skoda yeti 2014

[ibrahim is]

ده التقرير عن تجربتى من سكودا يتى :
- العربية اصغر من الاوكتافيا فى الطول بنص متر و اعرض منها ب 20 سم
- العربية عفشتها ناشفة و ده بسبب ان الجنط 17 بس جميلة مفيش تزييق و لا تحس بتخبيط ولا اى حاجة و مهما كان التقل فى العربية و عدد اللى راكبين فى العربية سواء فى الكنبة او الشنطة العربية مبتنزلش
- تسارع العربية بصراحة جميل اوى يعنى بتجيب ال100 فى 10.41 ثانية غير كمان انى عرفت من التوكيل انه بعد صيانة 10000 اداء العربية بيبقى اقوى من كده
يعنى السيراتو و الكورولا و الفيرنا كانوا بيسبقوا الاوكتافي دلوقتى حد من التلاتة دول لو شافونى بس يبقى يحمدوا ربنا
- العربية طبعا مصفحة من تحت
- تكييف العربية ممتاز جدا جدا
- الثبات بتاعها ممتاز ممتاز ممتاز اوى
- الفرامل بتاعتها حدث ولا حرج بتبقى صخرة على الارض
تقييمى للعربية من ناحية الشكل و الطول يعنى اديها 7 من 10
تقييمى للعربية من ناحية الاداء 10 من 10
و منتظر تعليقاتكم يمكن تفيدونى باكتر من كده

[محمد فيصل]

بسم الله ما شاء الله
بارك الله لك فى سيارتك وحفظك الرحمن من شرور الطريق
اخبار معدلات استهلاك البنزين والاداء مع بنزين 92 وإستجابة الجيربوكس

[ibrahim is]

والله يا هندسة
- ادائها مع 92 ممتاز جدا
يعنى مكتوب انها تجيب 100 فى 10.5 انا جبتها فى 10.41 مع العلم مكنتش قافل زرار asr زائد العربية لسة عاملة 3600 يعنى بعد صيانة 10000 ادائها هيزيد
- بالنسبة للاستهلاك البنزين بصراحة عالى اوكتافيا 2014 استهلاكها اقل من اليتى فقالولى ف التوكيل برضو بعد صيانة 10000 استهلاكها هيقل
- الفتيس لحد دلوقتى الحمدلله استجابته سريعة والفرق s و d انها فى d بتنقل على 1700 , s بتنقل على 4000 و صوت الغيار يكاد يكون مسموع بس علشان عربيتى فعارف الهمسة فيها فبعرف اسمع صوت النقلات
- و فى صوت صفارة مع اول دوسة بنزين او مع دوسة الفرامل مع غيار الفتيس و بعد البحث ع النت عرفت انه التيربو لاج

[محمد فيصل]

بارك الله لك فى سيارتك وحفظك الرحمن من شرور الطريق والحاسدين والحاقدين

[ibrahim is]

تسلم يا هندسة
و قريب كده ان شاء الله هبقى اصور تسارع العربية و احطه هنا