مساعدة من اهل الخبرة في جيب شيروكي

[bakerkassab]

السلام عليكم و رحة الله و بركاته
انا بفكر في جيب شروكي موديل 94 او 95 و حسب ما قرات في الموقع ان ال6 سلندر احسن و قطع غيارها موجودة و انا بفضلها لانها اوتوماتيك و انا عارف ان قطع غيارها مش رخيصة زي ال 128 او اللانوس لانها 4×4 و استهلاك للبنزين عادي بالنسبة ل6 سلندر ( لاني راكب باجيرو 2003 6 سلندر) و انا فضلتها بعد ما قرأت موضوع عربيتك على قد ميزانيتك و شفت انها احسن واحدة من وجت نظري لانها عالية عن الارض عشان الشوارع العجيبة دي و سيارة موتورها جبار و سيارة عائلية و مكان اوسع للشنط و حوامل السقف اللي ممكن تحط شنط و تربطها فيها و دي كانت و جهة نظري يا رجالة فياريت اي واحد عنده نصيحة يقدمهالي عن السيارة دي او يدلني على واحدة بنفس السعر و تكون 4×4 و اسف للاطالة و شكراً ..................

[bakerkassab]

65 مشاهده ومفيش و لا رد فينكم يا اصحاب الجيب

[MR_SELVESTER]

متابع ...!

[bakerkassab]

هو الموضوع زعل حد ول ايه فينكم يا خبراء الجيب

[ahmed_eng2001]

السلام عليكم
انا كنت رضيت على حضرتك من البداية !!!!!! بس مش عارف الرد مظهرش ليه !!!!!

على اى حال .... انا كنت قلت لحضرتك ان فيه مواضيع كتيرة بتتكلم عن الشيروكى
رائى الشخصى ..... الشيروكى عربية ضيقة من جوة ... و خاصة الكنبة الخلفية
الغريب ان كل موديلات الشيروكى كدة ..... بداية من موديلات التسعينات لغاية الموديلات الجديدة
ال6 سلندر منتشرة اكتر من ال 4 سلندر .... و قطع غيارها ارخص ... بتاكل بنزين اكتر شوية بس الموتور اقوى من ال 4 سلندر
و الاراء بتختلف فى الشيروكى ... فيه ناس مش بتحبها .....و فيه ناس بتحبها جدا
من مميزاتها .... ان حجمها ملموم ... و ممكن تستمتع بسواقتها جدا
و ربنا يوفقك