كيا بيكانتو 2013 ولا نيسان صني 2013

[heba hani]

أنا نويت أشترى سيارة ان شاء الله لكن محتارة بين كيا بيكانتو 2013 ولا نيسان صني 2013 الشكل الجديد و الاتنين أوتوماتيك و السعر قريب
أفيدوني أفادكم الله

[spider_amrdiab]

ايه علاقة البيكانتوا بالصنى؟؟؟؟
البيكانتو عربية صغيرة و 1300 سىى سى
الصنى عربية كبيرة وسائل امان و 1500 سى سى

[AbOnOrA]

لازم يا هبة تحددى بنفسك انهى فيهم انسب لاحتياجتك لان الاتنين مفيش بينهم مقارنة موضوعية خالص

ديه عربية هاتش باك مدمجة وديه عربية سيدان ديه موتور صغير اقتصادى والتانية موتور متوسط يعنى شكلاً وموضوعاً مفيش مقارنة

[khaabas]

فعلا مفيش مقارنة لاختلاف الفئة
لكن اختار البكانتو موتور قوى مقارنة بالعربيات نفس الفئة السعرية عربية اعتمادية وفيها ايرباجز على ما اعتقد لبعض الفئات قطع الغيار متوفرة ومنتشرة ورخيصة ( خارج التوكيل ) وتوكيل الكيا من التوكيلات الكويسة.
بالنسبة للصنى 2013 موش عارف تقصدى الشكل القديم وله الشكل الجديد
لو الشكل الجديد شكلها سئ جدا ( مفيش حد من صحابى وانا شخصيا الصراحة ) ولا اى حد اعرفه ارتاح لشكلها
قطع غيارها لا توجد الا فى التوكيل وغالية مووووووووووووت التنين
وانا شخصيا الصراحة عمرى ما اجيب العربية دى لا الشكل الجديد والا القديم وسيبك من عقدة اليابانى بالاضافة ان النيسان معروفة تنين بنزين

[myson medo]

بصراحة ولا دى ولا دى
لو عاوزة حاجة هاتش باك وكويسة هاتى رينو سانديرو
ولو عاوزة حاجة سيدان هاتى صنى الشكل القديم
ده بالنسبة لحاجة معقولة تحت 100 الف
ان شاء الله موفقة