|
#1
01-08-2009, 12:56 AM
|
|||
|
|||
سيارتي بتفصل مني مش عارف ليه
السلام عليكم ورحمة الله
الحكاية من أولها علشان نبقى على نور ..... أنني طلعت بالسيارة الصراحة من غير ما أسخنها خالص وكمان شغلت التكييف وبعدين مشت زي الفل ......... وبطلتها ونزلت أشتر ي حاجة ورجعت دورتها دارت كويس........!!! أما بقى لما بطلتها المرة التانية حوالي ربع ساعة جيت أفتح الكونتاك وأدور لقيت الكونتاك أقفل معايا ومفيش أي صوت ولا نور في التابلوه وبدور ما بدورش ..... سيبتها حوالي 20 ثانية دارت بس فصلت على طول وكل لما أدورها تفصل ........ رحت أصلي العصر ورجعت على أمل أنها تمشي .....مفيش فايدة بس البيت كان بعيد ..... دورت العربية وخليت رجلي على البنزين علشان ما تفصلش وربنا سهلها ووصلت بالعفية ..... بس طبعا على المطب كانت بتفصل مني لأني كنت بشيل رجلي من على البنزين وأفرمل .... أصبحت المشكلة عندي أني كل لما أدور العربية تدور بس لما أطلع أو أزود بنزين تفصل ..... معلش طولت أوي عليكم بس أنا قلت لما أسرد الحكاية كلها علشان إخواني الفنيين يكون عارفين الموضوع من أوله العيب من أيه ممكن أعرف ....................... جزاكم الله خيرا 
|
|
#2
01-08-2009, 05:38 AM
|
|||
|
|||
|
رد: سيارتي بتفصل مني مش عارف ليه
نوع العربية؟
التكييف بيبقي شغال لما بتفصل ولا لا؟
|
 |
|
|
