|
#1
22-01-2014, 12:28 AM
|
|||
|
|||
ضبط كربراتير سوزوكى سويفت
سيارتى سوزوكى سويفت وللأسف قمت بتنظيف الكربراتير وفكيت البكات بتاعه الهواء والبنزين لتنظيفه ومن ساعتها الموتور يترجرج ولما أزود سرعه الموتور الموتور لا يترجج بس السحب زى الزفت السرعه لا تزيد عن 80 والسلنسيه سريع وصوت الموتور عالى وإستهلاك البنزين زاد يعنى العربيه من الآخر بقت مقرفه قوى
مع العلم انى مغير فلتر البنزين ونظفت فلتر الهواء ونظفت البوجيهات ولأنى مبتدأ ومش عندى خبره بالسيارات أرجو موافاتى بشرح تفصيلى مكتوب أو بالصورأو الفيديو بكيفيه ضبط كربراتير السوزكى سويفت مع توضيح أماكن البكات بشئ من التفصيل والشرح 
|
|
#2
22-01-2014, 03:10 AM
|
|||
|
|||
|
رد: ضبط كربراتير سوزوكى سويفت
بص يا باشا
للأسف الشديد و لفترة ليست بالقليلة, بجد موضوع الكربراتير ده حاسس إنه عامل زى سر الصندوق الإسود الكلام فيه مش محدد و كل واحد يقولك الضبط حسب الحالة, يعنى من الآخر كله بيجرب و الميكانيكى بيجرب, طيب ما إحنا أولى إننا نجرب عالأقل نتعلم كل ما حد من الإعضاء (سواء هنا أو فى منتديات أخرى) يدخل و يقول بأفهم فى الكربراتير من أول سؤال تلاقية إختفى و بطل يدخل معرفش ليه المهم, أنا معرفش كربراتير السويفت نوعة إيه بس المفترض إنك مبدئياً تكون عارف فين مسمار الهوا و البنزين و لو عندك خلاط إقفل كل المسامير إللى عندك للآخر إفتح الهوا 3 لفات (اللفه دايرة كاملة 360 درجة بمفك عادة سنه رفيع ) إفتح البنزين لفه و نص لو كنت فتحت الكربراتير من جوه لازم تتأكد إنك حطيت الجوان و قفلت حلو علشان لو فيه تسريب هو عمرة مهيتضبط و هيفضل يخلى الموتور يترعش (تتأكد من إن مفيش تسريب هوا من خلال تجربة بسيطة: شغل العربية و إقفل مسمار الهوا للآخر, لو فضلت شغاله يبقى بتسحب هوا من حتة تانية, المفروض إنها تبطل) و ربنا يوفقك و حد يفيدك أكتر منى
__________________
|
|
#3
22-01-2014, 08:49 AM
|
|||
|
|||
|
رد: ضبط كربراتير سوزوكى سويفت
أشكرك على الإهتمام والرد
أنا فعلاً بسمع صوت هسسسسسسس مع الموتور ومش عارف صوت الهوا جاى منين بالضبط أنا هجرب ضبط مسماير الهوا والبنزين زى ما قلت وأرد عليك وأرجو مزيد من مشاركه الأعضاء وخصوصا اللى عندهم سوزوكى سويفت وشكراً
|
|
#4
22-01-2014, 10:05 AM
|
||||
|
||||
رد: ضبط كربراتير سوزوكى سويفت
بس الكربراتير فيه مشكلة صغيرة .... ممكن كاربراتير يكون ليه شواهد فى عطل معين ... كاربراتير تانى يكونله شواهد مختلفة لنفس العطل .. و ساعات كمان ممكن يكونوا نفس ماركة الكاربراتير كلام حضرتك عن التاكد من تنفيس الكاربراتير جميل جدا ... عدم ضبط نسبة الهواء يخلى العربية تبرجل متابع معاكوا
__________________
|
|
#5
22-01-2014, 09:53 PM
|
|||
|
|||
|
رد: ضبط كربراتير سوزوكى سويفت
أكتشفت ان أحد الخراطيم مش راكب ماكنه وقمت بتركيبه وصوت الهسسسسسسسس راح وحاولت أظبط مسمار الهواء والبنزين لكن السياره مازالت مش مظبوطه
أرجو المزيد من مشاركات الاعضاء لضبط كربراتير السوزكى سويفت
|
 |
|
|
