محتار جدا

[القبانى]

السلام عليكم
احتاج الى سيارة تكون اعتمادية واقتصادية فى البنزين ، ارجوالافادة محتار بين آراء متعددة ناس تشكر فى 128 وناس تقول فيها عيوب الدنيا وناس تقول 127 احسن ، وآراء اخرى تقول اشترى زيرو قسط احسن من المستعمل .
معى حوالى 15000 فايهم اختار للشراء علما بأننى لم امتلك سيارة من قبل .
فى انتظار آرائكم

[mansoub504]

من رأيي المبلغ ده يجيبلك 128 موديل 85 بحاله جيدة وتقدر تسافر بيها وشكلها مقبول
لكن التقسيط متعب انا مبنصحش بيه إلا إذا هاتدفع اكثر من 70% من ثمن العربية والقسط لا يزيد عن سنه
لان بعد السنه العربية بتحتاج مصاريف ولو اماكنيات مش متيسره مش هتقدر توفق بين القسط والصيانه
لكن الكاش علي الاقل اللي هتفعه قسطه هتحافظ بنصه او ربعه علي اداء السيارة
وده رأيي الشخصية وربنا يوفقك للأختيار الافضل

[فادى]

ال128 اعتمادية لو تم العناية بها و شراء قطع غيار أصلية و من نوعية جيدة.
هى أكبر و اقوى من ال127 و أكثر راحة, ال127 فقط تم تلافى بعض العيوب الموجودة فى ال128 مثل فتحة الشاسيه.
لكن يمكن تجاوز هذه المشاكل فى ال128, فعبر العناية و الكشف على المساعدين و الحفاظ عليهم فى حالة جيدة لا يمكن أن يحدث شيئا للشاسيه.

[miroseba]

بصراحه مشفوتش واحد معاه 128 غير لما يكون تعبان حاول تجمع شويه تجيب فيات ريجاتا عربيه ممتازه وشكلها مقبول عن علبه السالمون ديه وشكرا واسف للى معاه 128

[A.Adams]

والله مش عارف اقول لحضرتك ايه ولكن مبالاش تقسيط بمبلغ صغير لانك هتتعب كتير بعربيه تقسيط بمقدم زى كده وعلشان كده خليك فى الكش المستعمل بس شوف حد من اصحابك اللى معاه 128 واساله عن عيوبها وحد معاه 127 وبرده شوف عيوبه ووازن بين عيوب الاتنين ممكن تستحمل حاجات وحاجات تانيه ممكن ما تستحملاهاش بس
وربنا يوفقك للخير دايما وييسر لك الخير اينما كان ثم يرضيك به ويبارك لك فيه.