خبر و قلة ادب !!!

[MaXx]

الخبر منقول من كونتكت ,,, و التعليق من عندي طبعاً

رصد ContactCars.com أسعار سيارات "مرسيدس" الألمانية في مصر خلال معرض "فورميلا الأهرام 2010" في محاولة لمعرفة مدى تأثر تلك الأسعار بقرار خفض الجمارك على السيارات الأوروبية، حيث تبين أن أسعار "مرسيدس" لم تتحرك. فقد بلغ سعر "مرسيدس C300 AMG" نحو 478.000 جنيه، بينما بقي سعر C250 CGI Elegance عند 398.000 جنيه. أما C250 CGI Avantgrade فبلغ سعرها خلال معرض "فورميلا الأهرام" الذي اختتمت فعالياته يوم الأحد 438.000 جنيه، وهو سعرها القديم ، كذلك بقيت "مرسيدس GLK" عند سعرها البالغ 458.000 جنيه. وخطفت سيارة "مرسيدس E Class" الكوبيه أنظار جميع زوار جناح الشركة الألمانية في المعرض ، حيث إنها تظهر لأول مرة في مصر من خلال "فورميل الأهرام 2010" ، فيما لم يُعلن السعر الرسمي للسيارة الجديدة. وكانت الجمارك المفروضة على السيارات الأوربية قد انخفضت مع بداية يناير الحالي بنسبة 10% من قيمة الجمارك البالغة 40% من قيمة السيارة ، إي الانخفاض الفعلي بلغ 4% من سعر السيارة الإجمالي.

اولا العربيات دي اكتر من 1600 سي سي و حتي اكتر من 2000 سي سي ,,

الجمرك عليها 135 % ,,, يعني التخفيض الجمركي 13.5 %

نجرب نحسب في ال GLK مثلا

458 الف x نسبة التخفيض الجمركى 13.5 % = 59 الف و فكة !!! تقريبا يعني 60 الف لو حسبنا ان ال 13.5 % اللي خصمناهم بيتحسب عليهم ضريبة مبيعات و رسم تنمية يعني المبلغ اكتر من 60 الف حنيه خصم !!!

و الوكيل ضربه في جيبه !!!

طيب لما سعر العربيات الصغيرة اللي قريب من ال 100 الف نزل 4 % ما نزلش قلنا 4000 جنيه و الوكيل ضربهم ,,, طبيعي اول سنة و مصر و الكلام الفاضي ده !!!


انما 60 الف مرة واحدة !!! + المكسب الاصلي !!!


بالذمة ده اسميه ايه ؟


المفروض نبعت نقول للشركات اللي زي مرسيدس و فورد الاوروبية و سيات و فيات و الشركات الاوروبية نقولهم ان الوكيل اللي في مصر ما نفذش الاتفاقية اللي من شأنها زيادة مبيعاته في مصر ,,,,
ptmnlo123per111

[monuir]

بالذمة ده اسميه ايه ؟
سميه زى ماتحب تسميه وانته عايز ايه لازم الحيتان تكون فى بحر من الاموال وانت لو معاك كوب من الماء لاتشربه كله ولازم ترميه فى المحيط علشان الحيتان تتحرك بحريه ولو مش عاجبك هناخد منك فلوسك بأسم الضريبه العقاريه ونديهالهم ونضحك عليك ونقولك لدعم الصناعه المحليه . وشكرا على موضوعك ولكن مين يسمعنا

[horas3000]

عندي كام ملحوظة يا باشا
ال C250 دي 1800 سي سي بس تيربو
يعني المفروض الجمارك اقل من 135%

و اصلا المرسيدس بتتجمع في مصر يعني اكيد الحسبة هتختلف

و انا مش ضدك او بدافع عنهم بالعكس انا متاكد اننا بنتسرق من التوكيلات بس حبيت اوضح بس

[atgps]

المشاركة الأصلية كتبت بواسطة MaXx الخبر منقول من كونتكت ,,, و التعليق من عندي طبعاً اولا العربيات دي اكتر من 1600 سي سي و حتي اكتر من 2000 سي سي ,, الجمرك عليها 135 % ,,, يعني التخفيض الجمركي 13.5 % نجرب نحسب في ال GLK مثلا 458 الف x نسبة التخفيض الجمركى 13.5 % = 59 الف و فكة !!! تقريبا يعني 60 الف لو حسبنا ان ال 13.5 % اللي خصمناهم بيتحسب عليهم ضريبة مبيعات و رسم تنمية يعني المبلغ اكتر من 60 الف حنيه خصم !!! و الوكيل ضربه في جيبه !!! طيب لما سعر العربيات الصغيرة اللي قريب من ال 100 الف نزل 4 % ما نزلش قلنا 4000 جنيه و الوكيل ضربهم ,,, طبيعي اول سنة و مصر و الكلام الفاضي ده !!! انما 60 الف مرة واحدة !!! + المكسب الاصلي !!! بالذمة ده اسميه ايه ؟ المفروض نبعت نقول للشركات اللي زي مرسيدس و فورد الاوروبية و سيات و فيات و الشركات الاوروبية نقولهم ان الوكيل اللي في مصر ما نفذش الاتفاقية اللي من شأنها زيادة مبيعاته في مصر ,,,, ptmnlo123per111

انت ياباشا حسبت التخفيض الجمركى من سعر البيع وليس من قيمة الجمارك
فثمن البيع = سعر السيارة فوب + النولون + الجمارك + ضريبة المبيعات + رسوم أخرى + ربح الوكيل
فهى ديه الغلطة اللى وقع فيها الكثير، فالجمارك تمثل حوالى الثلث فى حالة المرسيدس الـ GLK
وبالنسبة للسيارات الأقل من 1600 سى سى فنسبة التخفيض قليلة جدا من السعر الإجمالى من السيارة

[MaXx]

المشاركة الأصلية كتبت بواسطة horas3000 عندي كام ملحوظة يا باشا ال C250 دي 1800 سي سي بس تيربو يعني المفروض الجمارك اقل من 135% و اصلا المرسيدس بتتجمع في مصر يعني اكيد الحسبة هتختلف و انا مش ضدك او بدافع عنهم بالعكس انا متاكد اننا بنتسرق من التوكيلات بس حبيت اوضح بس

اولا شكرا علي المتابعة يا Horas ,,,

انا كنت اقصد الفئات التانية زي اللي حسبت عليها GLK,,, مش بس الاولي منهم اللي حضرتك قولت عليها
و المفروض اللي بتجتمع هنا سعرها ينزل عن اللي بتيجي من المانيا ( ولا العامل المصري بيقبض زي الالماني ؟ )

و متشكر مرة تانية علي التوضيح ...

المشاركة الأصلية كتبت بواسطة atgps انت ياباشا حسبت التخفيض الجمركى من سعر البيع وليس من قيمة الجمارك فثمن البيع = سعر السيارة فوب + النولون + الجمارك + ضريبة المبيعات + رسوم أخرى + ربح الوكيل فهى ديه الغلطة اللى وقع فيها الكثير، فالجمارك تمثل حوالى الثلث فى حالة المرسيدس الـ GLK وبالنسبة للسيارات الأقل من 1600 سى سى فنسبة التخفيض قليلة جدا من السعر الإجمالى من السيارة

معاك حق فعلا ,,, انا غفلت النقطة دي تماما ,,, علي الرغم من انك كنت قلتلي عليها قبل كده ptmnlo123per144

اسف للخطأ و نعود لنحسب من اصل سعر السيارة في الخارج ؟

بكده سعر ال GLK برا تقريبا 36 الف دولار يعني 200 الف جنيه مصري ,,, تخفيض جمركي 13.5 % ,,, يعني 26 الف جنيه تقريبا ,,, راحو فين برضو ؟