عاوز ارش الفيرنا

[michaelmic]

السلام عليكم
كنت عاوز ارش عربيتى الفيرنا علشان هجدد الرخص فى شهر 3 اللى جاى كنت عاوز ارشها حزام نضافة كدة من الخرابيش اللى فيها و كمان عندى خبطة فى الرفرف شمال من سواق ميكروباص ممكن حد يعرف التكلفة كام ..انا روحت لبتاع دوكو صناعى قلى العربية تكلفك 1400 علشنان ميتالك.
حد يعرف السعر دة مناسب و الا لا ؟؟؟

[احمد سويلم]

كتير طبعا طالما حزام ومش هاترش لا سقف ولا كابوت ولا شنطه
500 جنيه بالكتير طالما رش حزام
لو هاترش العربيه كامله تتراوح من 1000 الى 1200 بالكتير اوى

[crime]

المشاركة الأصلية كتبت بواسطة احمد سويلم كتير طبعا طالما حزام ومش هاترش لا سقف ولا كابوت ولا شنطه 500 جنيه بالكتير طالما رش حزام لو هاترش العربيه كامله تتراوح من 1000 الى 1200 بالكتير اوى

يا باشا زى ما فيه الغالى فيه الرخيص اهم حاجه الخامات والفينش الاخير والصنايعى اللى شغال

تقبل تحياتى

[TiTo Sky]

البوهية انواع

ممكن يخدلك الحزام كلة ب 500 جنية ويكون صنايعي لسة بيتعلم

وممكن يظبطهالك ب 1200 زي ما حضرتك بتقول بسس هيطلع اللون تمام

وحاول تفاصل معاة في 100 او 200

ويايت انت اللي تجيبلة المون اللي عايزها

ربنا يوفقك

[fadymedhat]

ممكن واحد ياخد حزام ب 500 و واحد تانى يرش الحزام ب 2000
ال1400 معقول و ممكن تقلل السعر شوية....