مشكلة الشرقان في الفيات 128

[wael elsayed]

يا جماعه السلام عليكم ورحمة الله وبركاته

انا عربيتي فيات 128 ، وكانت بتدور وتمام التمام وفجأ كلت مطب محترم و بطلت وجيت ادور واطلع مرضيتش تدور حتي ابدا لحد مزقناها ودارت ومشيت وبعد كده سبتها يومين مدورتهاش لانشغالي وجيت ادورها امبارح برضه مرضيتش تدور لحد متزقت ، قولت اسيبها دايره لحد متسخن
ن وفعلا سبتها فترة كبيرة دايرة وجيت اطلع طلعت وبعدين وقفت لقيتها بطلت ومرضيتش تدور تاني ،

فأيه المشكلة ؟ افيدوني افادكم الله .. وجزاكم الله خيرا

[ahmed_eng2001]

حضرتك ليه حكمت ان ده شرقان ؟؟!!
الشرقان ليه ظواهر .... زى انك تشم رائحة بنزين لما العربية تطفى منك ... العربية ممكن تدور ... و بعد كدة تطفى ... و دورانها لغاية لما سخنت يبعد المشكلة قليلا عن الكربراتير
اعتقد و الله اعلم ... المشكلة مش من شرقان الكربراتير...احتمال فيه مشكلة فى الكهرباء

ان شاء الله حد يفيدنا اكتر

[فادى]

طالما ان العربية بتدور بالزق, فالمحرك و دورة الحقن و الطرمبة سليمة,
لأن الزق و الرمى هو محاكاة لعمل المارش.
فالمشكلة اذن تنحصر اما فى المارش او البطارية أو ممكن بكة السلانسيه طالما العربية بتبطل منك,
و ببساطة,
اذا حدث عند التدوير انوار التابلوه بتلعب او بتضعف, يبقى غالبا دى مشكلة بطارية, غالبا ربع ضارب او القطاش عليه املاح.
اذا كنت مبتسمعش صوت المارش لكن الانوار مضاءة بشكل جيد, يبقى غالبا المشكلة فى المارش.
مشكلة التبطيل بتبقى غالبا بسبب انسداد بكة السلانسيه, و اعراضها انك هتلاقى العربية بتبطل لما تسيب البنزين, و دى حلها بسيط لا يتعدى فك بكة السلانسيه و النفخ فيها.