لوجان ولا افيو ولا اكسنت

[midotefa]

انا بجد خلاص قربت اجنن مش عارف اجيب انهي عربيه كل ما اقول لحد على عربيه يقولي دي فيها و فيها وكده اللوجان مثلا عشان 8 صباب بس و بصراحه معرفش الافيو والاكسنت ايه نظا مهم في الحكايه دي الافيو كل شويه واحد يقولي على عيب فيها وكذلك الاكسنت فبجد يا جماعه عايز مساعدتكم وشكرا

[POP EL GAMED]

المشاركة الأصلية كتبت بواسطة midotefa انا بجد خلاص قربت اجنن مش عارف اجيب انهي عربيه كل ما اقول لحد على عربيه يقولي دي فيها و فيها وكده اللوجان مثلا عشان 8 صباب بس و بصراحه معرفش الافيو والاكسنت ايه نظا مهم في الحكايه دي الافيو كل شويه واحد يقولي على عيب فيها وكذلك الاكسنت فبجد يا جماعه عايز مساعدتكم وشكرا

باشا اللوجان مش فئه الافيو ولا الاكسنت
اللوجان فئه الفيرنا واللانوس
عايز تقارن قارن السيمبول بالافيو والاكسنت
بس اللوجان بالنسبه لفئتها السعريه عربيه محترمه جدا وتعتبر صفقه رابحه

[midotefa]

المشاركة الأصلية كتبت بواسطة POP EL GAMED باشا اللوجان مش فئه الافيو ولا الاكسنت اللوجان فئه الفيرنا واللانوس عايز تقارن قارن السيمبول بالافيو والاكسنت بس اللوجان بالنسبه لفئتها السعريه عربيه محترمه جدا وتعتبر صفقه رابحه

الف شكر يا معم بس كنت عايزك تفديني في موضوع ال 8 صباب ده وهل ده عيب ولا لا

[POP EL GAMED]

المشاركة الأصلية كتبت بواسطة midotefa الف شكر يا معم بس كنت عايزك تفديني في موضوع ال 8 صباب ده وهل ده عيب ولا لا

بالنسبه لموضوع ال8 صباب ده مش عيب لانه موفر فى البنزين عن ال16 ده طبعا جوه البلد
لكن فايده ال16 صباب الكبرى هى ان العزم والسحب مبيضعفش على السرعات العاليه اللى هى بتتحس فوق ال130 مثلا
معتقدش اننا كمصريين طرقنا تسمحلنا بتقفيل العداد احنا كلنا بنجرى بس اخرنا بيكون 140 ولا 150 ده وقت الجرى وبالنسبه للوجان هى بتوصل مستريحه 160 ده حسب كلام واحد ثقه وتجربتى ليها وصلت بيها اخرى ل120 وكانت تجيب تانى كتير انما كانت لسه جديده وكانت بتاعت والد صاحبى(اللى انا بتكلم عليه) وطبعا انت عارف عربيه جديده الواحد مبيجيلوش قلب يحس انه بيقسى عليها فلوسها لسه مبردتش
وموضوع ال8 صباب ده عادى وموجود فى عربيات كتير على سبيل المثال وليس التحديد اللانوس
وموتورها كويس وسحبها مقبول
مع مراعاه ان اللوجان اعلى فى عدد الاحصنه من اللانوس فده طبعا هيريح فى السحب اكتر بس لازم نتفق انها مش هتكون فى قدره الفيرنا فى السحب
يبقى بما ان حضرتك بتسأل فى رينج اللوجان يبقى المفاضله بين اللوجان والفيرنا
لو ليك فى الجرى والجرى اهم حاجه بالنسبه ليك يبقى توكل على الله وتجيب فيرنا
انما لو تفضل السحب المعتدل وثبات عالى يبقى خليك فى اللوجان
ارجو انى اكون قدرت افيد حضرتك
ولو تحب تدخل الافيو والنيو اكسنت فى المقارنه يبقى نخرج اللوجان من المقارنه برضه وندخل مكانها السيمبول
تحياتى يا باشاptmnlo123per122

[midotefa]

المشاركة الأصلية كتبت بواسطة POP EL GAMED بالنسبه لموضوع ال8 صباب ده مش عيب لانه موفر فى البنزين عن ال16 ده طبعا جوه البلد لكن فايده ال16 صباب الكبرى هى ان العزم والسحب مبيضعفش على السرعات العاليه اللى هى بتتحس فوق ال130 مثلا معتقدش اننا كمصريين طرقنا تسمحلنا بتقفيل العداد احنا كلنا بنجرى بس اخرنا بيكون 140 ولا 150 ده وقت الجرى وبالنسبه للوجان هى بتوصل مستريحه 160 ده حسب كلام واحد ثقه وتجربتى ليها وصلت بيها اخرى ل120 وكانت تجيب تانى كتير انما كانت لسه جديده وكانت بتاعت والد صاحبى(اللى انا بتكلم عليه) وطبعا انت عارف عربيه جديده الواحد مبيجيلوش قلب يحس انه بيقسى عليها فلوسها لسه مبردتش وموضوع ال8 صباب ده عادى وموجود فى عربيات كتير على سبيل المثال وليس التحديد اللانوس وموتورها كويس وسحبها مقبول مع مراعاه ان اللوجان اعلى فى عدد الاحصنه من اللانوس فده طبعا هيريح فى السحب اكتر بس لازم نتفق انها مش هتكون فى قدره الفيرنا فى السحب يبقى بما ان حضرتك بتسأل فى رينج اللوجان يبقى المفاضله بين اللوجان والفيرنا لو ليك فى الجرى والجرى اهم حاجه بالنسبه ليك يبقى توكل على الله وتجيب فيرنا انما لو تفضل السحب المعتدل وثبات عالى يبقى خليك فى اللوجان ارجو انى اكون قدرت افيد حضرتك ولو تحب تدخل الافيو والنيو اكسنت فى المقارنه يبقى نخرج اللوجان من المقارنه برضه وندخل مكانها السيمبول تحياتى يا باشاptmnlo123per122

بجد والله تسلم يا كبير انا كانت مشكلتي ال 8 صباب وبما اني مش خبير اوي في العربيات فانا فاكرها عيب في العربيه كبير جدا بس بعد توضيحك افتكر ان ده حاجه كويسه جوه البلد الف شكر ياباشا وانا مش من هواه السرعه فاشكلي ان شاء الله حنوي على اللوجان تسلم يا كبير