبة للسعر والحمدلله اشترى الدودج رام وحجزها ومستلمنها من في حدود شهر وعلامة الفور بي فور لسة اتسرقت ومش من اودام البيت ده من أودام نادي الشمس معرفش اللي سرقها هيعمل بيها إيه وإن شاء الله هاعمل عنها تقرير بعد يوم 25 يونية عشان أكون خلصت امتحانات ثانوية
المهم برده في الزيرو اللي مبالغ فيه الهيوندي i35 أنا اتوقع إن مش هيبقى عليها اقبال لإن دايما في مخنا كمصريين العربية الكوري حرام فيها أكتر من 170 ألف من بعد ال 170 ندخل على الأوروبي لحد مانوصل للمرسيدس والمرسيدس الاس كلاس هي العربية اللي لو الواحد معاه مليون و 300 ألف يشتريها أما الجاجوار والأودي والانفينيتي والاكورا والبورش والكلام ده مش بنحبه واحنا من أكتر دول العالم اللي بنشتري مرسيدس وهم فئتين السي و ال E كلاس وباقي الموديلات لأ حتى بنجيب أقل موتور ومابجنبش ال AMG والدليل شوفه أول لما الشكل الجديد للمرسيدس ال E كلاس نزل احنا تاني دولة بعد المانية نجيب القطع بتاعتها عشان تتجمع عشان الطلب عليها عالي جدا و ده مش تاليفي ده موجود على الويكيبيديا ادخله اكتبه اسم ال E كلاس وهتلاقوا إن احنا تاني بلد نجمعها
وفيه السيتروين اللي اعلى من 1600 سي سي تمنها حرام هي برة رخيصة بصوا يا جماعة سعر الكامري والاكورد والعربيات ديه غالية في مصر غصب عن التوكيل بسبب الجمارك اللي سعرها مبالغ فيه جدا الميني كوبر اس cabriolet هي في مصر مابين 425 ألف و 480 ولو واحد جبهة معاه من برة هيبقى سعرها أقل من 240 ألف أهو سعر الميني ده استهبال التوكيل مش الجمارك وياريت أشوف أراء حضرتكم في اسعار العربية الغالية بهبل


لكم مني جزيل الشكر وفائق الاحترام

[Devill Blood]

بص حضرتك ليك رأيك ولكن يجب أحترام عقول المصريين اللى حضرتك بتقول عليهم فارغة
لما أشترى بطيخة ب 5 جنية هى نفس البطيخة اللى كانت موجودة من عشر سنين ولكن سعرها جنية ولا أقل يبقى قد أتفهمت
معدل التضخم متزايد,أن سعر عربية يكون أكبر من قيمة شرائها كجديدة ده بسبب الاقتصاد
المستهلك المصرى عارف كويس اللى بيشتريه وموضوع أنى مشتريش عربية كورى اكثر من150 ده صح لانى عندى بدائل افضل مائة مرة المانى ويابانى وأمريكى وفرنسى كل حاجة واللى بيحكم المستهلك المصرى عمومع قطع الغيار

[dr_youssifomar]

thx. i agree with you

[ROMEOOO]

المشاركة الأصلية كتبت بواسطة Devill Blood بص حضرتك ليك رأيك ولكن يجب أحترام عقول المصريين اللى حضرتك بتقول عليهم فارغة لما أشترى بطيخة ب 5 جنية هى نفس البطيخة اللى كانت موجودة من عشر سنين ولكن سعرها جنية ولا أقل يبقى قد أتفهمت معدل التضخم متزايد,أن سعر عربية يكون أكبر من قيمة شرائها كجديدة ده بسبب الاقتصاد المستهلك المصرى عارف كويس اللى بيشتريه وموضوع أنى مشتريش عربية كورى اكثر من150 ده صح لانى عندى بدائل افضل مائة مرة المانى ويابانى وأمريكى وفرنسى كل حاجة واللى بيحكم المستهلك المصرى عمومع قطع الغيار

أنا مقلتش إنها فارغة أنا قلت إن احنا اقبلنا بيبقى منغير واعي والانوس معلش ماتستهلش تمنها خالص أنا معرفش ليه الناس بتحبها جدا كده مع ان أنا مش شايف فيها أي ميزة ولما واحد النهرده يشتري لانوس مستعملة ب 48 ألف يبقى حرام وأنا مقلتش عقول فارغة ما أنا مصري زيي زيك أنا قلت اقبال بدون وعي وديه حاجة عادية ومع احترامي لحضرتك العربية والاجهزة وأي حاجة فيها تكنولوجي سعرها بينزل والحاجات ديه غير السلع الضرورية اللي زي الخضار والفاكهة والكلام ده وأي عضو يقدر يشرح لحضرتك معنا كلامي ده من بديهيات التجارة والاقتصاد المفروض حضرتك تبقى عارف الكلام ده وعالافكرة أنا سني 18 سنة وفي ثانوية عامة إن شاء الله بعد لما اخلص يوم 25 في الشهر الامتحانات هاعمل تقرير عن الدودج رام

لكم مني جزيل الشكر وفائق الاحترام

[مهند سالم]

عموما يا جماعة عشان نتكلم في صلب الموضوع دائما الناس إلا بتتكلم على غلو سعر بعض السيارات في السوق المصري بتحسب الموضوع من جهة واحدة، وهو إمكانيات السيارة، وده طبعا مش مظبوط أبدا في التقييم؛ لأن السيارة مش بس إمكانيات، دي إمكانيات وتوكيل وتوفر قطع غيار، ورخص قطع غيار، واقتصادية البنزين، وسهولة الصيانة، وكون السيارة عملية أو لا ، بالنسبة لظروفنا وشوارعنا وجماركنا وتراخيصنا وغيره حاجات كثير، والحاجات الكثير دي هي إلا بتحدد قيمة العربية ككل.
يعني خلاصة الموضوع ، إن أنا في مصر ممكن أفكر في عربيات لو أنا عايش في أوربا أو الخليج مستحيل تخطر لي على بال، لكن ظروف المعيشة في مصر بتتحكم فيك في كثير من الأحيان. وشكرا للجميع