الكوبلن ملص

[mk2005]

السلام عليكم
الاعضاء الاعزاء عندي مشكلة في فيات 128 خت مطب وانا بلف كنت كاسر العجل علي الاخر وخت المطب سمعت صوت ترزيع في العربية والعربية مبتمشيش بترزع كان حاجة بتتكسر جوه ركنتها وامري لي الله وجه الميكانيكي وفك الفرده الشمال وقالي الكوبلن ملص و الصليبه هيا السبب وغيرتها واشتغلت العربية تمام روحت كزا مشوار والعربية زي الفل وركنتها في نفس اليوم بليل رحعت دورت العربيه وطالع سمعت صوت الترزيع تاااااني لا اخدت مطب ولا حاجة انا كنت راكن ارجو المساعدة ممكن تبقي المشكلة من ايه الصليبه الي جبتها مضروبة ولا في مشكلة في الكابلن ولا ممكن تبقي من ايه
وشكرا مقدما

[ramy safwt]

المشاركة الأصلية كتبت بواسطة mk2005 السلام عليكم الاعضاء الاعزاء عندي مشكلة في فيات 128 خت مطب وانا بلف كنت كاسر العجل علي الاخر وخت المطب سمعت صوت ترزيع في العربية والعربية مبتمشيش بترزع كان حاجة بتتكسر جوه ركنتها وامري لي الله وجه الميكانيكي وفك الفرده الشمال وقالي الكوبلن ملص و الصليبه هيا السبب وغيرتها واشتغلت العربية تمام روحت كزا مشوار والعربية زي الفل وركنتها في نفس اليوم بليل رحعت دورت العربيه وطالع سمعت صوت الترزيع تاااااني لا اخدت مطب ولا حاجة انا كنت راكن ارجو المساعدة ممكن تبقي المشكلة من ايه الصليبه الي جبتها مضروبة ولا في مشكلة في الكابلن ولا ممكن تبقي من ايه وشكرا مقدما

انت كوبلن داخلى ولا خارجى لو خارجى انا عندى كوبلن خارجى كنت خارطه ينفع ل 1400 كان راكب هو و الكوبلن التانى بتاع العربية و اتعرضت لحادث فأتكسر الكوبلن التانى و الاكس و الداخلى و فضل المخروط ده سليم

اعتبره هدية العيد انا كنت هسيبه للميكانيكى للى يحتاجه بس خوفت لا يبيعه على انه جديد و يلبس الزباين

و يا ريت لو توضح الصوت بتسمعه على الطوالى ولا على الدورانات بس ؟


و لو تقدر تسجل الصوت بموبايلك و ترفعه على اليوتيوب او الساوند كلاود كصوت بس ماشى عشان الناس تقدر تساعدك اكتر

عيد سعيد

[محمد صالح - المحامى]

للاسف . قطع غيار العربيات فى مصر . اصبحت كارثة تهدد البلد .
وبالذات قطع الغيار للسيارات الشعبية ذى ال128 والفيات والهيونداى .
كل الى فى السوق رخيص ونوعه ردئ . رغم ان ممكن يكون افضل من كدا وبنفس التمن بس جشع التجار فى مصر وعدم الرقابة من المسئولين هما السبب

[zing0]

المشكله مش فى الجشع أد ما هو أستهتار بحياة الناس
يعنى صندوق حديد فيه روح بشر (او عدة أرواح) ممكن يموتوا فى لحظة بسبب قطع غيار مضروبة أو صنايعى معندوش ضمير كسل يربط مسمار مهم
سترك يا رب

[mk2005]

Ramy Safwat اخبارك ايه يا رامي يا رب تكون بخير كل سنة وانت طيب يا صديقي
مش عارف والله يا رامي الكوبلن الخارجي ولا الداخلي بس متهايلي الخارجي هاكلم الميكانيكي اساله
والصوت بيبقا علي طول يعني لو طلعت بالعربية مبتطلعش وبيتسمع صوت الرزع كان الكوبلن بيلف بيتكسر
شكرا لكم محمد صالح - المحامى - zing0 انا جيبت انضف حاجة الموجوده عند البياع وللاسف انا من السويس فا هما 3 او 4 محلات الي بيبييعوا قطع الغيار وخت الصليبه بي 40 جنيه لو في ماكن ممكن اجيب منه قطعت غيار اصلية او كويسه يا ريت تقولي اجيبه منين شكرا لمروركم