|
#1
11-03-2010, 03:20 PM
|
||||
|
||||
128 ايه رأيكم
يا جماعة انا رايح اشوف 128 موديل 76 وشكلى كده هاخدها ايه رأيكم 10ألاف جنيه ودى أول عربية ليا اتعلم عليها وعايز ابيعها على شهر 6 وأجيب حاجة نضيفة رأيكم ايه هتخسر معايا لمل أجى ابيعها وللا ايه مستنى ردودكم
|
|
#2
11-03-2010, 05:22 PM
|
||||
|
||||
رد: 128 ايه رأيكم
عشان في ناس بتعمل بالمبدء ده وتجيب عربية تتعلم عليها السواقة وتكون عربية رخيصة ومعلش في الكلمه (العربية بتعلمهم الأدب) بتبقي خربانه من كل حاجه ماتور وعفشة وصاج وكل ما يمشي بيها شويه تعطل بيه وتقل باصلها في كل حته فمعلش نصيحة اخ هات حاجه كويسه وحالتها كويسه للتعليم وبعدين انا مش بقول علي ال128 انها وحشه ولا العربية اللي انت رايح تشوفها ديه وحشه عشان ما شوفتهاش بس يعني متتغاضاش عن حاجه في العربية وتقول مش مشكله اصلي هتعلم عليها هي موديل 76 حلو عليها 10000 وتكون حالتها كويسه والـ 128 لو بتموت بتتشد تاني وتبقي عروسه بس لو العربية ديه عاوز تتأكد انها مية مية 1- خلي سمكري يبص علي اساسيتها وان الحوض سليم والشاسيه مش قافل ولا فاتح ومافيش بارومه من العربية من تحت والابواب بتقفل وتفتح كويس ومش بتلوق لفوق ولتحت 2- روح لبتاع زواية واضبط زوايا العربية ولو فيها اي حاجه زوايا العربية مش هتتظبط 3- شوف العربية بتدخن ولا لأ 4- حط قيدك علي الشكمان واكتمه وشوف هيزقك جامد ولا لأ 5- شوف ايدك من الشكمان في رزاز الشكمان بيرميه علي ايدك ولا لأ 6- هات كرت تليفون (كارت شحن) وحطه علي الشكمان وخلي الشكمان يهز الكرت يطلع صوت واسمع الصوط ده متقطع ولا ومتصل عشان لو متقطع يبقي العربية ديه ملغبطة او ماشة علي 3 بس 7- بص علي الزيت شوفو عامل طحينة ولا لأ 8- بس علي المياة اللي في الريداتير مزيته ولا لأ 9- ولو عاوز تتأكد خلي ميكانيكي يبصلك علي العربية وشوف الماتور سليم ولا لأ ويحل بوجيه ويشوفو معرق زيت ولا لأ اصل معليش ديه فلوس وحرام ترميها علي الأرض بحجه انك هاتتعلم السواقة في العربية علي الأقل انك كل ها يبوظ منك وانت بتتعلم ديسك واسطوانه وتيل فرامل في الست شهور دول ولقدر الله حكه بسيطه ولا خربوش في الصاج وده ميعيبش العربية في بيعها بعد كده ومتبقاش رميت فلوسك في الأرض وربنا يوفقك ويلهمك الاختيار الصحيح
__________________
إن الملوك بلاء حيثمـا حلـوا فلا يكن لك في أبوابهـم ظـل ماذا تؤمل من قوم ٍ إذا غضبوا جاروا عليك وإن أرضيتهم ملوا فاستغن بالله عن أبوابهم كرمـاً إن الوقوف علـى أبوابهـم ذل مصرى وأفتخر  وبحبك يا مصر
|
|
#3
11-03-2010, 09:03 PM
|
||||
|
||||
|
رد: 128 ايه رأيكم
كلامك مظبوطptmnlo123per171
|
|
#4
12-03-2010, 01:53 AM
|
||||
|
||||
رد: 128 ايه رأيكم
ربنا يكرمك زى ما فدتنى بس رأيك أول ما اجبها اظبط فيها حاجة ولا مش مستاهله
|
|
#5
12-03-2010, 03:04 PM
|
|||
|
|||
|
رد: 128 ايه رأيكم
اولا مبروك مقدما
ثانيا  زى ما قالك الاخ قبل كده لازم تاخد حد معاكبيعرف وتكون شغلته ميكانيكى او سمكرى لان فى بعض الفنيات ممكن تعدى عليك وبالنسبة للمبلغ ده حسب الحالة ممكن يزيد لان الاسعار غالية شوية بلا داعى انا لسه شارى عربية موديل 79 بــ 13500 ومرضيش ينزل منها تعريفة بس الصراحة العربية ممتازة سواء حوض او قوايم والسمكرة والدوكو ممتازة انا صرفت عليها 1300 بالظبط ورجعت زى ما كانت عموما شوف وبلغنا بالنتيجة وربنا معاك
|
 |
|
|
