محتاج مساعدة بأسرع وقت يا شباب من فضلكم

[أبو ريتال]

السلام عليكم ورحمة الله وبركاته،

أسعد الله صباحكم جميعا وأتمنى ان يكون الجميع بخير

ندخل فى الموضوع: أنا محتاج عربية تكون مناسبة لعائلة صغيره يعنى مثلا أنا وزوجتى وطفلين إن شاء الله، تناسبنا فى الخروج مشاوير داخلية، بدلا من زحمة المواصلات إلخ.. وتكون مناسبة للسفر لمحافظات أخرى 4-5 مرات شهريا مثلا.

حدودى المالية تتراوح بين 80 - 100 ألف جنية ، وعايز أدفع مقدم 25 - 30 ألف جنية، والقسط فى حدود 1500-1800 جنية شهرى.

إهتماماتى فى العربية تكون شيك وأكيد متكونش ضعيفة، ويكون قطع غيارها متوفر بسهولة.. ومتفرقش معايا مانيوال او اتوماتيك.. متكونش صغيره اوى ولا كبيرة اوى.

يا ترى مين يقدر يفيدنى فى الموضوع ؟ يقترح النوع المناسب + طريقة الحصول عليها مثلا لو أمكن .

شاكر ومقدر لكم جميعا مقدما.