تغيير موتور جيلى 2004

[khalid2004]

انا عندى جيلى 2004 1000 سى سى
و بصراحة و للامانة عربية تحفة و ما اشتكيت منها لحد فترة قريبة لما الموتور خف و بدأ يظهر مشاكله
الفيتيش عندى على شمال الموتور
انا عايز اغير الموتور بموتور سوزوكى سويفت او ماروتى 1300 او اكسل 1300
الحوض عندى واسع جدا و شبه الحوض فى اكسل او سوزوكى سويفت
افيدونى هل التغيير ينفع و هل التعديلات فى القواعد و الكبالن هتنفع و لا هتأثر و تسبب مشاكل
و لو سمحتم عايز اسعار ماكينة سوزوكى كاملة بالفيتيس بكل مشتملاتها سواء سويفت او ماروتى ايهما ينفع
او سعر ماكينة اكسل 1300 كاملة
اسف انى اطلت على حضراتكم و ارجو الرد تفصيليا عشان ابدا الخطوات

[Hisham.Elgazzar]

كوروللا او تيرسيل بيمشى عليها وموجود ف الحرفيين
مستر أسترا عاوزين رأيك لو سمحت

[khalid2004]

المشاركة الأصلية كتبت بواسطة Hisham.Elgazzar كوروللا او تيرسيل بيمشى عليها وموجود ف الحرفيين مستر أسترا عاوزين رأيك لو سمحت

***********
اشكرك استاذ هشام على سرعة الرد
لكن هل الكورولا او تيرسيل نفس قواعد موتور الجيلى ؟ و لا فيه اختلاف يحتاج لتعديل ؟
من فضل حضرتك لو عندك معلومة عن ماكينة الكورولا او التيرسيل كاملة يا ريت توافينى
مع العلم حضرتك ان 3 ميكانيكى عندى اجمعوا على اما اكسل 1300 او سوزوكى سويفت او هوندا دا حسب الترتيب اللى هما قالوه
ارجو الافاده لأنى تحيرت كدا بصراحة و شكرا لك

[khalid2004]

حد يرد عليا يا جماعة من فضلكم

[mr_astra]

اشكرك صديقى العزيز استاذ هشام على ثقتك الغالية
لكن احب اوضح بس حاجة صغيرة
مواتير التيرسيل او الكورولا بتركب على عربيات الجيلى بس مش الفروتة ... بتركب على العربيات الـ CK
عربية الاخ اللى بيسال راكب عليها موتور ديهاتسو شاريد 3 سلندر
و بيركب عليها موتور السويفت بدون اى تعديل سوى فى اكس كوبلن بيتقصر شوية