رحلة الى اعماق الكون : 2- الهروب من الارض

[احمد على 1999]

لو حاولت تنط لفوق الارض حتشدك تانى لتحت
حتى الطيارة مش حتعرف تفلت من الجاذبية بتاعة كوكبنا
اكتشفوا ان علشان حاجة تهرب من جاذبية كوكب الارض لازم سرعتها تتخطى 11 كم / ث تقريبا تقريبا 10 اضعاف سرعة رصاصة البندقية و 34 ضعف سرعة الصوت
غالبا اطلاق سفن الفضاء بيتسارع ليتخطى السرعة دى و قد يصل الى 25 كم / ث و يمكن اكتر يعنى تعملك مشوار من القاهرة لاسكندرية فى 8 ثوانى المشكلة بس فى الرادار !
و دون الدخول فى تفاصيل علمية الخروج يجب انه يكون فى مسار منحنى
: (وَلَوْ فَتَحْنَا عَلَيْهِمْ بَاباً مِنَ السَّمَاءِ فَظَلُّوا فِيهِ يَعْرُجُونَ لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَسْحُورُونَ) (الحجر:14،15
و يفجأ من يخرج الى الفضاء ان الشمس قرص ازرق على خلفية كاحلة السواد



و ان النهار ده عبارة عن شريط ازرق رفيع بسمك 200 كم تقريبا فوق سطح الارض



و كوكبنا الجميل بيدور حولين الشمس بسرعة خطية تقريبا 100 الف كم / س يعنى اسرع الف مرة من عربيتك و انت ماشى على الصحراوى

و سرعة دوران سطح الارض تقريبا 1600 كم / س علشان تلحق تلفلها لفة كاملة حولين نفسها فى 24 ساعة

و طالما خرجنا الى الفضاء حيبتدى يبان حقيقة حجم كوكبنا بالنسبة للحواليه
مثلا بالنسبة للشمس ( اقرب نجم لينا ) ادنا مليون مرة فى الحجم بس احنا بعيد عنها جدا 150 مليون كم علشان كده الضوء الى هو سرعته 300 الف كم / ث بيوصلنا من الشمس فى 8 دقايق تقريبا
يعنى الشمس الى احنا بنشوفها فى الحقيقة هى الشمس فى الماضى من 8 دقايق ههه هههههه هههههههههههههههه

[د.هبه77]

سبحان الله
كل شئ خلقناه بقدر
ربنا سبحانه وتعالي لما خلي الشمس بعيدة عن الارض 150 مليون كم لانها لو اقرب من كدة كنا زماننا اتحرقنا!!
ننتظر المزيد

[نبيل عبدالرحمن]

تسلم ايدك ياباشمهندس أحمد معلومات رائعة وننظر الباقى - معلش إحنا طماعين

[احمد على 1999]

المشاركة الأصلية كتبت بواسطة د.هبه77 سبحان الله كل شئ خلقناه بقدر ربنا سبحانه وتعالي لما خلي الشمس بعيدة عن الارض 150 مليون كم لانها لو اقرب من كدة كنا زماننا اتحرقنا!! ننتظر المزيد

الله يكرمك يا دكتورة هبة بتشجعينى دايما

المشاركة الأصلية كتبت بواسطة نبيل عبدالرحمن تسلم ايدك ياباشمهندس أحمد معلومات رائعة وننظر الباقى - معلش إحنا طماعين

حضرتك تأمرنى يا استاذى العزيز

المشاركة الأصلية كتبت بواسطة احمد على 1999 و دون الدخول فى تفاصيل علمية الخروج يجب انه يكون فى مسار منحنى : (وَلَوْ فَتَحْنَا عَلَيْهِمْ بَاباً مِنَ السَّمَاءِ فَظَلُّوا فِيهِ يَعْرُجُونَ لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَسْحُورُونَ) (الحجر:14،15 و يفجأ من يخرج الى الفضاء ان الشمس قرص ازرق على خلفية كاحلة السواد و ان النهار ده عبارة عن شريط ازرق رفيع بسمك 200 كم تقريبا فوق سطح الارض

كنت ناوى اكتب تعليق على الحتة دى فى اصل الموضوع بس غيرت رايى لانى معرفتش اتاكد من المصدر
بس ححط التعليق هنا
مرة كنت بتفرج على حلقة لزغلول النجار و قال ان اول بشرى خرج من الغلاف الجوى ( مش متأكد يورى جاجارين هو الى قال و لا نيل ارمسترونج انا عارف ان يورى هو اول بشرى يخرج الفضاء )
المهم انه لما اتفاجىء بمشهد الشمس كقرص ازرق و السماء حالكة السواد و النهار مجرد طبقة رفيعة فوق سطح الارض
فقال : يبدو و كاننى قد فقدت بصرى او اننى مسست بالسحر
It seems like I've lost my vision or I've been touched by magic

نفس معنى الاية الكريمة

[احمد الشناوى1981]

سبحان الله
و الله يا باشمهندس الكلام ده هو الى بيحرك القلب و احنا بس الى الدنيا واخدانا
جزاك الله خيراً