|
#1
23-12-2013, 03:20 PM
|
||||
|
||||
بعض أستفسارات من خبراء السيارة الشعبية الاولي في مصر 128
مساء الخير شباب
بقالي فترة بصراحة متابعكم في صمت حتي مسجلتش هنا في المنتدي و فضلت أني اتابع بصمت معاكم كلامكم و ارائكم و ردودكم لكن بصراحة كل شئ كان مشجع أني اسجل هنا و اشارك معاكم و استفسر منكم و اسألكم و أسف للمقدمة الطويلة الموضوع انا عندي عربية 128 موديل 77 عندي شوية مشاكل فيها و أتمني اني استفاد بخبرتكم هنا اول حاجة حدث ولا حرج أن الموتور خفيف  و للأسف بتطلع دخان أبيض من الشكمان و كمان من الموتور قدام و منظري ف الشارع مش ولابد  طبعاً ناس تقولي طقم شمبر و ناس تقولي عمرة و ناس تقولي سقط موتور إستيراد 1100 cc وناس تقولي سقط موتور 1300 cc و ناس تقولي سيبها لحد ما تجيب أجلها و غير و كلام كتير وانا بصراحة ف الميكانيكا ابيض يا ورد عشان مكدبش عليكم ده بالنسبة مشكلة الموتور أتمني أفضل الحلول و أرخص الاسعار عشان انا مشطب اووي بصراحة المشكلة التانية الفتيس بالبلدي بيعض في الغيار الثاني و كنت شوفت هنا موضوع ان ابطل العربية و انقل غيارات عشان اقرر هي زيت ولا دبرياج و بطلت العربية و عملت غيارات ناعمة و انسيابية مفيهاش مشاكل لكن لما بكون علي طريق و اجيب من التاني للتالت بيعض  المشكلة التالتة العربية بتكركر مني علي مطبات و لازم ازود بنزين عشان متبطلش مني بس كركرة خنيقة شوية و امبارح العربية فاجأة لقيتها مش عايزة تسحب نهااااااااااااائي ماشية زي السلحفاه و النهاردة ماشاء الله عليها بتجري مفيهاش حاجة ناس تقولي بنزين وانا اصلاً حاطط بنزين 92 لأن مفيش بنزين 80 ولا 90 ف السوق مع العلم اني من القاهرة و اكيد المشكلة دي ناس كتير زيي بتواجهها وناس تقولي طقم كهرباء بوجيهات و ابلاتين و كوندنسر أنتظر ردود الخبراء و العباقرة و أسف اني من اول توبيك ليا رغيت كتير جداً 
|
|
#2
24-12-2013, 03:00 PM
|
||||
|
||||
رد: بعض أستفسارات من خبراء السيارة الشعبية الاولي في مصر 128
ايه يا جماعة محدش معبرني ليه
|
|
#3
25-12-2013, 06:38 AM
|
||||
|
||||
رد: بعض أستفسارات من خبراء السيارة الشعبية الاولي في مصر 128
ثانيا ناسف للتأخر فى الرد ( انا ساعات يبقى عندى مشكلة و بيجيلى الرد متأخر ههههههههههه ) ارخص حاجة و لو حتمشى بالماتور كدا لغاية لما ربنا يفرجها ........ جرب حط زيت شمبر stp هل فى صوت تخبيط تروس و انت بتجيب من التانى للتالت ؟ و لا بيعض و خلاص ؟ بس مبدئيا اتطمن على مستوى الزيت و رجلاش الدبرياج بعدين انت جربت تنقل و العربية مبطلة ........ جرب انقل و العربية دايرة و انت واقف حكاية الكركرة و تغير اداء العربية جرب اكشف على الكهربا و الكارباتير و ان شاء الله حد خبرة اكتر يفيدك
__________________
سبحانك لا علم لنا الا ما علمتنا
|
|
#4
25-12-2013, 05:14 PM
|
||||
|
||||
رد: بعض أستفسارات من خبراء السيارة الشعبية الاولي في مصر 128
تسلم يا ابو حميد ع ردك
|
|
#5
25-12-2013, 11:27 PM
|
||||
|
||||
رد: بعض أستفسارات من خبراء السيارة الشعبية الاولي في مصر 128
بص يا باشا ........... زيت الشمبر دا بيتباع فى البنزينات او عند محلات الاكسسوار بيبقى عبوة ماركة stp صناعة امريكى بيساعد على تقليل هروب الزيت من حولين الشنبر و حيقلل الدخان طريقة استخدامة حتحطه على الزيت من فتحة ملىء الزيت و افضل حاجة مع غيار الزيت و الماتور دافى
__________________
سبحانك لا علم لنا الا ما علمتنا
|
 |
|
|
