#1
|
||||
|
||||
![]()
السلام عليكم جميعا
زي ما وعدتكم سابقا جايبلكم تقرير سريع عن الجيتا ال 2012 اللي نزلت السوق الكويتي مبدايا العربيه نازله 2000 سي سي 115 حصان و الغريب ان الفتيس 6 سرعات بس مش DSG و لما سالنا عن المتور ال 1600 او ال 1400 TSI مندوب المبيعات و بكل ثقه رد و هو المصريين سايبلنا حاجه و فهمنا منه ان التوكيل في مصر زيه زي توكيل مرسيدس باعت شكوي لالمانيا ان العربيات الخليجي ال 1600 سي سي بيتم تصديرها و بكثافه الي مصر مما يؤثر علي مستوي المبيعات عنده يعني من الاخر التوكيلات في مصر لا بيرحموا و لا بيسيبوا رحمه ربنا تنزل مصممين ينزلوا المواصفات اللي هما عايزنها و يتحرق الناس المهم نتيجه للشكوي دي كل الجيتا اللي هتنزل الخليج هتبقي الامريكي مش الاوروبي يعني اقل متور 2000 سي سي و بما ان الامريكي مواصفاته اقل من الاوروبي فسعره ارخص و ده طبعا هيزود المبيعات للتوكيلات في الخليج لانه هيقدروا و بسهوله اكتر منافسه عربيات مشهوره زي الكرولا و السيفيك و اللانسر و ده بان لما عرفنا السعر اسيبكم مع الصور و نرجع نكمل ![]() ![]() ![]() ![]() ![]() ![]() العربيه البني هي البيسك و السلفر هي الفل اوبشن و هما دول الفئتين المتوفرين حاليا و الاولي سعرها 5250 دينار و التانيه 6250 و الفرق ما بينهم يكمن في الباركنج سنسور, الجنوط, الكروز كنترول, الفوجات و اخيرا فتحه السقف طبعا مواصفات السلامه ستاندر في الاتنين طبعا الموديل الاقدم كان بينزل بمواصفات اكتر بكتير زي الزنون, الجلد, الستاير الخلفيه,الكاسيت ذو الشاشه الكبيره الملونه RD510 و الجنط ال 17 و ده كله حتي الان مش هيكون موجود في الجديده الملاحظات المبدئه العربيه شيك جدا لكن كلاسيكيه الي حد ما و فيها كتير من الاودي A4 محستش ان الطبلون اختلف كتير هو هو بتاع الشكل القديم لكن و للاسف الخامات مش هي هي الخامات الجديده اقرب الي خامات الاوكتافيا من الجيتا القديمه و كان في جولف لما بصينا عليها و هي المفروض بنفس الطبلون حسينا بفرق التقفيل و الخامات الملاحظه الاهم العربيه اوسع من القديمه بفرق ملحوظ و اعتقد ان الصوره للكراسي الخلفيه مبينه كده و ده و الكراسي الاماميه متظبته علي طولنا يعني القعده مريحه قدام و ورا و ده شيئ كويس و تغلب علي مشكله كانت بتواجه الشكل السابق النتيجه النهائيه العربيه متوقع ليها نجاح كبير هنا في الكويت لان سعرها مغري و مواصفاتها معقوله و طبعا سمعه فولكس نار علي علم و متوقع ان اللي هتنزل مصر هيبقي تقفيلها و خاماتها افضل لكن للاسف هنقع تحت رحمه التوكيل و المواصفات اللي هيحطها اتمني التقرير يكون عجبكم و ابقوا زورا قسم الاودي في قنبله هناك ههههه
__________________
Sharief Mansy
Farewell my Cayenne, you were the best car i ever had and driven |
#2
|
||||
|
||||
![]() ![]()
__________________
تم حذف بيانات الاتصال بناء على الشكاوى المقدمة ضد صاحب العضوية فى الموضوع التالى : http://www.masrmotors.com/vb/showthread.php?t=121431 |
#3
|
||||
|
||||
![]()
حسبى الله ونعم الوكيل فى التوكيلات
__________________
جميع المواضيع منقولة للأمانة لا تجادل احمق فانه ينَزلك لمستواه ثم يغلبك بالخبرة ![]() |
#4
|
|||
|
|||
![]()
مفيش ميعاد مبداي ان العربية هتنزل مصر امتي واحتمال سعرها يبقي كاااام ؟؟؟؟
|
#5
|
|||
|
|||
![]()
شكرا لحضرتك على التقرير وللاسف فولكس عموما مالهاش سوق في المملكة
![]() |
![]() |
|
|