ميسوبيشى لانسر خفيفة على الطريق واتسيبتت لى فى حادثة موت

[غيرك مفيش]

حدث اننى كنت على الدائرى وتفاديت واحد وانا مش علي سرعه فحدث ان السيارة عومت يمين وشمال فى لحظة ودخلت فى الرصيف اللى فى نصف الدائرى وانقلبت بى مرتين

برجاء الرد علية اية اللى حصل ليحدث ان السيارة تنقلب

[m.e.y]

اولا حمدلله ع سلامتك والمهم الصحة

ثانيا هى ممكن تكون عومت عشان انت فرملت جامد وانت بتفادى اللى قدامك

الحوار ده حصل مع واحد زميلى كان ماشى على سرعه 50 بس كان معاه شاهين

وكان بيفادى عربية قدامه والعربية عومت معاه وطلعت ع الرصيف

[غيرك مفيش]

الله يسلمك
انا طول عمرى بفادى عربيات بس تروح يمين وشمال كده وانقلب بيها

[احمد على 1999]

قدر الله و ما شاء فعل
الحوادث فيها ترليونات المتغيرات
تخيل بورش كاريرا سايقها محترف و جنبه بول ووكر بطل فاست اند فريوس يموتوا محروقين بسبب العربية لبست بجنبها فى شجرة !!!
المكتوب

نسيت اقولك
كل العربيات خفيفة على الطريق

[borio1704]

حمدالله على السلامة... أهم حاجة إنك بخير

بالنسبة لموضوع الثبات على الطريق فده فيه لبس لناس كتير في مصر... ومش معنى إن العربية سمعتها كويسة في الثبات يبقى عمرها ما هتقلب.... بالعكس... كل شيء ممكن يحصل لو توفرت الظروف المناسبة.

أهم حاجة لازم تعرفها إن سرعة العربية عامل مهم جدا.. وكمان توزيع الوزن داخلها بالإضافة لاتجاه الوزن لحظة الاصطدام... بالإضافة إلى درجة ميلها وزاوية دخول العوائق فيها... وما تنساش كمان حالة الإطارات وزاوية ميل العجلات في لحظة الاصطدام.


لو عايز تفهم أكتر عن ثبات العربيات... ادخل على الموضوع ده
عربية تقيلة ولا خفيفة؟؟؟ طبعا الخفيفة أحسن

بس حاول تقراه لحد الآخر... لإن المشاركات مش كلها ورا بعض.



...