عن شراء السيارات

[a7lahamada]

هل الواحد يجيب عربية غالية علشان ماركة معروفة وامكانبتها نص نص زي الهيونداي او التويوتا او الشيفورلية وتقعد معاة 5 او 6 سنين ويبعها بعد كدة ولا يشتري حاجة صيني زي الاسبيرانزا والبرليانس وغيرها من الصيني ويقعد معاة 3 او 4 سنين ويقولوا شكرااااااااااااااااا ويبعها بخسارة تقريباا 40% من تمنها ما رايكم

[ابراهيم داود]

انا خبرتى بسيطه جدا لاكن اسمع دائما عن اليابانى والكورى الصينى لسه نزله مصر جديد وصحيح سمعت ان فيها كمليات خياليه بس اكيد اضحى بالكمليات وانظر للمعروف والى الناس مجرباه من سنين
واكيد فيه اعضاء هتفيدك كويس فى هذا الموضوع
ربنا يوفقك

[AbOnOrA]

بصراحة يا حمادة مش فاهم بالظبط قصدك ايه

ممكن تقولنا عربيتين نقارن بينهم مباشره ؟

[a7lahamada]

يعني انا قصدي اني مثلا اروح اشتري سيارة اسبيرانزا زي m11 وادفع 75 الف وفيها كل الامكانيات الي اي حد يتمناها في عربية من زجاج كهرباء ومرايات وسنتر وريموت وسي دي وجنوط وخلافة ولا اروح اجيب حاجة زي الهيونداي اكسنت بنفس السعر واغلي الفين ومش فيها زي الاسبيرانزا

[حازم شاهين]

السؤال ده واقعى و لا إفتراضى ؟
و لا للتعرف على أفكار الناس ؟

أصل أنا شايف إن مشارركات حضرتك بتحذر لناس من الصينى عموما يعنى
حضرتك مكون فكرة و عندك وجهة نظر

و لا أنا غلطان ؟