|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#1
|
|||
|
|||
محتاج نصيحة مهمة جدا جدا ارجوكم
محتاج اشترى عربية كاملة اوتوماتيك فى خلال اسبوعين وانا ماليش اى خبرة فى السيارات وبقارن بين النيوسيراتو والألنترا والياريس والصنى سوبر صالون والأوبترا ولك العربيات دى اسمع عنهم ميزات وعيوب ماعدا السيراتوا الكل بيشكر فيها وقليل اوى اوى اللى بيعيب فيها بأن العفشة ناشفة لكن الألنترا ناس بتقول ان العفشة خفيفة والثبات والأتزان ضعيف وده نفس العيب اللى سمعته عن الياريس بالأضافة الى انها ضعيفة وخفيفة والصنى الكل بيقول ان مش هى النيسان بتاعة زمان وان التقفيل المصرى سيئ جدا وبالتالى عيوبها كتير والأوبترا كتير بيتشكوا من العفشة الخشنة جدا وعلبة الدريكسيون أرجوكم افيدونى ايه احسن بديل للسيراتوا وايه افضل اختيار من حيث القوة والمتانة والثبات والتوكيل وقطع الغيار ارجوكم انا سجلت فى الموقع مخصوص علشان الاقى حد يفيدنى برأى عملى فنى ولكم جزيل الشكر
|
#2
|
رد: محتاج نصيحة مهمة جدا جدا ارجوكم
اهلا و سهلا بحضرتك
بالنسبه للاختيارات لو مش فارق معاك الحجم اوي يبقي خليك في الياريس هي افضل عربيه من حيث الاعتماديه في المجموعه المرشحه اليك و بالنسبه للالنترا و السيراتو هما العربيتين يعتبر واحد و ما قيل علي الالنترا يقال علي السيراتو.
__________________
حـازم خـضـر
|
#3
|
|||
|
|||
رد: محتاج نصيحة مهمة جدا جدا ارجوكم
اشكرك جدا على ردك بس بالنسبة للياريس وبصرف النظر عن الحجم ايه رايك فى العيوب اللى بتتقال عليها انها خفيفة جدا واتزانها وثباتها ضعيف
|
#4
|
||||
|
||||
رد: محتاج نصيحة مهمة جدا جدا ارجوكم
مين قال الياريس خفيفه
انا كان معاى ياريس 2007 زيرو عربيه اكثر من رائعه من ناحيه الثبات والاتزان والقوه والسرعه وموفره جدا جدا فى البنزين عيبها فعلا ان الصاج خفيف جدا لكن العربيه من ناحيه الثبات اتحدى اى واحد فعلا يقول انها مش ثابته ( بس يكون كان يمتلك ياريس مش كلام بيتناقل ) الاوبترا هى هى النوبيرا مع اختلافات فى الشكل وكمان العربيه بتسخن جدا فى حاله استخدام التكييف ال الانترا معروف من زمان عنها انها عدم الثبات وانها خفيفه جدا النيو سيراتو عربيه جديده ولسه ماحدش يقدر يحدد عيوبها او يعرف مشاكلها ربنا يوفقك |
#5
|
||||
|
||||
رد: محتاج نصيحة مهمة جدا جدا ارجوكم
بص يا باشا ...الى اقدر احكم عليهم عن تجربه لمده هما الاوبترا معانا من 2008 والصنى من 2007 واليارس 2008
الصنى افضلهم بصراحه بس يعيبها استهلاك البنزين عالى شويه وقطع غيارها مش رخيصه اوى ..(انا كنت جبت الفانوس الخلفى فى مره ب750 جنيه من التوكيل ومعتبتوش تانى بصراحه ) لاكن بره التوكيل قطع غيارها معقوله جدا ......اما الاوبترا لا تعليق عليها غير انها سياره الشعب فى فئتها السعريه وده مش معناه انها وحشه لا والله عربيه جميله وموفره فى البنزين جدا خصوصا على موتورها وفى السفر بالذات وواسعه من جوه وقطع غيارها تعتبر نوبيرا باستثناء القطع الخارجيه طبعا اليارس بكرها كره العما بصراحه .... مش عارف هو عقده من شكلها السي ولا من صالونها الغير مرتب بس انا مش بحبها نهائي السيراتو والالنترا واحد مع اختلاف عفشه الالنترا قليلا (انعم شويه ) بس ده على حساب الثبات لذلك ارشحلك الاوبترا لانها الفضل فى السعر ده فى الاختيارات الى انت حاططها وربنا يوفقك فى الاختيار ان شاء الله .... ومعانا هنا عتاوله المقارنات هما طبعا يفيدوك اكثر منى
__________________
E.T.S.H |
|
|