هشترى افيو 2008 يوم الجمعة الحقوووونى

[egy4arb]

سلام عليكم

انا قدامى عربية افيو 2008 كاملة مانيوال سماوى فابريكا بالكاملة

ماشية 80 الف كيلو

صاحبها مهندس و الكيلوات عالية عشان سفر بس

حالية العربية ممتازة باستثناء بعض الخرابيش البسيطة على التابلوة من الداخل اما من الخارج مافهاش رش خالص و الدواخل فابريكا ا كيد

و انا راجعت بنفسى العداد ار بى ام مش بيعدى 1200 على المور و اعتقد مناسب

و جرب التكيف نص نص بصراحة

و جربت الموتور زى الفل و العفشة ناشفة شوية بس كويسة برضة


ياااااااااااااترى اخلص فيها ؟ و سعرها يبقى فى حدود كام

هوا كان طالب 58 وصلتها ل 56 اية رئيكم ؟

مع مراعاة انها من حد اعرفة و موثوق بعيد عن نصب السوق و الرخص المضروبة اكيد ليها تمن


و كان عندى استفسار كدا : العدادات ماجربتش نورها لانى كنت صبح

هل هيا ديجيتال ؟

هى الصبح كانت زى كدا





هل بليل هتبقى كدا ؟؟



ولا انا بحلم ؟؟ هههههههههههههههههه


و سؤال اخير بخصوص هوايات التكييف مش بتتحرك انا لازم اوجهها بايدى ولا بتتفتح لوحدها لما ا لتكييف يشتغل اانا اقصد الخارجية المقفولة دى لازم افتحها بايدى



بانتظاركم و اسف جدا للاطالة

[screamseko]

و انا راجعت بنفسى العداد ار بى ام مش بيعدى 1200 على المور و اعتقد مناسب

الاربي ام وضعه الطبيعي بيبقي علي 750 او 800 بدون تكييف
زي الصوره دي

ولازم يكون ثابت
وهي دي مشكلة الافيو في مصر
لو بيرعش ياريت تصرف نظر عشان حتبقي مشكله مش حتلاقيلها حل
تحياتي وربنا يوفقك

[egy4arb]

تمام يا غالى

انا مش فاكر الرقم بالظبط كام بصراحة بس انا سمعت انو طالما تحت ال1500 عادى

مووضوع الرعشة دا ماختش بالى منو هبقى ابص عليها

[jojojojojo]

المشاركة الأصلية كتبت بواسطة screamseko الاربي ام وضعه الطبيعي بيبقي علي 750 او 800 بدون تكييف زي الصوره دي ولازم يكون ثابت وهي دي مشكلة الافيو في مصر لو بيرعش ياريت تصرف نظر عشان حتبقي مشكله مش حتلاقيلها حل تحياتي وربنا يوفقك

دي اهم نقطه فعلا تاخد بالك منها عشان هضيقك جدا وفي ناس بتبيع العربيه عشان المشكله ديه ولو كانت العربيه بارده و1200 مفيش مشكله بس بدل مشيت ووقفت ومورت بتبقي تحت 1000 فعلا وان شاء الله تبقي عربيه الخير وتفرح بيها لو فيها خير ان شاء الله

[وائل احمد السيد]

موضوع الرعشة دى اعتقد دى عادى لان الموتور بيسخن نفسة لوحدة فأعتقد مافيهاش مشكلة عموما انت لو مش مطمن 100% ماتشتريش غير اللى تكون مطمئن لكل حاجة ونفسيتك مستريحة علشان ماتندمش