باركولى إستلمت الفيرنا اليوم

[mohali]

الحمد لله إستلمت الفيرنا اليوم من رمسيس إسكندرية وعلى الرغم من نيتى على الفيرانى ربنا أرادلىالشامبين فاميه فعلن لون جديد أنا والله إفتكرته فيرانى فاتح أو بنى فاتح لأنى لقيت الفيرانى غامق أوى بالنسباله وحصل موقف كده حسيت إن ربنا عاوزلى اللون ده بالذات وأعتقد إنه لون جديد والحمد لله سواقتها جميلة جدا جدا أصل أنا كان معايا لادا بقى هههههههههههه وفولتها 92 أرجو النصيحة بالنسبة للصيانة والمياه للرادياتير وكما الراجل شغل التكييف تمام وقالى دى متلينة إمشى وشغل التكييف براحتك وجزاكم الله خير ومعلش سؤال هو كاتب زجاج ملون هل ده ههو هو الفاميه ولا أخليه يغيرره فى المبايعة

[mezo s]

الف مبروك يا باشا ربنا يديك خيرها و يكفيك شرها

[M.TONSY]

مبروك يا باشا
بس يعنى ايه متلينة يعنى عاملة 2000ك مثلا
المفروض التكييف تشغله بعد ما العربية تلين يعنى تعمل 2000ك
والمفروض انك تلاقى العداد عامل 26 ك مثلامش اكتر من كدة
بالنسبة للزجاج الملون ده بيبقى لون مخضر بسيط فى الزجاج مش الفاميه

[M.TONSY]

والشامبين فعلا من الالوان الجميلة وهو اشيك لون فى الفيرنا زى عربيتى
وهو بيدى لونين لون فى الشمس دهبى اوكسيديه ولون فى الظل فيرانى فاتح هو فعلا لون مميز واحلى من الفيرانى
بس ربنا يسترها معاك لانه لون بيجيب الحسد

[mezo s]

صحيح ايه حكايه متلينه دى !!! عدت عليا كده شكرا للاخ الفاضل اللى انتبه للنقطه دى