سؤال عن تركيب الانذار للفيرنا

[fahdood2010]

السلام عليكم ورحمة الله وبركاته

************************* ***********************
الساده اعضاء المنتدي الكرام - اهل الخبره في الفيرنا
************************* ***********************

انا الحمد لله استلمت عربيتي من اسبوع هي نوعها
فيرنا ستار GLS 2010 مانوال

لكن وجدت ان مفيهاش انذار والمفتاح بتاعها فيه زرار واحد بتاع السنتر بيفتح ويقفل بس وملوش صوت

المشكله اني مرة نسيت زجاح العربيه مفتوح بالليل وربنا ستر الحمد لله

انا دلوقتي عايز اركبلها انذار ويكون فيه زرار يقفل وواحد تاني يفتح علشان اللخبطه

- سؤالي تكلفته هتكون في حدود كام لو عملته في التوكيل؟
- ولو عملته بره التوكيل هتكون كام ؟ وهل هتكون فيه مشكله مع التوكيل والصيانه لو عملته بره ولا لأ ؟
- وهيتعمل ازاي بالظبط ؟ يعني هيديني رموت جديد واللي معايا دا هيتلغي ولا ايه؟

--------
- لو عايز اخلي المرايات كهرباء ؟
- و اركب فوانيس شبورة ؟
- وتغير مقاسات الكاوتش والجنوط علشان موضوع الثبات ؟ يفضل تتغير لمقاسات كام ؟
وهتكون تكلفته كام علشان اركب جنوط رياضيه ؟
الحاجات دي تكلفتهم كام ؟ بره وجوه التوكيل ؟

انا عارف انها اسئله كتير لكن انا عارف اني هلاقي كل اجاباتي هنا ان شاء الله
أسف جدا لو كنت طولت عليكم
والف شكر مقدما

المشاركة الأصلية كتبت بواسطة fahdood2010 السلام عليكم ورحمة الله وبركاته ************************* *********************** الساده اعضاء المنتدي الكرام - اهل الخبره في الفيرنا ************************* *********************** انا الحمد لله استلمت عربيتي من اسبوع هي نوعها فيرنا ستار GLS 2010 مانوال الف مبروك وربنا يديك خيرها ويكفيك شرها والفيرناويه زادو واحد كمان اهو لكن وجدت ان مفيهاش انذار والمفتاح بتاعها فيه زرار واحد بتاع السنتر بيفتح ويقفل بس وملوش صوت هوه فيها انذار بس بيشتغل مع فتح الباب بالمفتاح بدون الضغط علي زرار المفتاح المشكله اني مرة نسيت زجاح العربيه مفتوح بالليل وربنا ستر الحمد لله انا دلوقتي عايز اركبلها انذار ويكون فيه زرار يقفل وواحد تاني يفتح علشان اللخبطه مينفعش يركب انذار وانتا عندك انذار في العربية اساسا انا كنت عايز اركبه بس قالولي مينفعش يبقي معاك مفتاحين للعربية فيهم انذار ينفع للفيرنا الفاضيه بس لكن الفول اوبشن لا - سؤالي تكلفته هتكون في حدود كام لو عملته في التوكيل؟ التوكيل مبيعملش الانذار انتا بتشتريه وبتخليهم هما يركبوه بس زي ما قولتلك مينفعش لعربيتك - ولو عملته بره التوكيل هتكون كام ؟ وهل هتكون فيه مشكله مع التوكيل والصيانه لو عملته بره ولا لأ ؟ متحاولش لانه مش هينفع واوعي تخلي حد بره يشتغلك في حاجه تخص كهربة العربية علشان العربية متخرجش من الضمان - وهيتعمل ازاي بالظبط ؟ يعني هيديني رموت جديد واللي معايا دا هيتلغي ولا ايه؟ مينفعش تلغي ريموت العربية لانك هتدخل في حوار كبير جدا ملهوش اي لازمه -------- - لو عايز اخلي المرايات كهرباء ؟ ملهاش لازمه وسئلت علي تكلفتها لاقيتها هتعمل 3000 جنيه في التوكيل - و اركب فوانيس شبورة ؟ لو ركبتها ابقا قولي كلفتك قد ايه بس نصيحة اسئل في التوكيل الاول علشان متخليش حد من بره يلعبلك في الكهربا بتاعت العربية - وتغير مقاسات الكاوتش والجنوط علشان موضوع الثبات ؟ هيقولولك في التوكيل لو زودت عن 13 مقاس الجنط والكاوتش العربية هتخرج من الضمان شغل رخامه وقرف مع ان الاتوماتيك في الفيرنا نازل بمقاس 14 يفضل تتغير لمقاسات كام ؟ الافضل طبعا ال 14 ماليزي او اندونيسي وهتكون تكلفته كام علشان اركب جنوط رياضيه ؟ لو هتبدل الجنوط والكاتوش عندك بجنوط سبور وكاوتش جديد هتدخل في حسبة 1800 وانتا طالع الحاجات دي تكلفتهم كام ؟ بره وجوه التوكيل ؟ انتا عايز قد تمن الفيرنا علشان تعمل الحاجات ديه في التوكيل بره التوكيل هتلاقي اشكال وانواع والتقليد والاصلي انزل وشوف واسئل في كذا مكان علشان مينضحكش عليك انا عارف انها اسئله كتير لكن انا عارف اني هلاقي كل اجاباتي هنا ان شاء الله أسف جدا لو كنت طولت عليكم والف شكر مقدما

مبروك علي العربية وربنا يديك خيرها ويكفيك شرها واي اسئلة تانية احنا في الخدمة

[Brave Heart]

الف الف مبروك على العربيه وربنا يديك خيرها ويكفيك شرها باذن الله
فوانيس الشبوره داخل التوكيل تمنها بدون تركيب 1000 جنيه
بره التوكيل هتشترى انضف نوع ب 150 جنيه اصلى
الانذار ملوش لازمه لان فى حاله لاقدر الله وحد حاول فتح السنتر لوك بدون الريموت بتاع العربيه هيشتغل الانذار اللى فيها

[badawy66]

لو حبيت تركب حاجة برة التوكيل فية واحد في شارع دمشق اسمة عشم نوار ادام بنزينة شيل دة الوحيد الى معتمد من هيونداي وهيديك فاتورة مختومة يعترف بها في التوكيل . ممكن تركب عندة مكن رفع ازاز علشان يرفع الازاز لما تقفل العربية وتريح دماغك من موضوع الازاز دة وتمن الوحدة الواحدة 70 جنية تايواني الوحدة بترفع بابين يعني حتحتاج وحدتين بـ 140 جنية بالتركيب . بالنسبة للفوجات بتتجاب من شارع دمشق الاصلي من موزع هيونداي بـ260 جنية بس انا مركب الصيني بـ 150 واهي ماشية .المرايات الكهربة منصحكشي تركب الاصلي ممكن تجيب صيني وتركبها علشان لسة هتتخبط وهتتقشر انت عارف بقى الشوارع في مصر عاملة ازاي. واي سؤال انا في الخدمة .