شهادة حق فى الاكسنت ار بي - بعد بحث طويل

[hatricweb]

اعذروني لاني مش متعود اكتب في المنتديات بصراحة لكن حبيت اقول شهادة حق :
انا بعد بحث طويل ومجهد ربنا كرمني واستقريت واشتريت الاكسنت ار بي 2012 الفئة الاولى baseline بدون كماليات وكان سعرها 102 من معرض شاهين في الهرم موزع غبور وبصراحة الحمد لله العربية تحفة جدا وعجباني جدا انا مش خبير في العربيات عشان اقدر اقول تفاصيل او اجابات دقيقة لكن لفت نظري مشاركة من احد الاعضاء بتتكلم عن ثبات العربية وانها واطية وبتحك في الارض ......انا بصراحة مش شايف كده خالص انا قبل ماشتري قارنت ارتفاعها باللانسر لقيتها اعلى منها ولما ركبتها لقيت امساعدين بتاعتها ناشفة شوية يعني مش بتحك بسهولة اما بقا حكاية الثبات فانا امبارح حبيت اجرب الحكاية دي رغم اني مش من هواة الجري لكن جريت بيها على المحور ولحد 150 كانت زي الفل ماشاء الله وباخد بيها غرز لكن بعد 155 بصراحة خفت ازود عن كده مش لعدم ثباتها بالعكس انا كنت حاسس انها ماسكة في الارض وباجري بيها جنب النقل التقيل وكنت خايف الهواء يأثر عليها لكن بالعكس لقيتها بسم الله ما شاء الله ثابته لكن طبعا بانصح اي حد انه مايزود في السرعة لان شوارع مصر مش حلوة لكن العربية بسم الله ما شاء الله حبيت اقول في حقها شهادة حق قدام ربنا

[honda RB]

ربنا يباركلك فيها ويكفيك شرها وخالى بالك من الغرز على السرعات العاليه خاصة ال 160 ويفضل اول 1000ك انك تمشى 80-100 ويفضل ايضا عدم تشغيل التكييف والف مليون مبروك ليك / العربيه دى معايا ومحترمه جدا والحمد لله

[azzat 55]

الف مبروك وربنا يحفظهالك

[oceanboy425]

ربنا يباركلك فيها ويكفيك شرها

[Eng/salwa]

ربنا يبارك لك فيها و يعطيك خيرها و يكفيك شرها